هل تواجهكم مشكلة في الدخول لحساباتكم على جوجل وخصوصا الجي ميل ؟
رجاء الافادة ؟
عرض للطباعة
هل تواجهكم مشكلة في الدخول لحساباتكم على جوجل وخصوصا الجي ميل ؟
رجاء الافادة ؟
انا داخل فيس مفيش مشاكل
مش عارف فيه ايه
كل حساباتي واقفة
اليوتيوب والفيس بوك وحتى لو بعمل بحث على جوجل
بيظهر لي الشكل ده على جوجل كروم
http://www11.0zz0.com/2014/04/27/18/147590559.jpg
وده لو بدخل على الفيس من انترنت اكسبلورر
http://www11.0zz0.com/2014/04/27/18/300613137.jpg
هو مكتوب انك تحاول بعد دقائق وان شاء الله هايشتغل
تأكد من ظبط ساعة الكمبيوتر على 2014 وحاول تانى
يا سلام عليك أستاذ
أنا قبل ما أشوف مشاركتك لقيت اللاب توب على 2009
أصلي فككته حتت النهاردة وركبته تاني
والتاريخ رجع بيا خمس سنين لورا (يا سلاااام)
المهم زبطت التاريخ وعملت ريستارت ودخلت أقولكم المشكلة اتحلت (ما كنتش متأكد إذا كانت من الساعة ولا صدفة لأني حاوت أدخلت من السامسونج موبايل برضو عمل نفس المشكلة واحتمال يكون مشكلة الكمبيوتر أثرت عليه) لقيتك كاتب المشاركة دي
اتأكدت إن هى دي المشكلة
بس ايه العلاقة بين التاريخ والمضوع ده ؟ :U_thin1[1]:
بيقول ان عندك مشكلة في خط الاتصال الآمن بتاعك ممكن تكون بتشارك معلومات مع هاكر
جرب ترستر الراوتر وجرب ادخل من متصفح تاني وقولنا النتيجة
العفو ياباشا :)
الاتصال الامن بيستخدم حاجة اسمها شهادات SSL
SSL certificate
بدون الدخول في تفاصيل فنية الشهادة دى بيبقى ليها تاريخ صلاحية
لو ساعة الكمبيوتر مش مظبوطة البراوزر هيعتبر الشهادة منتهية ويرفض اجراء الاتصال الامن (الـ HTTPS يعنى ..)
وفي الصفحة بيقولك لو كان ينفع تكمل باتصال HTTP عادى مش امن كان هيبقى في احتمال ان لو هاكر دخل في الوسط يشوف المعلومات بتاعتك ، وعشان حماية المعلومات الشخصية كروم مش هيمرر الاتصال الا بعد نجاح الاتصال الامن ( اللى هو هيتضمن ان الشهادة تكون صالحة )