الموضوع: خلاصة الكلام فاللوجان

متابع باهتمام لأن فعلاً المعلومات قليلة جدا عن اللوجان 2014 وخصوصا اللي عن تجربة

المشاركة الأصلية كتبت بواسطة adel_edrees

حضرتك بتتكلم عن الشكل الجديد أكيد لسه لم يتوفرله أي حاجة بره التوكيل لكن القديم فيها كل اللى أنت قلتهمن قطع غيار مضروبة تركى برازيلى تايوانى و كل حاجاتها موجودة في جميع المحلا شارع دمشق مصر الجديدة صقر قريش مشكلة البوابة هي مش مشكلة البوابة ذات نفسها هي مشكلة حساس الأيدول ودى مش مشكلة عادى البوابة بتنضف وحتى لو تتغير كل 60 ألف كيلو أستهلاك عادى و مشكلة ترموستات الكوعة دى مشكلة عادية جدا يعنى الترموستات لما تتغير كل 100 ألف كيلو يبقى ده أيه يعنى تيل الفرامل حضرتك ده حسب الأستهلاك لكن عموما ماحدش أشتكى من تيل الفرامل و قال أنه كل 15 ألف كيلو بيتغير أول مرة اسمعها من حضرتك (خش شوف نيسان صنى الجديدة وبعد كده أتكلم عن المشاكل أو الأيمجراند) و بعدين بقى الفيرنا كل مشاكلها أن الجنوط بتاعتها تنزل معووجة ياراجل مش ممكن بقى الفيرنا بتاعتنا دى كل مشاكلها أنها بتنزل بجنوط معووجة ياللهول على راى يوسف بك وهبى بص حضرتك اللوجان زيها زى اى عربية فيها مشاكلها و كل عربية في الدنيا ليها مشاكلها لكن ان شايف أنها عيوب مقبولة و مميزاتها معقولة بالمقارنة لسعرها نسيت صوت التزييق بيتحل بعلبة شحم ابيض و يتشحم بيها كل حاجة في العفشة و أذا كنت بتعتبرها مشكلة فهى ليست مشكلة على الأطلاق

اولا شكرا على ردك ومشاركتك
ثانيا انا كان معايا فيرنا 2006 قعدت معايا 4 سنين و فيرنا 2011 قعدت معايا سنة و مع انها عربية حقيرة وقعدتها مش مريحة ومش ثابتة بس كنت بقفل بيها العداد ( 200 كيلو ) طالما فى خط مستقيم مفيش مشاكل - وعمرها ( عمرها ) عمرها كمان مرة ما فتحت بقها خالص
انا بتكلم عن نسبة صفر فالمية اعطال ومن غير معملها صيانة دورية !!!!!! كنت بس بغير تيل فرامل وزيت وكاوتش لما الاقيه اتمسح - يا راجل هاتلى عربية مفتحتش بقها علما انى كنت بفشخ فيها واقرص عليها جامد ( استعمال عربجى )
انا مش متحيز لعربية ضد التانية بس مشاكل اللوجان وعدم توفير قطع الغيار قلقنى وكان عندى امل حد يقوللى ان قطعها موجودة على اساس انها نفس موتور وعفشة الشكل القديم حسب ما سمعت

وعلى فكرة اخويا معاه لوجان الشكل القديم بس مش عارف اخد على كلامه عشان هو تقريبا مش بيمشى بيها - معاه فلوريدا حقيرة بيقضى بيها مشاويرو وراكنلى اللوجان بيسخنها ونادر ميطلع بيها
فصدقنى مفيش تحيز انا بس محتار بين العربيتين عشان خلاص هشترى باذن الله عربية فى اول 6

المشاركة الأصلية كتبت بواسطة Mico_Mico

وعلى فكرة اخويا معاه لوجان الشكل القديم بس مش عارف اخد على كلامه عشان هو تقريبا مش بيمشى بيها - معاه فلوريدا حقيرة بيقضى بيها مشاويرو وراكنلى اللوجان بيسخنها ونادر ميطلع بيها
فصدقنى مفيش تحيز انا بس محتار بين العربيتين عشان خلاص هشترى باذن الله عربية فى اول 6