تعالو نحل المشكله دي سوا عشان انا زهقت !!!

مساء الفل

مطلوب من عباقره الأوبل والفيكترا إيه تحديدا وياسلام لو حد حصله المشكله دي
المشكله بإختصار العربيه لما بكون ماشي في أمان الله علي أر بي ام عالي وأمور مره واحده أو اجيب من تالت لـ تاني العربيه تطفي لوحدها --- موتور 1400 سي سي كامه واحده هاف انجكشن رشاش واحد

المشكله دي جرتني وراها وتم تغيير الأتي
1- كونترول
2- هاف انجكشن كامل (رشاش - كاربرتير - حساس بوابه - حساس كولنت - حساس تشوك )
3- طلمبه بنزين مره واتنين وتلاته
4- تم تنضيف دوره بالبنزين بالكامل ( خط الرايح والراجع ) والخط الراجع والرايح كويسين

معلش إنت تحدد الأول اللي بيحصل بالضبط
يعني بتبطل مرة واحدة.............. ولا بتتكتم وتقطع وبعدين تبطل
لو الأخيرة يبقى بنزين يعني كل اللي قولته
أما لو بتبطل مرة واحدة يبقى كل اللي فات مالوش لازمة
هتعمل إيه .............. ؟ ؟
لو الموضوع ده وإنت ماشي بس
بمعنى إنك لو زودت بنزين وسبته مش بتبطل
يبقى تراجع على توصيلات الكهرباء بتاع الاسبيراتير والموبينة
لكن لو بتبطل كل ما تزود بنزين وتسيبه
هتشيل خرطوم الفاكيوم
دا خرطوم رفيع واصل بين الاسبيراتير والكاربيراتير أو المانفو
شيله من الاسبيراتير وسده وجرب
دا كله على أساس إن السلانسيه مظبوط
اما لو مش مظبوط
هتشيل كابل البطارية قد ربع ساعة او نص ساعة وترجع تركبه
تفتح الكونتاك مرتين ثلاثة من غير ما تدور وبعدين تدور وتتوكل على الله وإنشاء الله المشكلة تتحل

السلانسيه مظبوط والعربيه فعلا بتبطل مره واحده بمجرد ماكون علي سرعه وأمور العربيه مره واحده
وايه خرطوم الفاكيوم ده انا مفيش خراطيم عندي طالعه من الإسبراتير غير سلوك البوجيهات
عمتا فيه خرطومين رفيعين واحد رايح عالكبرتير والتاني رايح علي خرطوم السيرفو بتاع الفرامل !!

بص ياباشا بكره ان شاء الله هصورلك المنظر عندي وارفعهولك هنا

اشك في حساس الكرنك