السلام عليكم
العربية بتاعتي لما مؤشر الحرارة بيوصل النص بيضعف سحبها اوي وبتسقف حد يقولي ايه المشكلة ؟
عرض للطباعة
السلام عليكم
العربية بتاعتي لما مؤشر الحرارة بيوصل النص بيضعف سحبها اوي وبتسقف حد يقولي ايه المشكلة ؟
كدة الموتور بيسخن زيادة عن اللزوم
وبالتالى اجزائه الداخلية بتتمدد اكتر من اللازم ولو ما حلتش المشكلة ممكن الموتور الله لا يقدر يقفش
ممكن المروحة مش شغالة عندك لعيب فيها او فى الثرموستات او المقاومة اللى بتقومها
ممكن الزيت ناقص
ممكن فى هواء فى دورة التبريد - خلى بالك ما تفتحش غطاء قربة المياه والعربية سخنة -
اتاكد ان المروحة شغالة والعربية سخنة
حل المشكلة واسرع فى حلها علشان الموتور ممكن يتأثر بالسخونة وعمره يقل
شكرا يا استاذ على المساعدة
هو حضرتك بتستخدم بنزين ايه؟
بنزين 92
هو الطبيعي ان المؤشر يبقي في النص و92 هو البنزين المظبوط شيك علي سلوك البوجيهات
تم حل المشكلة بتغيير طلمبة البنزين
مبروك حل المشكلة
طرمبة البنزين لما حيخلص عمرها الافتراضي اول ما تشتغل تكون كويسة بس تسخن بتفوت وبيقل دفع بنزين للماتور دا حسب كلام الميكانيكي انا جبت قلب طلمبة شبة اللي راكب عندي مش عارف بتاع اي عربية بس تقريبا كل العربيات الكورية والصينية ويابانية شبه بعض بقلب الطرمبة
اخى العزيز انا عارف انك ساكن فى اكتوبر او زايد ممكن نتقابل عشان عايز اشوف الجزء اللى غيرته عشان انا عندى من فتره ابتدت العربيه تسقف شويه مش جامد لكن احساسى انها بدايه لحاجه و كنت شاكك فى البنزين مع انى بغير من بنزينة موبيل بعد هايبروان او اللى قبل بوابات اسكندريه بعد كارفور و احيانا توتال عند مدخل زايد و بعد كده مفيش لأنى لا اثق فى غيرهم و برضه شكيت فى ان حساس الايدل ابتدى يهيس و لما انت قلت الطلمبه برضه قلت احتمال ضخها ابتدى يضعف
هو الموضوع لسه فى اوله بس عايز اجهز نفسى فلو امكن تحدد ميعاد و مكان نتقابل فيه
:120146bانا اسف ياباشا مش حينفع نتقابل لانة ماتور العربية باض وبعملها عمرة كاملة وقبل شهر كنت عامل ليها نص عمرة ومغير صبابات مش عارف ليه حصل كدا معايا