حسبي الله ونعم الوكيل في اللي بيحصل

**minicooper20** · 28-04-2014 12:33 PM

ورقك سليم
لو ورق سليم متدفعش و اجل البناء دلوقتى بس تابع الارض
و ازبط القسم عندك و شربهم شاى مع شويه واسطه و هترجعها الحوار لسه معمول معانا فى المنصوريه

**drcobra** · 28-04-2014 12:43 PM

هو دة جهاز الشرطة فى مصر
اكبر فساد
محتاج اعادة هيكلة وتغير عقيدة الجهاز من الجباية والاتاوة والبلطجة على المواطنين الى خدمة الشعب
مبارك عمل كدة فى الشرطة لحمايتة وسبحان الله مستفدش منهم واتخلع

**Merooxx** · 28-04-2014 02:04 PM

المشاركة الأصلية كتبت بواسطة minicooper20

ورقك سليم
لو ورق سليم متدفعش و اجل البناء دلوقتى بس تابع الارض
و ازبط القسم عندك و شربهم شاى مع شويه واسطه و هترجعها الحوار لسه معمول معانا فى المنصوريه

ياريت ياباشا
احنا خلاص دفعنا وبنينا واصلا اللي ماسك حوار المباني في دمنهور (مكان البيت)
كل يوم مع الضباط وحبايبه
الحمد لله انها جت علي قد كدا في ناس مش عارفة تاخد ارضها

حسبي الله ونعم الوكيل في الشرطة

**Merooxx** · 28-04-2014 02:11 PM

المشاركة الأصلية كتبت بواسطة elawany13

حسبنا الله ونعم الوكيل

تسلم الايادى

تتشل وتتقطع الايادي
اللي بتخرب بيت ولادي

**rompo10** · 28-04-2014 02:25 PM

ياباشا قول الحمد الله انها جت علي 75000 انا قريب ليا دفع تقريبا نص مليون وكنت نزلت الموضوع هنا الشرطه مش بتقدر علي العرب ولا تقدر تقولهم أي كلمه والدليل اللي بيحصل في سينا ضرب بالطائرات علي طول مافيش واحد يقدر يمشي علي رجله

**Merooxx** · 28-04-2014 02:26 PM

المشاركة الأصلية كتبت بواسطة أبو آسر

متظلمش الشرطة ياعم ميرو هتلاقيهم مشغولين بالخناق على مأمورية استشهادية التمسلهم العذر برده

ربنا يعوض عليكم

والله يا حج ابو اسر انا كرهتهم وبازات بعد 30 6 بقو عاملين زي البلطجية اي حد مش عاجبهم يموتوه يلبسوه قضية (والله لسا حصلة امبارح تحت البيت في القهوة علشان العامل مرضاش يدي للعسكري كرسي علشان الباشا يقعد عليه الساعة 3 الفجر وهما في لجنة!!!!!! والقهوة كانت بتقفل والضابط جي النهاردة وشمط العمال كلهم وقفل القهوة !!!! شفق الافترا )

ياااااااااااارب انتقم منهم وارنا فيهم يوما اسودا

**Merooxx** · 28-04-2014 02:30 PM

المشاركة الأصلية كتبت بواسطة ninevision

اوراقك سليمة ولا هى وضع يد ؟

طبعا ياباشا كل حاجا سليمة \
بس معدتش تفرق سليمة ولا لا

اهم حاجا معاك فلوس وتعرف بلطجية ولا لا :b4_237:

**Merooxx** · 28-04-2014 02:32 PM

المشاركة الأصلية كتبت بواسطة anaslbda

عرب؟

لالالالالالا بلطجية علش شرطة

**friendship7897** · 28-04-2014 05:39 PM

ربنا يعوض عليكم
اللي بيحصل دا نتيجة التفويض
فاكرين التفويض !!!!
أحنا اللي فوضنا الجيش إن الشرطة ترجع زي ما قبل ثورة 25
وأحنا اللي فوضنا الشرطة تستخدم البلطجية للقضاء على الأرهاب
وإحنا اللي فوضنا الشعب يطاطي للبلطجية
وإحنا دلوقتي اللي مش عارفين نلم البلطجية ولا عارفين نرجع لثورة 25
ولا حتى عارفين الشرطة لخدمة مين ؟
ولسة كمان !
كنا زمان فيه صفحة على الفيس أسمها كلنا خالد سعيد علشان أتقتل على أيد الداخلية .
دلوقتي المفروض يكون فيه على الأقل 100 الف صفحة تكون كلنا ضحايا البلطجية
وصفحة كلنا في خدمة الشرطة
وصفحة كلنا صابرين
وصفحة كلنا جعانين
وصفحة كلنا إرهابيين
وصفحة كلنا موكوسين
وصفحة كلنا منتخبين
وصفحة كلنا مهاجرين
يارب أخرجنا منها على خير