الموضوع: المرور: مفيش فايدة

انا هقول كلمة كده , كنت فاكر لما يطبقوا قانون المرور الجديد ان الدنيا هتتغير والشوارع هتبقى كويسه والكل هيلتزم اذا كان سائقي السيارات او الميكروباصات او الاتوبيسات او من جانب افراد الشرطة والمرور وكنت اول واحد متحمس ومقتنع جدا بالقوانين لانها بالفعل في صالحنا مش ضدنا لكن الطامه الكبرى ما كنت اعرف ان القانون هيطبق شهر علشان ............... وخلاص وكل سنه وانتم طيبين

انا النهارده كنت رايح شارع جامعه الدول

وطلعت كوبرى اكتوبر وياريتنى ما طلعت اكتر من ساعه الا ربع على الكوبرى فقط

بجد والله المفروض يخلوا المترو يوصل للبلد كلها والناس كلها تركبه

وكماان كوبرى اكتوبر ده اختراع فاشل عالطول واقف معرفش امتى بيمشى اصلا

المشاركة الأصلية كتبت بواسطة kemoelord

ا لكن الطامه الكبرى ما كنت اعرف ان القانون هيطبق شهر علشان ............... وخلاص وكل سنه وانتم طيبين

شوقتنا يا باشا.. طبقوه شهر علشان إيه؟؟؟

المشاركة الأصلية كتبت بواسطة gassermohyaldin

اية حكاية المرور فى مصر وزحمة المرور الى مش طبيعية احنا البلد الوحيدة الى فى العالم الى فيها زحمة مرور دراماتيكية بطريقة مجنونة سواء كان صبح او فى الليل كنت الاول فاكر ان الزحمة دى سببها كثرة السيارات والناس فى الشوارع ولاكن هزا خطا بنسبة 80% , اعتقد ان زحمة المرور فى مصر مفتعلة عن عمد لان الحكومة لما بتحب يكون فى سيولة مرورية بنلاقى مفيش زحمة حتى ولو منتصف النهار واتسائل لمازا يتم تضييق المنافز والمخارج عن عمد و بناء ارصفة ومطبات فى اماكن عجيبة وعمل ملفات داخل شوارع اصلا ضيقة الناس المسؤلة عن التخطيط هل فعلا عندهم فكرة عما يفعلون, فى فرنسا1943 قامت حكومة الرايخ الثالث النازى اثناء احتلال فرنسا بعمل تكدس مرورى فى باريس وضواحيه وكان هزا كنوع من تزهييق الناس وجعلهم تحت امرة جيش الرايخ وكان الفرنسيين مقتنعين ان الزحمة بسبب كثرة السيارات ولاكن بعد انتهاء الحرب اعترف القادة الالمان اثناء محاكمتهم انهم كانو مسؤليين التكدس المرورى وها نروح بعيد لية روسيا قامت بعمل تكدس مرورى يومى فى الشيشان ومحدش خد بالة, بس لازم نعترف ان السلوك الشخصى للناس فى الشارع جزء من المشكلة لان الزحمة والتكدس عموما تفقد الانسان الطبيعى 45% من اتزانة النفسى والعقلى .كمان ركب كبار وصغار وحرييم اواطفال السادة المسؤليين الى بقى مستفز جدا يعنى عشان واحد من السادة المسؤلين يروح الشغل او سيادتة خارج يتعشى بيبقى يوم اسود على كل الناس الى فى الشارع يقفلو الشوارع والكبارى لسيادتة غيير مباليين بعطلة الناس الكلام دة مبيحصلش الا فى ام الدنيا مصرlol فلا تتوقعو ان يحل احد المسؤليين ازمة المرور لان سيادتهم مبيمشوش فى المرور زى باقى مخاليق ربنا فاحساسهم بلمشكلة معدوم اصلا وفاقد الشى لا يعطية هما عايزيين الناس متعطلة ومتاخرة وفى صراع دائم من اجل لقمة العيش لان شعب مصر لو ارتاح سيطالب بحقوقة كاملة ولن يتنازل عنها..حسبى الله ونعم الوكيل

الراجل ده الي قاله المفروض ياخذ جائزة نوبل لان هذا موجز باهم الاحداث والاوضاع والكوارث والمهازل الموجود حاليا بالشوارع انا بجد نفسي الاقي وضع كويس ويبشر بالامل بتحسن الاوضاع او حتى حاجة كويس الواحد ممكن يذكرها ويشكر فيها ,,, اذا كانت لبنان وغزة بنيتهم الاساسيه متدمرة فاحنا اشد تدمريا منهم ,,, وبمناسبه ان التكدس والزحمة تقفد الانسان 45% احب اقوله ساعات النسبه دي بتوصل 85% لما اشوف ان سبب التكدس من رجال المرور انفسهم !!!!!!!!

المشاركة الأصلية كتبت بواسطة SuccessCre8or

عشان اية بقى ؟؟ مش واخد بالى بصراحة...

علشان ال Cash money لازم يبقى في ال wallet اول كل شهر