العربية على rpm 3 بتجيب كام

**hobaus3000** · 28-04-2014 02:41 AM

السلام عليكم ورحمة الله وبركاتة

انا معايا ماتريكس 2008 مانيول مستعملة مشتريها من حوالى 5 شهور البشمهندس محمد كان جرب العربية وانا عنده بعمل صيانة وكان قالى هى تقريبا فيها بداية ديسك و اسطوانة

السؤال بقى كله واحد عنده ماتريكس 1600 مانيول يقول عنده سرعة العربية بتبقى كام لما بيكون على rpm 3 ؟

وبكده تقريبا هقدر اعرف وشكرا

**khalid_adel** · 28-04-2014 04:32 AM

دي بترجع لنسب الفتيس اللي راكب واللي بيكون متناسب مع قدره المحرك لكن ملهاش دعوه مباشر بالموتور
انت كده اسال كل اللي معاهم ماتريكس نفس ماتورك وفتيسك السوال ده وهما يفيدوك ان شاء الله بس مقولتش انت عندك كام الخامس علي 3 ار بي ام ؟؟

**hobaus3000** · 28-04-2014 11:59 AM

محدش معاه ماتريكس ولا ايه

**hobaus3000** · 28-04-2014 06:20 PM

المشاركة الأصلية كتبت بواسطة khalid_adel

دي بترجع لنسب الفتيس اللي راكب واللي بيكون متناسب مع قدره المحرك لكن ملهاش دعوه مباشر بالموتور
انت كده اسال كل اللي معاهم ماتريكس نفس ماتورك وفتيسك السوال ده وهما يفيدوك ان شاء الله بس مقولتش انت عندك كام الخامس علي 3 ار بي ام ؟؟

انا بشكرك على الاهتمام
انا فعلا كنت بسأل اللى عندهم ماتريكس 1600 مانيول زى للمقارنة
وبالنسبة عندى الخامس على 3 ار بى ام السرعة عندى بتبقى 100 انا بقى كنت عايز اعرف ده العادى ولا لأ على الاساس ده اقدر احدد اذا كان فعلا فى بداية ديسك واسطوانة ولا لأ
يعنى مثلا لو هى عند النا س كده يبقى الحمد لله مفيش مشكلة لو عند الناس اكتر يبقى لقدر الله فى مشكلة او بداية مشكلة

**MEMODINA1** · 28-04-2014 07:49 PM

انا عن نفسى فيرنا وماتور الفيرنا والماتريكس واحد ولكن انا عندى على 100 بيكون على 3 زيك .. وعلى 90 بيكون 2.5 بالضبط

**moe gawad** · 28-04-2014 08:36 PM

سيبك انت. مين المهندس محمد.

**hobaus3000** · 30-04-2014 12:27 AM

المشاركة الأصلية كتبت بواسطة moe gawad

سيبك انت. مين المهندس محمد.

المهندس محمد فضالى صاحب مركز صيانة توب جير فى فيصل وهو راجل محترم جدا و مشغل ناس محترمة جدا بتسمع منك وتاخد وتدى معاك فى الكلام يخلوك تقف معهم وهم بيصلحوا متحسش انهم بيتنكوا عليك لانك انت اللى محتاجهم زى ما كتير بنشوف يعنى بتتعامل مع مستوى راقى مكان لو حبيت تاخد ابنك معاك وانت بتصلح العربية او بتعمل صيانة من غير ما تقلق انه يسمع كلام و الفاظ من اياها ومتهيائلى ان الموضيع دى نادرة غير كده هما مشاء الله بيفهموا ولغاية دلوقتى مش مقصرين فى حاجة معايا معلش انا طولت شوية فى التعريف بالبشمهندس محمد بس انا شايف ان ده من حقه