حد جرب not coursesووصل لنتيجة مرضية؟؟؟

**amrelsaqqa** · 28-04-2014 09:18 PM

انا اتعمللى بان من الصفحة لمجرد تعليق عادى جدا ، على جوب اوفر بتاع PHP developer اقل ما يقال عنه انه اعلان انهم عايزين عبيد مش ناس تشتغل ، ورغم ان تعليقى كان عادى وليس خارج ، اتعمللى بان فورا انا وكل اللى ايدنى في الرأي !!!!!

كمان واحد صاحبى بيقول نصابين وحالف ليفضل وراهم بس مش عارف هل له تجربة شخصية فعلا ولا لا وكشف النصب ازاى
احساسى الشخصى ، كله في الهجايص والبلد مليانة فهلوية

**Secret-Man** · 28-04-2014 09:18 PM

المشاركة الأصلية كتبت بواسطة mk3

مع احترامى
احنا بلد شهادات صحيح

للاسف ده الواقع والشهادات مش فى كل الاحوال منظر لكن فى ناس واخده شهادات بحق فعلا واد المسئوليه واصحاب علم وخبرات

**mahamedaraby** · 28-04-2014 09:35 PM

ياجدعان شهادات اية بس اللى انتوا عايزنها هو الانجليزى محتاج شهادة علشان اثبت انى بعرف اتكلم انجليزى كويس
ولو انت معاك مليون شهادة ودخلت الانتر فيو ومعرفتش تقول كلمة هتنفعك فى حاجة الشهادات دى
ولو العكس حصل وعملت انترفيوا تحفة واتكلمت بالباقة وعرفت تتكلم نطق صح هيقولك فين شهادتك
هى الخلاصة اخر حاجة بجد تبص عليها فى الانجليزى ان مركز يديك شهادة معتمدة مش عارف منين شهادتك هى لسانك وايدك فى الانجليزى

**أبو آسر** · 29-04-2014 01:31 AM

الإخوة الأفاضل اللي معترضة على الشهادات محدش قال ان الناس بتروح المعهد البريطاني علشان الشهادة بس ! انت بتروحه علشان بتاخد منه تعليم احترافي من ناس متخصصة ودارسة مش هواة زائد ان شهادته معتمدة ومعترف بها دوليا لأنه مكان موثوق فيه وبالتالي مستحيل عقلا ومنطقا انك تاخد شهادة من المعهد البريطاني وانت مبتعرفش تتكلم انجليزي !!
ولو مشينا على المبدأ ده يبقى انا اروح اقعد في عيادة جنب دكتور اتعلم منه الطب وانفض للكلية واقول اهم حاجة اني اتعلم مش لازم الشهادة !!
لو عايز تتكلم انجليزي صح يبقى لازم تدرس على ايد متخصصين ولو بتتكلم صح من غير شهادة او عن طريق مراكز غير معترف بها زي مش كورسات ؛ مش هينفعك كلامك الصح ده لو روحت قدمت في اي وظيفة حتى لو قلتلهم انا دارس في "مش كورسات" !! وممكن واحد معاه شهادة معتمدة يقبل عنك حتى لو انت افضل منه فعليا بس للأسف مش معاك شهادة
وعلى فكرة مصر مش بلد شهادات ولا حاجة ، العالم كله عالم شهادات لأن الشهادة هي الدليل والإثبات على انك بتتقن المجال ده ، انت لو قدمت هجرة لاي دولة في العالم او لو عايز تشتغل برة أو تكمل دراستك لازم يكون معاك شهادة من مركز معتمد مش مسألة انك بتعرف تتكلم صح وخلاص !

**mohamedhamed** · 29-04-2014 01:53 AM

انا عن نفسي هجربة ولو مستوى واحد والتجربة خير برهان

**mohamedhamed** · 29-04-2014 02:02 AM

المشاركة الأصلية كتبت بواسطة mk3

بص يا سيدى الفاضل
انا مجربتوش....لكن جربت مكان اسمه بيرلتز وده مبنى على المحادثات والرول بلاى و بينفض للجرامر وعندهم جمله مشهورة ان الطفل الانجليزى او الامريكى 4 سنوات بيتكلم انجليزى لبلب بدون ما يفهم ان i بعدها am والعك ده. يعنى اكتساب ...انا كنت داخل ميح من مستوى 1 خدت 1 و 2 و 3 و4 خرجت من عندهم فى فرق جامد جدا وده اكدلى انى قدمت فى مكان اسمه امديست دخلت السابع ....الخلاصه لو not courses نفس الفكره واحدث اتجه فورا

كلام جميييييل .
انا حاليا بدرس في امديست وداخل على المستوى الخامس خلاص ولكن مش حاسس التغيير الملحوظ اللي كنت متوقعة من مكان كويس زي دة خصوصا بعد ما غيروا نظام الكتب .
لو كدة اروح بيرلتز افضل لو على كلامك , بس انت ليه مكملتش فية وروحت امديست ؟؟؟

**mk3** · 29-04-2014 03:16 AM

المشاركة الأصلية كتبت بواسطة mohamedhamed

كلام جميييييل .
, بس انت ليه مكملتش فية وروحت امديست ؟؟؟

ابدا يا سيدى
بيرلتز كان منحه بس كان منحه ايه معتبره . شبه مجانيه انجليزى 4 مستويات على كمبيوتر اوفيس بالتفصيل كامل على كومنيكشن اسكلز على ديل كارنجى ومساعده فى الشغل وحاجات كتير كنا بنحسبها وقتها كانت تقريبا 20 الف جنيه بناخدها ب 200 جنيه..بدون ذكر اسماء المكان طبعا معروف لناس كتير.للاسف لو كان ده اتجاه مصر التعليم ثم التعليم ثم التعليم كان زمان مصر بلد تانيه لكن للاسف المنحه دى كانت لهدف سياسى معين.

**doc mohamed** · 29-04-2014 03:25 AM

المشاركة الأصلية كتبت بواسطة mohamedhamed

والله انا زي حضرتك بالظبط سمعت عنهم من خلال الفيديوهات والبيدج بتاعتهم على الفيس بوك بس الصراحة متفائل فيهم خير ومستني يفتحوا فرع الاسكندرية علشان اروح اجرب خصوصا ان طريقتهم بعيدة عن الجرامر المقرف والنظام الاكاديمي اللي اتخنقت منه واللي معظم الاماكن اللي بتدي كورسات للغة في مصر كدة .
انا حاليا في المستوى الرابع في امديست ودة يعتبر من الاماكن التوب في مصر ومعتمد وشهادة معتمدة والليفل ب 980 جنيه غير الكتاب ب 213 جنيه يعني غالي ويعتبر من اغلى الاماكن بعد البريتش والبيرلتز وكدة .
بس الصراحة استفدت في الاربع مستويات بس مش الاستفادة الملحوظة او الاستفادة اللي كنت منتظرها خصوصا في مكان كويس زي دة , علشان كدة هجرب مش كورسات وشوف الطريقة اللي بيدرسوا بيها خصوصا انهم بيقولوا من غير كتاب ولا سي دي ولا جرامر ولو على الشهادة المعتمدة طظ مش فارقة معاايا المهم اللاقي نفسي فعلا استفدت واقدر اتكلم فعلا دي هيا امنية حياتي .

متشكر لحضرتك،في انتظار التجربة وربنا يوفقك ان شاء الله..

**doc mohamed** · 29-04-2014 03:27 AM

المشاركة الأصلية كتبت بواسطة new_man

ياجماعة بطلوا تبصوا على اسم المكان والشهاده المعتمده بتاعته اللى ولا ليها اى لازمه وانت مش عارف تنطق انجليزى
فى بعض الجمعيات الخيريه الصغيره بيكون الكورس حوالى 5 او 6 افراد مع مدرب امريكى او انجليزى ولا يفهم اى شىء عربى وبسعل اقل بكتيييييييييير من كل الكلام الفارغ ده..وبيدرس من مناهج الجامعة الامريكيه والبريتش كونسول والبرلتز والكلام ده كله
كل ده عن تجارب وهتطلع منه مستفيد مليون مره احسن من كورس فيه 30 واحد ولو كل واحد سأل سؤءال يبقى الكورس خلص
نصيحة لو بتدور على شهاده روح المراكز المشهوره
لو بتدور على تعليم بجد دور على مركز زى ده

مش بندور علي اسامي نهائي الفكرة النتيجة هتكون ايه مش مهم لا اسم ولا غيره المهم العائد اللي هاخده

الموضوع: حد جرب not coursesووصل لنتيجة مرضية؟؟؟

LinkBack

أدوات الموضوع

عرض

-

-

-

-

المواضيع المتشابهه

إتأخرت كتير لظروف مرضية

مين قال ان فرامل بروتون غير مرضية !!

فرامل البروتون غير مرضية !!

توقعاتك (مش امنياتك) لنتيجة الاستفتاء - ارقام فقط ممنوع مناقشات لو سمحتم

الكلمات الدلالية لهذا الموضوع

المفضلات

المفضلات

ضوابط المشاركة