ايه رأيكم ف بيجو307 موديل 2003 .مرفق صورها . أرجوا الافادة عشان معروض عليا

السلام عليكم ورحمة الله وبركاته

لو سمحتوا يا جماعة انا شفت عربية بيجو307 موديل 2003 مانيوال جميع الكماليات والعربيه شكلها كويس كانت فى معرض فى الدقى

انا معرفش اى حاجه عن البيجو بصراحة ومحتاج الافادة منكم وحسب كلام الراجل العربية مش محتاجة مصاريف وحالتها كويسه جدا وبيقولى فابريكه دواخل ومن الخارج رشه اجزاء .
معرفش حاجة عن صيانتها وقطع الغيار والميكانيكا والكهرباء ولا اى حاجه واحنا معانا حاليا نوبيرا بس محتاجين عربية تانيه غيرها
وياريت لو كله تمام حد يقولى تكييفها عامل ايه عشان الحر بقى رهيب بس لو هيه عربيه كويسه اصلا
وسوقها ماشى ولا لا وسعرها ف حدود كام ؟ وهل ليها مشاكل متعارف عليها وحلول ولا معقده ولا ايه

دى صور العربية و شكرا جزيلا

http://www14.0zz0.com/2014/04/28/00/457027582.jpg

http://www14.0zz0.com/2014/04/28/00/625263462.jpg

صحبي العربيه بدام مانويل تبقي ممتازه واتوكل علي الله دي عربيه منغير مشاكل دي نقطه
العربيه لاتتعدي 60 الف في سعرها بس في الهبل الي بنشوفه النهردا ممكن تسمع ارقام متخلفه والعربيه سوقها تعبان شويا يعني هتتعب عؤبال ما تبعها يعني النوبيرا افضل منها في السوق
انما كاقطع غيار بقيت متوفره جدا في الحرفيين وهي عربيه ركوبه بمعني الكلمه بس لازم تستلم العربيه تكون مظبوطه يعني في مركز معتمد علي الاقل
معلش نقطه اخيره انا والسوق مش ميالين للمانويل خالص لو حسيت ان سعرها غالي يعني وارد جدا يتكلم في 65 و70 الف يبقي شوف حاجه اوتو وانتا الكسبان احسن وريح دماغك يعني من الاخر سعرها يحليها

تمام جدا يا فندم ومتشكر جدا للأفادة . فعلا كل ما اكلم حد يقولى بيجو ويفتكر انها اوتوماتيك يقولى ابعد عنها لكن اما اقول مانيوال الكلام بيختلف .

النوبيرا هتفضل موجوده برضه ان شاء الله مش هنبيعها .

طيب انا عاوز اعرف في مراكز اكشف فيها قريبها من المهندسين . او الدقى ؟

وشكرا جزيلا ليك وفى انتظار الاضافة من أى حد يعرف