الموضوع: مساعدة يا رجالة الله يكرمكم

السلام عليكم يا شباب

أنا أول مرة أشارك هنا، بس حبيت آخد رأيكم في حاجة. أنا ساكن في الرياض ولسة مطلع كورولا 2014 من يومين فئة gli اللي فيها جنوط. العربية مشيت بيها 300 كم. لاحظت حاجة مضايقاني بصراحة.. العربية عزلها سيء جدا جدا، العزل الخارجي والأرضي كمان، والغريب اني مبجريش بيها وأقصى سرعة 80 كم عشان فترة التلييين ورغم كدة الصوت مزعج جدا !! أمال لما أبدأ أجري او أسافر بيها هيبقى الصوت عامل ازاي؟ في الأول قلت العربية بتطلع من الوكالة والكفرات مليانة وممكن يكون ده سبب الدوشة، وفعلا لقيتها مضبوطة على ضغط هواء 50 ونزلتها ل 30، صوت الدبدبة على المطبات قل شوية لكن لسة فيه دوشة عالية، خصوصا من الأرض ! أنا كنت مأجر النترا 2014 حوالي 10 ايام، بصراحة عزلها أفضل من الكورولا بكتير.. سؤالي هو .. هل ده طبيعي وده عيب في الكورولا واللا العربية فيها مشكلة؟ وايه الحل اللي حضراتكم تقترحوه؟ وشكرا مقدما على المساعدة.

عيب من الكاوتش الي نازل فيها في الغالب

هو نوعه ايه ورقمه كام يعني لو بردجستون مثلا ادرينالين ولا جي ار 90 ولا ايه

شفته يا باشا
بردجستون اسمه Turanza ER 300

المشاركة الأصلية كتبت بواسطة حماده المصري

عيب من الكاوتش الي نازل فيها في الغالب

هو نوعه ايه ورقمه كام يعني لو بردجستون مثلا ادرينالين ولا جي ار 90 ولا ايه

شكرا على اهتمامك يا باشا
مش عارف الصراحة .. هانزل أشوف وأقولك

انا كمان زيك سحبت السيارة من شهر فى الكويت هنا وعامله معايا 1500 كيلو السيارة عزلها مش حلو على السرعات العالية والكاوتش اللى نازل معاها يوكوهاما مقاس 16

يعني ده عيب في الكورولا بوجه عام ؟! غريب اننا نقارنها بعربية زي الالنترا ويطلع فرق العزل بالشكل ده !!!

حضرتك زعلان عشان فاكرني بقلل من الالنترا، واللا عشان معاك كورولا خليجي زيي؟
لو الأولى .. بالعكس والله أنا بحب الالنترا جدا
لو التانية .. يبقى ربنا معاك ومعايا

المشاركة الأصلية كتبت بواسطة shiko85

:i_angr1[1]:

حصل خير يا باشا

المشاركة الأصلية كتبت بواسطة shiko85

الأولى معايا النترا
معلش يا باشا انا فهمت غلط, حصل خير