-
مشكلة غربية فى التكييف
السلام عليكم ورحمة الله وبركاته
المشكلة ظهرت فجاة وهى ان اول ما اشغل التكييف لمدة ثوانى تطلع ريحة كمكمة من الفتحتين اللى فى النص وبعدين تختفى وتم عمل الاتى :
-غسلت الشاسية واتاكدت ان مفيش حاجة من تحت ولكن خرطوم الفايظ فيه نفس الريحة.
-غسلت الموتور وراحت الريحة لمدة يوم ورجعت تانى.
-شغلت السخن والريحة راحت شوية ولكن لما اشغل البارد ترجع لثوانى وتختفى تانى مع ملاحظة ان عند تشغيل السخن على السلانسيه الفتحتة الشمال مبتطلعش هوا سخن والباقى عادى وعند تزويد بنزين تطلع هوا سخن.
-نضفت الفلتر وعطرته وبلا فائدة والفلتر مفيهوش ريحة كمكمة.
ممكن يكون العيب فى ايه تانى.؟
-
يا سيدي الفاضل الريحية دي من الثلاجة بتاع التكييف
من البكتريا اللي عليها وممكن تكون عاملة عفونة
اغسل التلاجة كويس
-
مشكور يا افندم على التوضيح ولكن حضرتك عندك فكرة تلاجة تكييف النيو اكسنت فين وهل ممكن اغسلها بنفسى ولا لازم فنى متخصص.
-
ممكن تسال حد معاه العربية
أنا للأسف معرفش تفك ايه علشان توصلها
بس كل التلاجات قدام الكرسي اللي جنب السواق ورا درج التانلوه أو تحته
-
مشكور يا افندم على المساعدة وربنا يسهل الامور.
-
اغسل التلاجةهاتلاقيها موجودة فى نفس مكان الفلتر
-
بحاول ادور على فيديوهات او اى حاجة تسهل الوصول ليها ولكن ناس كتير بتتكلم على فكها وفك اجزاء من التابلوه عشان اوصلها.
-
المشكلة اتحلت والحمد لله بتغيير فلتر التكييف ورش مطهر (ديتول ) جوا فتحات التكييف وتشغيل السخن ل ربع ساعة.
وفنيين تكييف كتير قالوا طالما العربية فيها فلتر يبقى التلاجة متتغسلش.
Content Relevant URLs by
vBSEO 3.6.0 PL2