-
تجديد الرخصة
من رسالة احد اصدقائي
من كام شهر الشيخ محمد بن راشد حاكم دبي اجتمع مع كل مسؤولين الحكومة من المدراء المتوسطين للكبار ومنع اي أسئلة مترتبة وطلب من الناس تسأله وتقوله افكارها واقترحاتها لتطوير البلد...ايه بيعملوه يكملوه....ايه ما بيعملوهوش يبدأوا يعملوه...وايه حاجة بتتعمل يبطلوا يعملوها...زي think tank حكومي برعاية حاكم الامارة بدون خطوط حمراء
احد النقط الي خرجوا بيها من المؤتمر ان في خلال 3 سنين لازم كل خدمة في دبي تبقى ليها ذراع اليكتروني...ومش موقع عالانترنت بس والكلام بتاع 2001 ده..انما بمبدأ كله ب applications
النهاردة رحت لثالث مرة اجدد رخصة العربية في دبي والمرتين الي فاتوا خلصت العملية في حوالي عشر دقائق وتقريبا الحكومة حست ان ده وقت للمواطنين يمكن توفيره. دخلت لقيت المكنة الي تحت دي. حطيت رقم العربية وتاريخ ميلادي طلعلي شاشة بتقولي ادفع فلوس كام حطيت الفلوس نزلتلي منها رخصة العربية الجديدة بتاريخ جديد كل ده في 50 ثانية ..بصيت يمين وشمال ..ايه يا جدعان ...اعمل ايه بعد كدة...ماهو اه تطور وكل حاجة بس مش نص دقيقة برضه..لقيت سيدة بتقولي أخي خلاص كدة الرخصة الجديدة...تحب مساعدة تاني؟ بصيتلها باستغراب وقلت لا شكرا ومشيت..
كمية الاغتصاب العصبي والنفسي والوقت المهدر والملايين الي بتترمي في الزبالة في مصر وبتقص من عمر الناس الي ياخدوا ملف من الطيران ويطلعوا بيه على الدراسة ويختموه من الدور العاشر وينزلوا بيه السادس في العتبة ويعملوا فحص في رابعة ويستلموا الرخصة من مرور مدينة نصر نفس منظومة بنت ....... هدفها توظيف عشر عاطلين ممكن يقوم بوظيفتهم شخص واحد على حساب صحة ومجهود واعصاب ملايين هي فكرة بنت وسخة بكل المقاييس..
واذا كان الهدف من العشرين موظف الموزعين باختامهم على اطراف القاهرة هو توفير فرص عمل...طيب قولوا مرتباتهم كام وهاتوا المكنة دي وخلوا الناس تخلص حاجتها في دقيقة بنفس سعر مصاريف وقعدة ورشاوي ومواصلات العشرين مشوار و قللوا الزحمة والاكتئاب والإحباط يا ولاد..... ...يا ولاد .......يا ولاد ..... " هوه شتم كتير أوووووووى بس انا شيلت الشتايم ... لو إنه عنده حق يا ولاد ال........
-
-
كله يهون ادام حضارة ال7 الاف سنة
-
مطلبوش منك مطابقه بصمه من مرور الشارقه ولا وصل استلام ولا وصل تسلم ولا تختم طفايه ولا شنطه اسعاف اللى البلاستر اللى فيها محتاج سنه علشان تعرف تطلعه ولو عرفت تطلعه تلاقيه اتقطع فى ايديك ولا دوسيه وملف
الموضوع فى مصر ان مفيش سيستم لاى حاجه
رغم ان احنا مش هنخترع سيستم من العدم احنا هنشوف غيرنا عمل ايه ونقلده ورغم ذلك محدش عاوز يريح المواطن
-
و مفيش واحد يطلعك من تحت الارض ويقوللك اخلصلك الورق واخد كذا وهو مبيعملش حاجة اصلا ولا عسكري يقوللك فين الشاي بتاعي
-
انا سافرت كتير وكنت فاكر ان عندى مناعة من الصدمات الحضارية فى فرق التعامل بين جوة وبرة مصر.
فى عمل إقامة دبى مندوب الشركة جهز الورق كلة والكشف الطبى وطلعت على الجوازات استنيت دورى وبعدين طلعت على الموظف بص على الورق وراجع البيانات مع الى مسجل قدامة وبعدين الصدمة، يدخل ايدة تحت المكتب ويطلع تأشيرة الاقامة وهب يلزقها على الجواز ومبروك، انا تنحت شوية ومش مصدق وأسالة خلاص امشى كدة الاقامة موجودة قالى خلاص، كنت عايز اسئلة امال فين ختم الرخامة فصدى النسر ههههه.
عايز تانى، الجوازات فى مطار دبى عاملين بوابة الكترونية تطلع كارت دخول بـ 200 درهم وتستخدم البوابة دى ولا اختام ولا طوابير ولا هات تصريح عمل ولا استنى بعمل استعلام ولا اى من الكلام دة. تحط الكارت وبصمتك وشكراً والف حمد الله على السلامة.
كفاية كدة علشان الضغط والسكر والزيت... زيت اية؟ دانا هيست.
-
تصدق زعلت منك
فيه حاجت كده مش لازم تفتح عين الشعب عليها ... بعدين الصبح يقولولك حقوق انسان واموال دافعي الضرائب ومكافحة الفساد والبيروقراطية .... نصيحة لما تنقل تجربه زي ديه اكتب انها من احد افلام الخيال العلمي .... او اقولك اعمل زي الحكومة المصرية ... اكتب ان ده مشروع يتم دراسته وتوقيع البروتكول بين وزارة المالية والداخلية والبيئة والزراعة وجاري تنفيذه توفيرا على المواطنين ... وبعد كده تعترض الشرطة والجيش بداعي الامن القومي .... وطبعاً الخبر ينزل فالاعلام المصري يطبل على المشروع العظيم لحل معاناة الجمهور والذي سيتم تنفيذه خلال 5 سنين ضوئية ... وتصحى من النوم على موظف شباك المرور وهو بيقولك شايف الطابور الطويل ده اقف فيه وهاتلي شهادة مخالفات وتعالى عشان فيه 5 طوابير تاني تلحق تقف فيهم قبل ما الخزنة ما تقفل ... وبرضه هتدفع شاي
-
واهم حاجة لما تيجي تسافر لازم تدفع الاتاوة قصدي تصريح السفر الي سعره المكتوب في لوحة كبيرة علي الحيطة حاجة والي انت بتدفعه حاجة تانية خالص ولو انت موظف علشان تأخد اجازة وتسافر للخارج لازم تدفع التأمينات والمعاشات بالدولار ليه معرفش وعيش وتعايش يا كبير
-
فين بقى صورة الماكينة اللى تحت دى؟
-
عيب عليك لما تقول الكلام ده على مصر أم الدنيا اللي هتبقى أد الدنيا
انت مش عارف انك نور عنينا ولا ايه
Content Relevant URLs by
vBSEO 3.6.0 PL2