السلام عليكم اعضاء المنتدي الكرام...
عايز اعرف مين افضل محل لبيع البطاريات الجافة في المنصورة...
لو في مشكلة في ذكر اسم المحل علي العام....فياريت تبعتولي علي الرسائل الخاصة..
شكرا مقدما....
عرض للطباعة
السلام عليكم اعضاء المنتدي الكرام...
عايز اعرف مين افضل محل لبيع البطاريات الجافة في المنصورة...
لو في مشكلة في ذكر اسم المحل علي العام....فياريت تبعتولي علي الرسائل الخاصة..
شكرا مقدما....
أفضل محل في المنصوره هو بتري كلينك ...
ميزته الامانه والعلم ... صاحب المحل مهندس كهرباء بيتعامل بعلم وفهم ، مش مجرد تجريب زي باقي الناس.
هما متخصصين في البطاريات الجافه و عندهم توكيل كذا نوع وبيقولولك الفرق بين كل نوع و على حسب عربيتك واستخدامك بيعرفوك ايه اللي احسنلك ، مش زي الناس التانيه بيقولوا كله كويس وخلاص.
ده غير كمان انهم طول فترة الضمان بيقدموا خدمة الكشف على حالة البطارية و شحن العربية بجهاز كمبيوتر مش موجود عند اي حد ولا حتى منصور شيفروليه عنده الامكانيات دي ، و ده ببلاش وكمان بيعرفوك انك محتاج تزورهم كل فتره عشان يكشفوا على البطاريه ، الميزه دي كمان انك لو مسافر طريق طويل ممكن تطمن عندهم على البطاريه لأنها روح العربيه خصوصا لو كانت اوتوماتك.
انا كنت في مره عندهم وكانت في عربيه مرسيدس جيب الجديده بتغير بطاريه فلقيتهم حاطين جهاز في ولاعة العربيه وبيقولوا انه عشان حماية كمبيوتر العربيه خلال تغيير البطاريه.
لو بطاريتك نامت من الركنه لفتره ومش عايز تتعطل بتوديلهم البطاريه بيعملوا فيها اللازم و خلال المده دي بيدوك بطاريه تانيه شغاله عشان ماتتعطلش ببلاش.
ده غير انهم الناس الوحيده اللي لقيتها بتصلح البطاريه الجافه بجد و بعلم .
تقدر تقول انهم مركز متكامل في كل اللي يخص البطاريات.
كمان بيبيعوا الاكسسوارات زي القواطيش و مشتركات التوصيل ، وبصراحه المشترك بتاعهم جامد انا عندي واحد منهم .
وكمان عندهم جهاز توليد الكهرباء من البطاريه ، النوع اللي عندهم نضيف ,, الناس دي بجد بيهتموا بالجوده اوي ودي ميزتهم.
مكانهم في شارع الاتوبيس القديم (جمال الدين الافغاني) في نصه عند كافتريا مونديال.