قبيلتي و عشيرتي .. اهلي و ناسي .. اجدع تويوتاوية في البلد
عربية ياريس ٢٠٠٩ لسه مركب لها زينون يوم الجمعة .. جبته حاجة نضيفة canbus و slim و ديجيتال طبعا .. عشان بقيت بسافر كتير و مش بشوف حاجة ف طرق المحروسة ..
المهم
طلعت من عند الراجل لقيت الزينون بيلخبط لما اجي ارعش او اجيب العالي .. ساعات يطفي و ساعات يرعش و ساعات فانوس اه و التاني لا و ساعات اللمبة ترجع تسخن من الاول ؟؟
رجعت للراجل قالي لا العربيات الياريس فيها حاجة في الكهربا لازم تتظبط من عند كهربائي و الاقطاب معكوسة و كلام ناس وحشة كده مفهمتش نصه و ان الياريس و الجين تو بيشتكوا زيك من الموضوع ده .. قالي لما تجيب العالي شد الدراع للنص بس مش للاخر .. و فعلا !! لما كنت اشده للنص العربية تبقى تمام !!!
رحت للكهربائي اليوم اللي بعده .. و انا في السكة الاقيلك الفانوس اليمين مش بينطق اصلا !! و الكهربائي قالي مفيش الهجص ده و الموديول بايظ روح بدله ،. و حط الموديول اليمين شمال و فعلا الفانوس الشمال ما اشتغلش .. و رجع اليمين تاني و ورحت بيتنا ..
انهاردة الصبح جاي اروح للمحل الاقيلك الفانوسين شغالين تمام و بيجيب عالي عادي عادي و الحياة حلوة !! ولا في اي حاجة؟؟
ايه الكلام كده ؟؟ ده زينون بايظ ولا فيه حاجة في التركيب زي ما المحل قال ؟ اصل صنايعي المحل مش كهربائي هو بيوصل فيش و كتاوت و خلاص ..
انا قريت عالنت ان الياريس ٢٠٠٩ لازم تعمل harness او disable daytime running light و هي العربية اصلا مفيش فيها الكلام ده .. غير كده بيقولوا الجماعة الخواجات ان الزينون مش حيكون مظبوط معاك ..
ايه رأيكم ؟
انا حاسس ان الجهاز واصله له كهربا غلط عشان كده بيلخبط .. :hugging:
حد من اسود الياريس حصل معاه كده ؟ او سمع موضوع ال DRL ده