الموضوع: باركوا لأحدث سيراتاوى فى المنتدى !!!

المشاركة الأصلية كتبت بواسطة mohamed ali

الف الف مبروك و تستلمها على خير ان شاء الله وايه رايك بتشوف العربيه كتير ولا ايه
اختيار موفق ان شاء الله وتسعى بيها دائما في الخير

الله يبارك فيك يا محمد باشا .. الغريب إنى من يوم ما قررت أشترى العربية لحد يوم ما دفعت مقدم الحجز ما شفتش ولا عربية فى اسكندرية مع إنى كنت ماشى باتلفت حواليا أدور عليها .. ومن امبارح بعد ما حجزتها لحد النهاردة شفت 4 عربيات مرة واحدة .. حسيت كأن ربنا بيبارك اختيارى وراضى عنه خصوصاً إنى صليت صلاة استخارة قبل ما اروح أدفع مقدم الحجز .. عموماً يا أستاذ محمد جميل برضه إن الواحد يحس بالتميز فى عربيته وبإنه من الناس القليلين اللى راكبينها ... ومتشكر جداً على متابعتك واهتمامك يا فندم

أشكركم جميعاً أصدقائى على تلك الروح الجميلة وهذه الدعوات الطيبة الصادقة ولكم جميعاً أقول ربنا يحفظكم ويقيكم شر الطريق .. ويهون عليكم وعلينا القيادة فى زحمة شوارع مصر

الف الف مبروك

هتتبسط اوى بجد من العربية دى يا مادى
فعلا اختيار موفق و والله مش بقول كدة عشان عربيتي انا لو كنت اضايقت منها والله فى حاجة كنت هقولك سيبك منها
بس بجد هتعجبك اوى


الله يباركلك يا نهى فى عربيتك ويحفظك لأسرتك .. وعايز أقولك إن المنتدى ليه فضل كبير إنى أختار العربية دى لأنى اخترتها بناء على رأى كل واحد كتب عن حالة عربيته .. فى الأول كانت الخيارات قدامى كتيرة ومتعددة وشوية بشوية بدأت الاختيارات تقل لغاية ما استقريت على السيراتو نظراً لأن فيها جميع متطلباتى فى العربية اللى حاشتريها
طبعاً أشكرك شكر خاص لأن مشاركاتك فى تقرير حالة العربية كانت أحد العوامل اللى خلتنى أقرر أشتريها .. كمان أشكر أستاذ أحمد سو على موضوعاته القيمة جداً وأسلوب عرضه اللى حببنى فى السيراتو .
وأعترف إن جميع المشتركين فى المنتدى كانوا أمناء فى نقل الوضع مع سياراتهم لباقى الأعضاء .

مبروك ياباشا وربنا يكفيك شرها بس نصيحه علشان انا كمان معاية سيراتو مانيوال ولونها اسود بارضو . حاول تغير اللون لأن بيبان فيه البهدله جدا بس طبعا لون شيك جدا بس هيتعبك في العناية بيها وموضوع المانيوال ده بجد تمام لأن ممتع جدا.


الف مبروك