الله يبارك فيك إيثان باشا وبالنسبة لموضوع اللون للأسف مفيش غير الإسود والأحمر وطبعاً الأحمر صعب خالص فكده أنا ماقداميش اختيار تانى يا إما بأه أستنى موديل 2009 ويا عالم سعرها حايعلى كام
عرض للطباعة
ألف مبروك على العربية يا باشا
ربنا يديلك خيرها ويكفيك شرها
وكل يوم أصحاب السيراتو فى المنتدى بيزيدوا واحد
وعن تجربة فى عربيتى السيراتو(سوداء برضه) فإختيارك موفق جدا
أما بالنسبة للون الأسود فهو شيك جدا بس قرفه فى نضافته
الف مبروك يا جميل و ربنا يكفيك شرها
العربية دى بجد انا معجب بيها جدا من 2005 من ساعة ما نزلت و قبل حتى الوكيل الجديد.
الف مليووووووووووووووون مبروك
مبروووك يا باشا
ربنا يملاها لك بركة و يحميهالك
و يعطيك خيرها و يكفيك شرها
بارك الله لك فى اختيارك و الله يعطيك خيرها وخير ما جلبت له ويكفيك شرها وشر ما جلبت له
:iagree:
استنى موديلات 2009 خلاص نازله خلال يومين 16 :10
هاتبقى بنفس السعر وانا متاكد من المعلومه دى لانى مستنيها عشان هاجيبها
أشكرك يا باشا على مشاركتك واهتمامك بالنصيحة بس المعلومة اللى عندى ومن مركز بيع كيا فرع جليم إن اللى حاتنزل خلال الأسبوع ده هى الأوتوماتيك إنما المانيوال مش حاتنزل قبل بداية السنة لأن حسب كلام الناس هناك إنتاج المانيوال كله حاينزل العراق الأول .
وبعدين أنا واخد خصم كويس جداً يعنى حتى لو ال2009 نزلت بنفس السعر القديم وبما إنها نفس الشكل والكماليات بدون أى تغيير يبقى أنا كسبان حوالى 2000 جنيه
الحمد لله يا جماعة أنا استلمت العربية امبارح بعد سلسلة من المشاكل الورقية اللى بحمد الله إتحلت كلها بس الموضوع أخد شوية وقت
وبجد الناس فى مركز مبيعات فرع جليم كانوا متعاونين لأقصى درجة وعلى أعلى درجات الصراحة والصدق والشفافية لأن الموضوع إتعرض كذا مرة للفشل بس هما قدروا ولله الحمد يحلوا أى مشاكل قابلتنا
حبيت أشكرهم شكر خاص على صفحات منتدانا العزيز .. كمان حبيت أشكر كل أعضاء المنتدى على الروح الجميلة والصادقة فى التعبير عن آرائهم تجاه عربياتهم أو العربيات اللى ساقوها واللى كان ليه فضل كبير إنى أقدر اختار وكمان أشكركم على المشاعر الجميلة والصدقة فى التعبير عن فرحتكم لأفراح الباقيين
مبروك يا أخى وربنا يباركلك فيها ويكفيك شرها أنا كمان نفسى أشترى سيراتو منوال بالقسط