الموضوع: رشاشات bmw m40

متابع

لسه شاريهم النهارده ب 200 بتوع البى ام و فاكهمولى من على مسطرة من عند أيمن الديب اللى جنب مقام ابو الدرارار علطول و هو عارفهم كويس و بيقولى انه باعهم قبل كده كتير للانوس و هيونداى، المهم رحت بيهم ليكانيكى عنده جهاز التراسونيك فى اخر شارع يمين من خالد ابن الوليد قبل ما توصل للبحر اسمه دكتور اسامه كشف عليهم لقى اتنين قاطعين مع انهم مكنوش قاطعين كويل و اخد 30 ج كشف رجعت تانى لابو الدردار بدلتهم و قام معلمهولى بقلم دوكو و رجعت تانى للميكانى بعد رحله سفر طويله كشف عليهم على الجهاز قالى دول تمام طيب مش حتنضفهم قالى لا مفيش داعى يتنضفو مش عايز اغرمك هنا كويسسين و بيرشو كميات متقاربه جدا من بعض المهم ركب دارت العربيه عادى بس كنت منتظر هزه السلانسيه البسيطه تروح و التفتفه اللى بتحصل فى الشكمان تروح لكن دارت زى ما هى بالظبط المهم قام باصص على البوجيهات لقاهم حارقين كويس بس مكنش عاجبه نوعهم قالى ده نوع وحش بتاع الادا و الفيات روح هات طقم جى ام اصلى ب 100 ج من محل تبعه المهم قلت ده عايز يقلبنى و خلاص بس جبتهم برضو لانه خوفنى منهم و قالى اصل مقاومتهم صغيره ممكن تبوظ الكويل بعد ما ركبتهم سبحان الله العربيه اتظبتت فعلا على عكس ما كنت متوقع نهائى و بقيت و انا قاعد جوه ممكن مبقاش واخد بالى ان العربيه دايرة بس لو شغلت تكييف او احمال كهربائية عاليه بيبقى فيه هزه بسيطه.

واضح ان رشاشاتى اللى كانت فى العربيه كانت تمام و مفيهاش مشاكل خالص رغم ان العربيه موديل2000 رشاشات تخينة و عامله 70000 بس عموما انا برضو مبسوط انى جبتهم لانى من المنتدى هنا فهمت انهم كده كده حيبوظوا و برضو اقتنعت بنصيحه الاخ الفاضل محمد ممدوح انى كده كده حضطر اشتريهم فاجبهم من دلوقتى احسن قبل ما الاسعار تغلى و يا عالم بعد كده حنلاقى قطع غيار استيراد اساسا ولا لأ

الله يبارك فيك

اللى عرفتو برضو ان رشاشات bmw كويسة بس بتستهلك بنزين بنسبة اكتر من الاصلية وفى برضو بتاعت الاكسنت دى ميزتها انها اوفر فى البنزين ياريت حد يقطعلنا بالموضوع دة ويكون جرب الاتنين لان استهلاك البنزين حاليا هو اهم شىء عندى بقى خراب بيوت بجد

فى كلام كتير اتقال فى الموضوع ده بس انا الصراحه مش مقتنع لانه الرشاش مش زى بك الكربيراتير تضيقه و توسعه للان الكنترول بيتحكم فى زمن فتح و قفل الرشاشعلى حسب الكميه المطلوبه لو الكميه زادت يقلل الزمن و العكس، يعنى الكميه اللى بيتحكم فيها الالكنترول مش الرشاش

انا اخترب البى ام لانى مش عايز رشاش كورى بعد شويه يسيل ولا يبوظ فبعمل حاجه عشان مجيش جنبها تانى علما بان انا رشاشاتى كانت اصلا سليمه

شكرا لنقل التجربة بس فعلا عايزين حد يقولنا الفرق في استهلاك البنزين بين الرشاشات الاصلية ورشاشات الهيونداي ورشاشات البي ام