السلام عليكم يا رجالة...انا بفكر اجيب فيرنا اوتو و محتار و عايز نصايحكم من حيث العيوب و أعطال الفتيس و فراملها و هي احسن ام اﻻفيو يا ريت تنصحوني لسرعة الشراء و شكرا مقدما
عرض للطباعة
السلام عليكم يا رجالة...انا بفكر اجيب فيرنا اوتو و محتار و عايز نصايحكم من حيث العيوب و أعطال الفتيس و فراملها و هي احسن ام اﻻفيو يا ريت تنصحوني لسرعة الشراء و شكرا مقدما
افضل بس الافيو اوسع
وبشكل عام هى افضل كتييييييييييييييير من الافيو
مافيش منها خوف يعني فتيسها كده ؟!
جميلة وفتيسها مفيش منة قلق او مشاكل خالص بس غير الزيت فى ميعادة وللعلم هى احسن من الافيو مليون مرة ..
اقدم واكتر عضو مشارك فى قسم الهيونداى اسمه vern2008auto بيشكر فيها جدا وتقدر تتواصل معاه لو عاوز معلومات اكتر - هو اللى عامل رابطة ملاك الفيرنا و اسأل استشير - اسمه عاصم حسين
والف مبروووووووووووووووووك مقدما
حرااااااااام فيها الفلوس والله
كلامك صحيح الفيرنا عموما متستاهلش الفلوس اللى هتتدفع فيها سواء مانيوال او اوتو - بس بردو باذن الله هشتريها عشان مفيش اختيارات كتير فالفئة السعرية بتاعتها
اللوجان انضف مية مليون مرة واوسع وصاج اقوى و ثبات اكتر - بس فيها عيوب فنية وقطع غيارها فالتوكيل بس ومتضمنش انها موجودة باستمرار
الافيو الاوتوماتيك معدىة ال 100 ومشهورة بعفشتها الوحشة
الفيرنا عيوبها صاج وثبات بس - انما قعدت معايا خمس سنين بدون صيانة ماعدا الزيت وتيل الفرامل من غير متفتح بقها ودى معجزة علمية بكل المقاييس
عربية تعبانه جدا انصحك باللوجان الاوتو عن تجربه
غالباً مش هاتلاقيلها مشاكل غير عيوبها المشهورة وهيا الصاج الضعيف الثبات الضايع الفرامل بعد المفاجئة بعد الـ 100 ضيق مساحة الصالون
عربيه ممتازه علي سعرها ... انصحك بيها
اللوجان هتبقي الشكل القديم
و فعلا حرام فيهم الفلوس
وانا معايا 30 الف مقدم و هقسط 1250 علي 6 سنين ان شاء الله دب مقدرتي عشان داخل في خطوبة و ايام سودة :d....و شكرا لكم جميعا و نصايحكم النهائية ايه افيو وﻻ فيرنا اهم حاجة الفرامل :s
tab l ta2feeel a5baro a ya gma3a ensa7oonii 3shan hashterii kman kam yoom :S
التقفيل مصرى ولا اروع فخر صناعة بلدنا :tumb:
وعلى فكرة انا عملت موضوع اسأل فيه عن اوبشنز تانية لعربية فيرنا اوتو عشان واحد صاحبى حاجزها ومقلق منها لقيت محدش عبرنى وده غالبا دليل ان مفيش اختيارات تانية تتقال فى رينج السعر ده
توكل عالله واول متستلمها رصص والراجل هيقولك لو فيها جنط معووج ساعتها ترجع للتوكيل وتغيرها منو ببلاش طبعا بس بعد ميطلعو عينك شوية واحتمال يبعتوك توكيل ابو رواش - لو جنوط سليمة يبقى بوس ايدك شعر ودقن وادبح اى ارنب شكر لله
hhhhhhhhhhhhhhhh :D