الموضوع: عملت الصيانة انهارضة

السلام عليكم ورحمه الله وبركاته
انهارضة رحت عملت الصيانة من اول ما اشتريت العربية غيرت الأتي
1-سير كاتينة بي البلي
2-وسير المجموعه
3-طقم الفلاتر
4-بوجيهات
5-زيت كسترول ماجنتيك
ورحت ركبتهم في مركز اسبيد التابع لي المهندس هاني المهم لحظت الاتي الصنيعي لما ركب سير الكاتينة الي اعرفة في اغلب العربيات الي ركبتها انه بيدخل السير مرخي وبعد كده بيشدة بعد مابيبيتة في التروس اما الصنيعي الي عند استاذ هاني دخلة مشدود وفضل يضق علية من الجنب علشان يعشق السير في الترس استغربت فاسئلتة قالي النوبيرا كده هل الكلام ده مظبوط ؟
تاني شيئ لحظت ان الصنيعي نظف بوابة الانجكشن w40!!
ثالث شيئ لحظت الاتي
العربية لما بتضغط بنزين وتشيل رجلك العربية تفضل عالية لمدة لا تتجوز الثواني وتهداء تاني
وكمان بقت حاسس ان العربية فيها سنة اهتزاز بس مش ملحوظة عايزة احساس اوي مش عارف ده عيب تقسيمة ولا ده الطبيعي بتاع الاوبترا
رابع شيئ انا حاسس ان المكنة صوتها عالي فهل الاوبترا المكنة بتعتها صوتها عالي الطبيعي بتعها ولا ﻷ
وأخيرآ تقيمي للمركز مقبول

المشاركة الأصلية كتبت بواسطة د.عماد صلاح

مبروك الصيانه
اولا ...الاوبترا فيها رعشه فعلا خاصه عند التسخين صباحا حتي ينزل الار بي ام تحت الواحد
ثانيا ...فعلا الموتور صوته عالي شويتين

طيب يادكتور عماد هل تركيب سير الكاتينة في الأوبترا زي ما انا كتبتها كده؟