تسعيير السيارات المستعملة الجزء السادس

**sherifowahba** · 23-05-2014 03:29 AM

المشاركة الأصلية كتبت بواسطة monamize4

الصراحة انا داخل مخصوص عشان اشكرك ياباشا على مجهودك الرائع دا

ربنا يجعله ف ميزان حسناتك

يا باشا الشكر لله و مرورك في القسم شرف لينا و الله و جزاك الله خيرا

**sherifowahba** · 23-05-2014 03:45 AM

المشاركة الأصلية كتبت بواسطة hossam elsabey

السلام عليكم
الرجاء تسعير سيارة بياناتها كالتالى

نيسان صنى ex موديل 2008 اوتوماتيك
1600 سى سى
ماشية 210 الف كيلو متر
حالة الموتور والفتيس اكتر من 90 % وذلك عند الكشف فى التوكيل من شهر
فابريكة دواخل
راشة من بره بالكامل نتيجة الخرابيش
كاوتشات لم تكمل 10 الاف كيلو
بطارية بحالة جيدة
فرش الفابريكة ومتركب عليه كسوة
بها 3 عيوب بسيطة للامانة
1- بها خبطة بسيطة لا تتعدى مساحتها 15 سم مربع فى الباب الخلفى يمين
2- لمبة البطارية بتفضل منور بعد ما العربية بتدور ولكن سحن الديناتمو تمام وذلك عند الكشف فى التوكيل
3- مؤشر البنزين لا يعطى قراءة صحيحة الا بعد نزول منسوب التانك الى النصف

من خلال اخر كشف فى التوكيل قالولى ان العيوب رقم 2 و 3 خاصين بالعدادات ولو حابب تغيرهم عادى مش حابب ممكن تمشى بيها بالوضع ده

لسه عامل الصاينة بتاعت ال 200 الف كيلو من شهر بس كنت وصلت 10 الف كيلو

تعمل ٧٣ الف

**sherifowahba** · 23-05-2014 03:46 AM

المشاركة الأصلية كتبت بواسطة kangaro

السلام عليكم ورحمة الله وبركاته
من فضلك .. أوبل كورسا .. 1995 .. 1200cc .. نبيتي ميتالك .. فتحة سقف .. 2 زجاج كهرباء .. بدون تكييف .. فابريكة بالكامل .. بعض الخدوش بالجانبين ..الفرش الأصلي .. انتهاء الرخصة الشهر الحالي .. عداد 90 ألف .. لا تحتاج مصاريف .. الحالة جيد جدا
وشكرا

تعمل ٣٧ الف

**sherifowahba** · 23-05-2014 03:57 AM

المشاركة الأصلية كتبت بواسطة tahayt

السلام عليكم يااستاذ شريف
عاوز اعرف ثمن عربية رينو سانديرو اوتو 2013 عاملة 7 الاف كيلو
العربية خارجة من حادثة جامدة و تم عدل الشاسية و تغيير الصدر و الاكصدامات و الفوانيس و بعض الاجزاء المثبتة للموتور و الفتيس (لم يتم فتحهم) و علبة الدريكسون تم لحام شرخ بها و تم ايضا تغيير الايرباج لانها فتحت فى الحادثة مع العلم ان كل الشغل كان فى الحرفيين
اية اقل مبلغ اقبلة فيها مع العلم انى هاقول كل دة للمشتري

اقل سعر ٧٥ الف

**sherifowahba** · 23-05-2014 04:05 AM

المشاركة الأصلية كتبت بواسطة mtageldeen

أستاذ شريف
أرجو إفادتي برينج سعر السيارة فيات تيمبرا بفرض إنها حالة نظيفة (متحزمة أو راشة ولكن الدواخل فابريكا ومكيفة)

أعلم أن هناك أكثر من ماتور وهناك تنوع في نظام ضخ الوقود وكذا العدادات والموديلات

ولكن أرجو المساعدة والنصيحة وما رأيك بها وخاصة بالنسبة لسعرها.

وشكراً لك

في منها ١٤٠٠ و ١٦٠٠ وفي انجكشن و كاربرتير
تبدا من رينج ال ٢٧ الف الي ٣٦ الف

**sherifowahba** · 23-05-2014 04:07 AM

المشاركة الأصلية كتبت بواسطة minicooper20

بعد ازنك يا باشا
السياره فولكس فاجن باراتى
الموديل ٢٠٠٦
عامله ١٨٠ الف كيلو
فبريكه جوا راشه بره
مرفوعه بقالها سنه و نص فى جراج لانى مسافر
٤ فرد كاوتش جديد و البطاريه جديده
كل اصلحاتها فى التوكيل و القطع اصليه
ابعها بكام بقا
و تسلم

تعمل ٤٢ الف كمالياتها تعمل و بدوون مصارييف

**sherifowahba** · 23-05-2014 04:15 AM

المشاركة الأصلية كتبت بواسطة mohamed.mohsen

السلام عليكم
الأستاذ شريف خبير تسعير السيارات
اطيب تحية وتقدير لمجهوداتكم القيمة واطمئن عليك لانك غايب من كام يوم
ارجو التكرم بتسعير تويوتا كورولا 2010 جنوب افريقى فابريقة بالكامل برة وجوة صيانة توكيل تويوتا ايجيبت 75000 كم لون جري اول يد استخدام راقى تخص معرفة صديق لى اتوماتيك عادي وليس mmt لكن لا اعرف أي فئة ارجو توضيح فئاتها وتسعيرها للمعرفة من معلوماتك القيمة .
لي طلب تاني واخير ارجو ترشيح موديل سيارة سيدان اتوماتيك محترمة من 2007-2012 في رينج من 75-110 الف جنيه تكون اعتمادية اعطالها محدودة وليس بها مشكلة عويصة وصيانتها ممكنة وقطع غيار معقولة وارتفاعها عن الارض معقول ..

اهلا بحضرتك يا فندم و انا الحمد لله في اتم صحه و احسن حال
الكورولا تعمل اول فئه ١٢٠ الف و تاني فئه جنوط و اي بي اس و ارباج تعمل ١٣٠ الف
السيارات المقترحه
كيا سيراتو ٢٠١٠ اي فئه
النترا من ٢٠٠٧ الي ٢٠١١
صني من ٢٠٠٧ الي ٢٠١٤
ماذدا ٣ من ٢٠٠٧ الي ٢٠١٠

**sherifowahba** · 23-05-2014 04:17 AM

المشاركة الأصلية كتبت بواسطة mah907

سيارة اسبرنزا تيجو 2010
2000 سي سي اتومتيك
اعلي فئة فتحه سقف وجنوط
عداد 135000 كيلو
فبريكه دواخل
فبريكه من الخارج
هناك خبطه صغيره في الشنطه مردوده علي البارد
خربيش بسيطه
اللون كحلي
الحالة الداخليه للسياره وللفرش جيد
رخصه منتهيه

السيارة محتاجه مصاريف :
1- ظبط مكنه علشان بترعش وضعيفه شوية
2- ظبط عفشه علشان محتاجه شويه تظبيط
في نظري العربية محتاجة من 2000 الي 2500 جنيه مصاريف علي المكنه والعفشه وربما اقل

بكم يقدر سعر العربية ؟

وشكرا شريف بيك

تعمل ٧٧ الف

**J A G U A R** · 23-05-2014 04:20 AM

السياره شيفروليه اوبترا

الموديل 2010

مانيوال 1600 سى سى

عداد الكيلو متر 170 الف

جميع الكماليات

فابريكا دواخل ورشه خوارج ما عدا السقف والشنطه والقوايم والباب الخلفى شمال وحاله الدهان المرشوش ممتازه
حاله الماتور والفتيس والكاوتش جيده جدا

لاتحتاج اى مصاريف

واستفسار بعد اذن حضرتك هو العداد بيفرق كتير فى السعر .. يعنى مثلا لو العداد 70 الف بدل 170 هايفرق كام فى السعر ؟؟

**sherifowahba** · 23-05-2014 04:25 AM

المشاركة الأصلية كتبت بواسطة محمود سعد

اسبرانزا a113
موديل 2013 مسجله فى شهر ديسمبر 2012
عدد الكيلوات

7000 كيلو
فابريقه جوا وبره
عملت صيانه ال1000 بس
ياترى تبقى عامله كام ضرورى ؟

تعمل ٥٥ الف

الموضوع: تسعيير السيارات المستعملة الجزء السادس

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

تسعيير السيارات المستعملة الجزء الرابع

تسعيير السيارات المستعملة الجزء الخامس

تسعيير السيارات المستعملة هدية لاعضاء نايل موتورز (الجزء الثالث)

الجزء السادس : أنا والسفنتينا .. والأخوة الاعداء

ماذا تشترى فى حدود 100-125 الف؟ الجزء السادس - فكرة سبعاوى

الكلمات الدلالية لهذا الموضوع

المفضلات

المفضلات

ضوابط المشاركة