حصريا : نيسان تيدا 2009 سيدان بالكماليات الجديدة

بدأت دفعات التيدا 2009 سيدان - تصل للوكيل ... و أعتقد موجودة عند نيسان أوتو ايجيبت اللى فى النزهة .. لانى كلمتهم بالتلفون وقالوا موجودة 2009 سيدان بالكماليات الجديدة والواجهة المتعدلة .. ولسه الهاتش موصلتش ..
--------------------------------------------------------
--------------------------------------------------------
سألت عن سعر المانوال 2009 قاللى .. 109000 .. أعتقد سعر جيد .. وغليت 5 الاف جنيه بس .. علما بأن سعرها أصلا كان كده فى 2008 لكنهم عملو العرض ده من كام شهر وبقت ب 104000 فى نهاية 2008 ....
-
المهم سعر 2009 = 109:)
--------------
معلومة هامة :::: قاللى ان الصنى 2009 من أول نوفمبر بالتغييرات الجديدة وبسعر جديد .. لكن الموجود دلوقتى اسمه برضه 2009 لكنها
تصفية الموديلات اللى فى السوق .. والعربيات اللى بالكماليات الجديدة حتبدأ من 1 - 11 فى السوق ...(كلام التوكيل ) ؟!
-
التغييرات أسيبكم تعرفوها من الصور بنفسكم .:::::::::::::::::
--اللى عايز يجيب لها صور من النت .. يبحث عن تيدا 2009 أو Latio 2009 لانها بتنزل بره باسم لاتيو ده :)
-
سيدان 2009:::::::::::::::::::::::::::::
هى الشبكة اتغيرت وبقت شبه المورانو .. ولا هى ..؟! مش قادر أحدد ...

http://www.nissan.com.sg/lookfor/lat..._gal_big02.jpg

http://www.nissan.com.sg/lookfor/lat..._gal_big01.jpg

http://www.nissan.com.sg/lookfor/lat..._gal_big03.jpg

http://www.nissan.com.sg/lookfor/lat..._gal_big05.jpg

للاسف كان نفسى يعملوا أى حاجة فيها من وراء :(

http://www.nissan.com.sg/lookfor/lat..._gal_big09.jpg


أخيرا غيروا شكل التكييف ... بقى فيه شاشة وعدلوا البكر بدل القديم ال ...:)

http://www.nissan.com.sg/lookfor/lat..._gal_big08.jpg

http://www.nissan.com.sg/lookfor/lat..._gal_big04.jpg
الفرش البيج بقى أحلى من القديم اللى كان عامل زى الموكيت :)

-----------------------------------------------
-----------------------------------------------
تيدا هاتش 2009 - -Nissan Tida 2009 HB
------------------------------------------------
من وراء فانوس جديد بنفس الحجم ..
http://www.nissan.com.sg/lookfor/lat..._gal_big01.jpg

http://www.nissan.com.sg/lookfor/lat..._gal_big12.jpg
-----------------------------------------------------------------------------------
-------------------------
Nissan TIDA 2009 sedan
-------------------------

الحاجة الوحيدة اللى حروح أشوفها بنفسى .. أنها بقت 1500 سىس ؟!؟ يعنى محرك جديد ... عايزين نتأكدمن النقطة دى
----------------
عموما واضح ان كل المواقع كاتبه انها 1500 سىسى فعلا .........
دى بيانات المحرك الجديد ::::::::::::::::
1500سىسى كامة مزدوجة
109 حصان عند 6000 لفة
العزم 151 عند 4400 لفة .
الفرامل
Front - Ventilated Discs
Rear - Drums :(
الوزن 1105 كيلو
المفروض تبقى بجنوط فى المانوال .. مش عارف بسعر 109 فيها ولا لا ...
-
الأبعاد للسيدان

Overall length (mm) 4,430
Overall width (mm) 1,695
Overall height (mm) 1,535
Wheelbase (mm) 2,600
Tread front (mm) 1,480
Tread rear (mm) 1,485
Minimum turning radius (m) 5.2




-------------------------------------------



تم النقل لاهم موضوعات القسم بواسطتى
مشرف عام 5
12:33PM 25/7/2010

el hatchback nzlt bardo 3and modern motors fel mes7a
el options plus be 127500
we zyda multi function steering wheel
takeef be shasha
AUX

we ta3'yer men wara we odam fel shabka wel fawanes wel bumpers

مجهود راااااااااااااااااااااااا ااااااااااااااااااااااااا ااااااااااااااااااااااااا اااااااااااااااااااائع

أنا شفت الهاتش بك امبارح في السبع اللي في شارع الحرية، شكلها بقت أحلى من جوا، بس مستغرب الفوانيس الخلفية شوية.
بس جامدة العربية دي .

لو نزلت كده من حوة تبقى خرافة وخاصة التكييف الاوتوماتيك والكاسيت الكبير انما من برة القديمة أحسن

عموما التيدا تستاهل والله وعربية في قمة الروعة

بصراحة العربية الوحيدة اللى تقريبا مفيهاش عيوب
بس انا مفهمتش جزئية الصنى يعنى فى شكل جديد نازل ولا نفس الشكل وكماليات جديدة يريت تفهمنى اكتر

من ساعة ماشفتها امبارح وأنا بفكر فيها جامد جداً بالذات الهاتش بك، بس خايف أتخذ القرار.

إنت زهقت من الأسترا يا مصطفى ؟

moshkelt el 3rbya de
enha mesh betetb3
fe wa7da fel wasit 2008 mashya 17000
taleb feeha 95000

مجهود رائع
بس بالنسبة للتغيير فى الكاسيت مش شرط لأن الكاسيت ده بينزل من اول ما نزلت فى الموديلات الاخرى"الفيرسا" ا و الـ 1800
انما التكييف فعلا ده تغيير بجد

و مش هاعلق على العربيه من جوه و لا على الشكل الجديد

علشان الامتياز فى التيدا
مش حاجة جديدة

نيهههههههههه

اقتباس:

---

المشاركة الأصلية كتبت بواسطة sharky

إنت زهقت من الأسترا يا مصطفى ؟

---

لأ مقدرشي أزهق منها بس فعلاً التيدا عجباني جداً. وخصوصاً بعد التغير الصغير اللي اتعمل في التابلوه، شكلو أصبح أحسن. أنا كمان مش متعود إن العربية تكون ناعمة والفتيس ٤ نقلات أوتوماتيك، أنا حابب ال ايزي ترونيك.

الصنى فى كلام كتير .. لكن المؤكد ان فى تغيير قادم على الأقل من جوه .. فى الكنبة حتبقى فيها حامل أكواب خلفى ,وفى كلام عن تكييف بشكل تانى وكاسيت اخر .. ... لكن محدش عارف من بره ايه اللى حيحصل ... ده فى كلام ان حيجمعوا حاجة تانية خالص اسمه سينترا .. بل فى ناس أكدوا انهم شافوها بالفعل ... الايام حتظهر ..
لكن مفيش جديد قبل 1-11

eltweekel says to me sunny ex 2009 modified as super salon in afsha anyone now anything regarde this subject

والله مشكوررررررررررررر:err:

التيدا يا جماعة اللى بتنزل مصر 1600 سى سى لكن بره بتنزل 1800 سى سى كمان بجانب ال 1600 سى سى

الاسعار بانت للسيدان:
كاملة ب 118000
كاملة بلس 127000

التغيير الجديد:
الشبكة الامامية + شكل العدادات

اقتباس:

---

المشاركة الأصلية كتبت بواسطة ms_aast

التيدا يا جماعة اللى بتنزل مصر 1600 سى سى لكن بره بتنزل 1800 سى سى كمان بجانب ال 1600 سى سى

الاسعار بانت للسيدان:
كاملة ب 118000
كاملة بلس 127000

التغيير الجديد:
الشبكة الامامية + شكل العدادات

---

العدادات اتغيرت ازاي ؟؟ شكلها أحسن زي التابلوه لم إتعدل ؟؟
وحضرتك رأيك إيه في التيدا ؟

هل يمكن اضافة مثبت سرعة للتيدا

ممكن اعرف الفرق بين الكامله والكامله بلس

متاسف على التاخير فى الرد
رايى فى التيدا بكل امانة بعد تجربة كل من (هوندا سيفيك Vti وميجان واسترا واوكتافيا) والكل اوتوماتيك ان افضل سيارة من ناحية التحكم وسرعة الاستجابة هى التيدا لكن الميجان تغلب فى الفخامة والهوندا تغلب فى قوة البودى اكثر سيارة ما عجبتنيش هى الاوكتافيا وانا ايضا استعملت فيما بينهم رينو كليو وتريوس واوبل كورسا لكنهم يخرجوا من المقارنة ديه

التيدا ممكن احطها رقم واحد بينهم كلهم ويا رب يبارك لى فيها ويحمينا كلنا من السيرك اللى بنمشى فيه كل يوم (شوارعنا)


ده رايى الشخصى وانا بحترم جدا راى باقى الاخوة الااضل والاكيد انهم اكثر خبرة منى فى السيارات

سلامى للجميع

نصيحة للاخوة راغبى اضافة التعديلات التى لم تنزل مع السيارة
بلاش بلاش بلاش
اولا يا رب اكون فاهم صح ان كهربة العربية بتبقى مضبوطة على التجهيزات الاصلية واللعب فيها اكيد له اضرار الا اذا كانت التجهيزات ديه بتنزل فى نفس السيارة فى فئة اعلى من المشتراه

ونصيحة خلى اى اضافة تتم عن طريق التوكيل علشان ضمان الجودة والاهم الضمان الاصلى للسيارة

اقتباس:

---

المشاركة الأصلية كتبت بواسطة ms_aast

متاسف على التاخير فى الرد
رايى فى التيدا بكل امانة بعد تجربة كل من (هوندا سيفيك Vti وميجان واسترا واوكتافيا) والكل اوتوماتيك

---

على فكرة أنا بحب التيدا جداً، بس عايز أعرف انهي موديل في الاسترا إنت جربتها ؟

موديل 2005 اوتوماتيك

هى بقت اوطى على الارض ولا انا متهيألى؟؟

العربيه سعرها ممتاز زى سمعتها
وشكرا على الموضوع

فعلا التيدة لا غبار عليها تشتريها و انت مغمض عنيك و مش هتندم ابدا

عربية اكثر من رائعة وعالية من الارض وكفاية انها يابانى ميه فى الميه وغير كدا واسعة اوىىىىىىىىىىىىىىىىىىىىىىى ىىىىىىىىىىىىىىىىىىىىىىىى

شكراً على التقرير الرائع و بالفعل ما يميز هذه السيارة الأتساع الداخلى الملوحظ و جودة التشطيبات الداخلية

بجد التيدا عربيه كويسه بس مش منتشره بسبب سعرها

يا جماعه انهي احسن التيدا بلس ولا الهوندا سيتي الهاي لاين