بردوا علشان ميحصلش زعل
ويفكر انك بلغت حاول توصل لحل ودي
عرض للطباعة
بردوا علشان ميحصلش زعل
ويفكر انك بلغت حاول توصل لحل ودي
1) كلمه تانى بالحسنى وشهد عليه جيران محترمين
2) مفيش استجابة: شكوى فى مكتب الصحة اللى حضرتك تبعه هيخلوه يشيل الحمام غصب عنه
حضرتك حاول تدخل حد من الجيران بينكم واعمل كل اللى تقدر علية لانه معاك فى البيت ويفضل يكون مفيش بينكم ضغائن ومشاكل ولومنفعش بتبلغ الصحه وبيجى مفتش صحه ليكم على العنوان اللى حضرتك سيبته لهم ممكن تانى او تالت يوم مابيتاخروش . بيقابلة ويعاين اسباب الشكوى لحسن تكون كيدية وبيمضية على ازالة اسباب الشكوى وبيديله مهله اسبوع يشيل الكلام ده ولو محصلش بتبقى قضية مع الصحه ومشكله كبيرة مايقدرش عليها . بس كل الناس دى بتخاف وبيستجيبو لان المفتش بيفهمو ابعاد الموضوع .
اشكر كل من رد على الموضوع جزاكم الله خيرا
وان شاء الله هكلمه تانى لاخر مرة في حضور ناس تانية
واذا مشلش العشش هعمل محضر
وبرضوا لو حد من الاخوة الاعضاء مر بتجربة مماثلة يا ريت يقول
الاول كلم قريبك الى مأجرله الشقة وخليه يديله على دماغة
وبعدين شوف الوضع ايه ان كنت هتكلمه بعد كده ولا تاخد اجراء
بس خلى الى مأجرله الشقة يكلمه الاول
على فكره يا اخى اللى بيربى حمام او غاوى حمام عمتا بيكون صعب جدااا يبطل الموضوع ده انا شايف ان حضرتك تتقبل الوضع وخلاص مجرد رأى
للاسف انا اللى مأجرله شقة اخويا
وانا اكتر حاجة مخوفانى هى انفلونزا الطيور خصوصا ان عندى اطفال صغيرة
وكان رده عليا لما قلتله انفلونزا الطيور قاللى دى خدعة الحكومة بتدحك علينا بيها علشان نشترى الطيور المجمدة
علما بأنى مستحمل صوت التليفزيون العالي جدا لحد الساعة 3 الفجر واللى بيرجع يشغله تانى 9 الصبح
انا متأكد ان لو اى حد مكانى كان اختاره
هو دكتور بيشتغل فى شركة ادوية ومراته دكتورة تحاليل
ومتدين و عنده بنتين فى الجامعة
يعنى لا يمكن حد يتصور انه بيربي طيور
وكان كلامه معايا قمة فى الاحترام
لدرجة انى اقنعت اخويا بالعافية انه ينزل فى الايجار علشان امكانياته متسمحش بالمبلغ المطلوب
ومش ممكن كنت اتصور انه يبقي بالتعنت ده