مشكلة مع جار بيربي طيور ارجوا مساعدتكم

**mmolazem** · 01-05-2014 01:44 PM

ربي له فئران !!

ههههه بضحك معاك . .
الله يكون فى عونك .

و الله كنت بشطب شقه فى عماره مكونه من 14 دور . . و كلها تقريباً ساكنه
و صاحب العماره ( المتخلف ) كان مربى معيز فى الشقه اللى جنبى فى الدور التاسع .

بس الحمد لله لما نقلت كانت شقة ( المعيز ) باعها لساكن جديد .

**drcobra** · 01-05-2014 08:38 PM

طالما رد بتعنت وقالك انا مأجر بفلوسى
يبقى لازم التعامل يكون حاد وقاطع بدون تعصب
انصحة قدام الجيران وبعبارات حادة لا تحتمل التأويل
بعد كدة محضر فى كل مكان

مفيش حد بيحب الفضايح مهما كان هو اية.....

**almohaor** · 01-05-2014 10:18 PM

المشاركة الأصلية كتبت بواسطة ابو لؤى

على فكره يا اخى اللى بيربى حمام او غاوى حمام عمتا بيكون صعب جدااا يبطل الموضوع ده انا شايف ان حضرتك تتقبل الوضع وخلاص مجرد رأى

كلامك صح
فعلا اللى بيربى حمام موش سهل يتنازل عنه
ده عامل زى ادمان الافيون
هههههههههه
يعنى بيجرى فى دمه
بيقولوا تربية الحمام غية يعنى غاوى
صدقنى انا مربى للحمام من زمان من سن تسع سنوات لغاية اربعين سنة
وانتهت لانتقالى لمكان لايتوفر فيه مكان للتربية

تفاهم معاه بالحسنى او اسمح له بتربية الحمام ونقل العشش لسطح العمارة
وده حل يرضى الطرفين بشرط متابعه النظافة اليومية ومتابعه نظافة الطيور من الحشرات بفحصها
الحمام لاينقل انفلونزا الطيور هو والبط
بس ممكن يصاب بحشرة الفاش او قمل الحمام عند اهمال النظافة والرعاية المستمرة
خاصة ان الحمام محبوس
وهنا مكمن الخطورة لانها سريعه الانتشار اى الفاش ومقلقة جدا للراحة لو وصلت لداخل البيت لانها تقرص و تمتص الدم زى البق لانها تعيش عليه
والحمام بطبعه طائر نظيف ويهتم بنظافته بالاستحمام وترتيب وتنظيف ريشه بنفسه