مشكلة الطقطقة في تكييف شارب، حد عنده حل؟

**ahmedmedhat86** · 29-04-2014 10:25 PM

السلام عليكم، كنت اشتريت تكييفين شارب من اقن من شهر و بعد كام مرة من الاستخدام لاحظت صوت طقطقة جامدة فى البلاستيك، لدرجة انى مبعرفش انام بالليل من الصوت عشان التكييف فوق راسى، فكلمت الموزع اللى باعهولى و باعتلى ناس بصوا عليه و قالوا انه تمام مفيهوش مشكلة فى تركيبه ولا فى التبريد و ان دى مشكلة عامة موجودة فى شارب و حتى مذكور فى الكتالوج انه صوت الطقطقة دة عادى.. بس الراجل قال انه بعد شهر استخدام كدة المفروض الطقطقة دى هتروح.. فكنت عايز اعرف لو حد حصل معاة الكلام دة قبل كدة و هل فعلا الطقطقة دى بتروح مع الوقت و لا إيه.. شكرا مقدما و آسف على الإطالة

**drcobra** · 29-04-2014 10:46 PM

مصر كلها يتشتكى من طقطقة شارب
ياترى ده فى ال2.25 فقط ولا ال 3 حصان كمان

**ahmedmedhat86** · 29-04-2014 11:10 PM

شكرا على ردك، الجهازين 2.25 . هل قصدك إني خلاص كده لازم أتعود على اﻷصوات دي و مش هتتصلح بالوقت زى ما قالولي؟

**أبو آسر** · 30-04-2014 12:50 AM

دي مشكلة منتشرة في شارب فعلا وحلها صنايعي تكييف محترف وعنده ضمير أهم حاجة هيفكهولك حتة حتة ويظبطه لكن متجيبش حد من التوكيل لأنهم كفتجية وهيلصموه ويمشوا
كلامي عن تجربة ومعاناة مريرة مع تكييف شارب 1.5 حصان لحد ما جبت صنايعي بيفهم صلحهولي ب50 جنيه على حسابي

**AHMED12345678** · 30-04-2014 01:38 AM

عندى التكييف الشارب اتنين وربع حصان
وبقيت اثبت الريش من الريموت ومخليهاش تتحرك علشان مسمعش السيمفونية دى

**أبو آسر** · 30-04-2014 02:11 AM

المشاركة الأصلية كتبت بواسطة moatazbunny

متابع لانى عندي نفس المشكله وقريت فى الكتالوج ان صوت تمدد أجزاء المروحه طبقا للحراره ، والتكيف فى اوضه النوم وبصحي على الصوت ده للاسف بصوره متكرره

أ ستاذ أبو أسر ممكن تقولنا الراجل اللي جالك ده عملك ايه بالظبط فى التكييف ، يعنى غيرلك حاجه ولا عمل ايه بالظبط ؟

هو قعد يحاول فيه كتير لحد ما فكه تقريبا حتة حتة وقعد يلعب في حاجات جوة ويقفل مسامير وفي الآخر بعد مجهود ساعة تقريبا الصوت راح للأبد والحمد لله
لو مدينة العبور قريبة من حضرتك ممكن أديك تليفونه لأنه من مدينة العبور

**طارق _عبد السلام** · 30-04-2014 05:07 AM

طبيعى جدا وبتسمعها اكتر مع الساخن

لكن هى بتحصل بعد اطفاء الجهاز عندى مش بتحصل وقت التشغيل

وفيه ملحوظه هو المفروض اعمل له صيانه امتى تقريبا من خمس سنوات مااتعمل له صيانه

**eleanor** · 30-04-2014 07:30 AM

الطقطقه دى نتيجه اختلاف درجه الحراره لما التكيف يبتدى يسقع يعنى الفبر بيتمدد بالسخونه وده طبيعى فى كله مش شارب بس

**أبو آسر** · 30-04-2014 07:48 AM

المشاركة الأصلية كتبت بواسطة eleanor

الطقطقه دى نتيجه اختلاف درجه الحراره لما التكيف يبتدى يسقع يعنى الفبر بيتمدد بالسخونه وده طبيعى فى كله مش شارب بس

انا عندي lg ومفيهوش المشكلة دي ومسمعتش عن حد اشتكى من الموضوع ده غير اللي عندهم شارب بس
ده عيب صناعة أو تقفيل لأن مفيش حد هيشتري تكييف بـ 3000 جنيه مثلا علشان يسمع صوت خبط ورزع وطقطقة مزعجة متخليش الواحد ينام ولا يركز في شغله الواحد يجيب مروحة أحسن

-

الموضوع: مشكلة الطقطقة في تكييف شارب، حد عنده حل؟

LinkBack

أدوات الموضوع

عرض

-

-

-

-

-

-

المواضيع المتشابهه

تكييف شارب 3 حصان

للى جرب تكييف شارب وlg

اشترى تكييف شارب ولا لأ

سعر تكييف شارب

حد عنده مشكلة مع تكييف الجتا؟

الكلمات الدلالية لهذا الموضوع

المفضلات

المفضلات

ضوابط المشاركة