انا فى حيرة ومحتاج مساعدتكم اخواتى

منورين اخواتى الاعزاء
انا محتار جداً مع العربية واحتاج نصائحكم الغالية
العربية لانوس2 2002
العربية متركب فيها رشاشات فيرنا وسحبها كويس لكن
بتستهلك بنزين بالهبل اى لكل 20 كيلو 10 لتر بنزين وبضع 92 فقط
وبتتأخر فى الدوارة باردة او ساخنة
عرفت سبب هذا الرشاشات بتسيل وتحتاج تغيير
واكتشفت ان عندى الرشاشات التخينة

ومن قرائة مواضيع استاذنا محمد ممدوح
عرفت ان الرشاشات التخينة لما اتسدت ما تنظف بالتراسونيك وبتستهلك بسرعة حتى لو جديدة
فكرت اجيب رشاشات bmw m40 هل تركب عندى مكان الرشاشا التخان
هل هتقلل استهلاك البنزين
المشكلة لو اشتريتهم من الحرفيين وروحت بيهم مركز هيفتح لى تكلفة لان ممكن يطلعوا بايظين ويرجعوا واخد غيرهم وهكذا وكل شوية اخسر مبلغ كشف وتنظيف التراسونيك
مانصائحكم

انا لقيت ميكانيكى bmw وقالى عندى الرشاشات بعد المفاصلة معة وصلت معاة لسعر 350 جنية وقالى انة هو اللى هيركبهم لى ومش محتاج التراسونيك احنا بنظفهم بسبراى تنظيف والبنزين نفسة حامى وبينظفهم مع التشغيل وهو يضمنهم لى
اية رايكم اخواتى

الموضوع الثانى
العربية تحتاج بلى عجل امامى اشتريهم منين وبكام واية نوعهم واسعار البلى الان بقى بكام
وتكلفة تركبهم اعمل حسابى كام لميكانيكى ولمكبس الخراط

وتحياتى لكم ومنتظر نصائحكم الغالية

متابع

منتظر الاراء

ده استهلاك عالى قوى اتاكد ان مفيش تسريب فى دوره البنزين الأول
وكام تكلفه الترا سونيك وفك وتركيب

الرشاشات لو بتسيل تستهلك كدة
مفيش عندى تسريب ولا اى ريحة بنزين

تنظيف الالتراسونيك بيكلف 100 جنية

لو فعلا السبب من الرشاشات ده مش تسييل دى حنفيه مفتوحه

شوف عمل الرشاشات بيعتمد على بستم بيفتح عن طريق كمبيوتر العربية لما تعطى امر للعربية تضخ بنزين ويرجع يقفل تانى
شوف بقى لو البستم دة بيفتح على طول هيعمل اية ههههههههه
صدقت حنفية مفتوحة على طول
وللعلم معظم مشاكل العربيات من الرشاشات
استهلاك بنزين ويسخن العربية ويعمل رجة للموتور ويأخر دوارة العربية ويؤدى لاهلاك المارش وشحن البطارية وممكن يتلف البطارية
حاجات كتيييير جداً

20 كيلو 10 لتر ازاي
القصه كده مش رشاشات
في تسريب للبنزين

لاتستغرب اخى
راجعت على كل حاجة فى اكثر من مكان هى الرشاشات

اقتباس:

---

المشاركة الأصلية كتبت بواسطة ادوارد

لاتستغرب اخى
راجعت على كل حاجة فى اكثر من مكان هى الرشاشات

---

كده الرشاشات مش بتسيل
كده بتكب بنزبن

اكيد مابقتش رشاشات بقيت حنفية مطافى ههههه

المهم اساس الموضوع انا فى حيرة اركب عند الميكانيكى اللى عندة الرشاشات هيخرجهم من عربية بى ام
ولا اجيبهم من الحرفيين

350 غااااااااااااالى جداااااااااااااااا
لسه شاريهم النهارده ب 200 بتوع البى ام و فاكهمولى من على مسطرة رحت بيهم ليكانيكى عنده جهاز التراسونيك كشف عليهم لقى اتنين قاطعين و اخد 30 ج كشف رجعت تانى للنص تانى من الكره الارضيه قصدى اسكندريه بدلتهم و قام معلمهولى بقلم دوكو و رجعت تانى للميكانى بعد رحله سفر طويله كشف عليهم على الجهاز قالى دول تمام طيب مش حتنفهم قالى لا مفيش داعى يتنضفو مش عايز اغرمك هنا كويسسين و بيرشو كميات متقاربه جدا من بعض المهم ركب دارت العربيه عادى بس كنت منتظر هزه السلانسيه البسيطه تروح و التفتفه اللى بتحصل فى السكمان تروح لكن دارت زى ما هى بالظبط المهم قام باصص على البوجيهات لقاهم حارقين كويس بس مكنش عاجبه نوعهم قالى ده نوع وحش بتاع الادا و الفيات روح هات طقم جى ام اصلى ب 100 ج من محل تبعه المهم قلت ده عايز يقلبنى و خلاص بس جبتهم برضو لانه خوفنى منهم و قالى مش عارف مقاومتهم صغيره ممكن تبوظ الكويل بعد ما ركبتهم سبحان الله العربيه اتظبتت فعلا على عكس ما كنت متوقع نهائى و بقيت و انا قاعد جوه ممكن مبقاش واخد بالى ان العربيه دايرة بس لو شغلت تكييف بيبقى فيه هزه بسيطه.
واضح ان رشاشاتى اللى كانت فى العربيه كانت تمام و مفيهاش مشاكل خالص رغم ان العربيه موديل 2000 و عامله 70000 بس عموما انا برضو مبسوط انى جبتهم لانى من المنتدى هنا فهمت انهم كده كده حيبوظوا و برضو اقتنعت بنصيحه الاخ الفاضل محمد ممدوح انى كده كده حضطر اشتريهم فاجبهم من دلوقتى احسن قبل ما الاسعار تغلى و يا عالم بعد كده حنلاقى قطع غيار استيراد اساسا ولا لأ

مبروك عليك اخى بس المشكلة انى من القاهرة والقاهرة الحاجة اغلى من عندكم
هل تقدر تساعدنى اشتريهم من اسكندرية ازاى
وانتة عملت الصح واحتفظ بالقديم اللى عندك ليمكن تحتاجة
ولو لسة حاسس العربية مش مظبوطة اعمل اسكانر يكشف على كل الحساسات

اقتباس:

---

المشاركة الأصلية كتبت بواسطة ادوارد

مبروك عليك اخى بس المشكلة انى من القاهرة والقاهرة الحاجة اغلى من عندكم
هل تقدر تساعدنى اشتريهم من اسكندرية ازاى
وانتة عملت الصح واحتفظ بالقديم اللى عندك ليمكن تحتاجة
ولو لسة حاسس العربية مش مظبوطة اعمل اسكانر يكشف على كل الحساسات

---

بس انتوا السوق عندكوا مفتوح و كبير و فيه منافسه اعتقد انك ممكن تلاقى سعر احسن من كده لانى برضو و انا بسال اول واحد سالته قالى نفس الرقم الغبى ده فالموضوع بيحتاج لف كتير

بالنسبه للشراء من اسكندرية شوف انت عايز ايه بالظبط و انا تحت امرك

العربيه عنجى مظبوطه على السلانسيه بدون تشغيل اى احمال كهربائه، مع زياده الحمال الكهربائية بتظهر هزة خفيفة اقل من الاول انا مش عارف ديه بسبب ايه ولا ده الطبيعى بتاع الانوس لانى مركبتش لانوس قبل كده فمعرفش

شكرا يا باشا لاهتمامك

ربنا يخليك اخى
لو لقيت الرشاشات سعرها قريب من سعرك هشتريها لو غالية كدة هبقى اقولك لو ممكن ترسلها عن طريق مكاتب الشحن
ياريت تقدر تيجى القاهرة كان عندى المشكلة دى فى عربية قبل اللى معايا وكان السبب ظبط عدد لفات الموتور فى الدقيقة
والمكان الوحد اللى عرفها هو مركز الصفا وللعلم دة معتمد للمنتدى هنا واعطيك رابط موضوعوا وارقامهم وممكن تكلمهم وتستفسر لو ليهم مكان موثوق فبية فى اسكندرية
دة الرابط

http://www.nilemotors.net/Nile/249389-a.html

شكرا، انا بحسدكم على مركز الصفا ده الصراحه :)
لو احتجت الرشاشات قولى
و ممكن تضيفنى على الفيس لسهوله التواصل
ده الفيس بتاعى
https://www.facebook.com/ahmed.beshr2010

اكيد شرف لى تم اضافة الفيس بوك
ممكن تقولى سعر الرشاشات +الشحن+تنظيف وقياس الرشاشات
عشان انا وحضرتك نطمن ممكن تنظفهم وتقيسهم عندك واخدهم على التركيب

استاذ ادوار
انا من سنتين تقريبا باظ رشاش و غيرتة و بعدها بشهر باظ رشاش تانى و غيرتة وبعدين الميكانيكى قال لى هات رشاشات هيونداى وركبهم بتكلفة 450 جنية ايامها لاننا فى الصعيد ومن ساعتها العربية مخنوقة جدا جدا و استهلاك رهيب فى البنزين جدا ولكن لا يوجد تسييل او تاخير فى الدوارة موش عارف اية السبب

اقتباس:

---

المشاركة الأصلية كتبت بواسطة dedi

استاذ ادوار
انا من سنتين تقريبا باظ رشاش و غيرتة و بعدها بشهر باظ رشاش تانى و غيرتة وبعدين الميكانيكى قال لى هات رشاشات هيونداى وركبهم بتكلفة 450 جنية ايامها لاننا فى الصعيد ومن ساعتها العربية مخنوقة جدا جدا و استهلاك رهيب فى البنزين جدا ولكن لا يوجد تسييل او تاخير فى الدوارة موش عارف اية السبب

---

نورت اخى
حرام تدفع مبلغ زى دة الله يسامحة الميكانيكى دة

شوف الرشاشات دى حاجة على حساب حاجة
عايز سحب وسرعة ونعومة موتور وتحس بالروعة العربية تخليك مش عايز تنزل من العربية وعايز تمشى بيها ليل نهار
هات رشاشات bmw m40 1600cc
وانسى بعد كدة مشكلة اسمها رشاشات بس هتلاقى استهلاك بسيط غير ملاحظ فى البنزين

عايز تخنق عربيتك هات الهيونداى
موضوع استهلاك البنزينمن الرشاشات
وعرفت ازاى ان الرشاشات مش بتسيل
تعرف عن طريق قياسات جهاز التراسونيك
وشوف الموضوع دة وهتعرف كل حاجة

http://www.nilemotors.net/Nile/102147-a.html

اقتباس:

---

المشاركة الأصلية كتبت بواسطة ادوارد

مبروك عليك اخى بس المشكلة انى من القاهرة والقاهرة الحاجة اغلى من عندكم
هل تقدر تساعدنى اشتريهم من اسكندرية ازاى
وانتة عملت الصح واحتفظ بالقديم اللى عندك ليمكن تحتاجة
ولو لسة حاسس العربية مش مظبوطة اعمل اسكانر يكشف على كل الحساسات

---

استاذ ادوارد ممكن نشترى مع بعض لان كان فى عضو هنا محتاج برده ففمكن ننسق ونشترى سوا

اقتباس:

---

المشاركة الأصلية كتبت بواسطة mohamedmaree91

استاذ ادوارد ممكن نشترى مع بعض لان كان فى عضو هنا محتاج برده ففمكن ننسق ونشترى سوا

---

تمام اخى
ونوفر فى الشحن يبقى ببوليصة واحدة لرشاشات لى ولك ولمن يريد
ومنتظرين الرد لكيفية ارسالها لنا من الاسكندرية

اقتباس:

---

المشاركة الأصلية كتبت بواسطة ادوارد

تمام اخى
ونوفر فى الشحن يبقى ببوليصة واحدة لرشاشات لى ولك ولمن يريد
ومنتظرين الرد لكيفية ارسالها لنا من الاسكندرية

---

لما تنوى ان شاء الله انك حتجيبهم من اسكندرية قولى و نشوف حنعمل ايه بس بالنسبه للشحن انا معنديش خبره فيه خالص فانت تشوف و تقولى عليزنى ابعتهم ازاى ، و اعتقد ان لو ليك حد معرفه بيسافر يكون افضل لان التكلفه اعتقد انها ممكن تعلى كل ما الوزن يزيد

اقتباس:

---

المشاركة الأصلية كتبت بواسطة lutenit030

لما تنوى ان شاء الله انك حتجيبهم من اسكندرية قولى و نشوف حنعمل ايه بس بالنسبه للشحن انا معنديش خبره فيه خالص فانت تشوف و تقولى عليزنى ابعتهم ازاى ، و اعتقد ان لو ليك حد معرفه بيسافر يكون افضل لان التكلفه اعتقد انها ممكن تعلى كل ما الوزن يزيد

---

اشكرك هشوف وارد عليك

اقتباس:

---

المشاركة الأصلية كتبت بواسطة lutenit030

350 غااااااااااااالى جداااااااااااااااا
لسه شاريهم النهارده ب 200 بتوع البى ام و فاكهمولى من على مسطرة رحت بيهم ليكانيكى عنده جهاز التراسونيك كشف عليهم لقى اتنين قاطعين و اخد 30 ج كشف رجعت تانى للنص تانى من الكره الارضيه قصدى اسكندريه بدلتهم و قام معلمهولى بقلم دوكو و رجعت تانى للميكانى بعد رحله سفر طويله كشف عليهم على الجهاز قالى دول تمام طيب مش حتنفهم قالى لا مفيش داعى يتنضفو مش عايز اغرمك هنا كويسسين و بيرشو كميات متقاربه جدا من بعض المهم ركب دارت العربيه عادى بس كنت منتظر هزه السلانسيه البسيطه تروح و التفتفه اللى بتحصل فى السكمان تروح لكن دارت زى ما هى بالظبط المهم قام باصص على البوجيهات لقاهم حارقين كويس بس مكنش عاجبه نوعهم قالى ده نوع وحش بتاع الادا و الفيات روح هات طقم جى ام اصلى ب 100 ج من محل تبعه المهم قلت ده عايز يقلبنى و خلاص بس جبتهم برضو لانه خوفنى منهم و قالى مش عارف مقاومتهم صغيره ممكن تبوظ الكويل بعد ما ركبتهم سبحان الله العربيه اتظبتت فعلا على عكس ما كنت متوقع نهائى و بقيت و انا قاعد جوه ممكن مبقاش واخد بالى ان العربيه دايرة بس لو شغلت تكييف بيبقى فيه هزه بسيطه.
واضح ان رشاشاتى اللى كانت فى العربيه كانت تمام و مفيهاش مشاكل خالص رغم ان العربيه موديل 2000 و عامله 70000 بس عموما انا برضو مبسوط انى جبتهم لانى من المنتدى هنا فهمت انهم كده كده حيبوظوا و برضو اقتنعت بنصيحه الاخ الفاضل محمد ممدوح انى كده كده حضطر اشتريهم فاجبهم من دلوقتى احسن قبل ما الاسعار تغلى و يا عالم بعد كده حنلاقى قطع غيار استيراد اساسا ولا لأ

---

ممكن اعرف من حضرتك مين الميكانيكى ده و عنوانه عشان بقى نادرا تلاقى حد بيفهم فى الصنايعيه

اقتباس:

---

المشاركة الأصلية كتبت بواسطة tefa22m

ممكن اعرف من حضرتك مين الميكانيكى ده و عنوانه عشان بقى نادرا تلاقى حد بيفهم فى الصنايعيه

---

اخر شارع يمين فى خالد ابن الوليد قبل ما توصل للبحر اسال هناك على دكتور اسامه هيدلوك عليه