يا جماعة مشكلة فى نوبيرتى مش عارف احلها ازاى

المشكلة ان العربية لما بتشتغل بترعش كثير و عداد الاrpm بيطلع ل2 وبعدين بينزل بعد كده على الواحد وبعدين العربية وهيا ماشيه حاسس ان السحب مش مظبوط و العربية مرة جبت بيها 130 وكنت داخل على 140-150 لقت العربية فصلت خالص ومدرتش تانى
العربية اتوماتيك و العربية من ساعة ما اشتريتها وانا حاسس بالكلام ده
غيرت بوجيهات و نظفت بوابات وايدل كانت فى مشكلة check واتحلت
صوت الماتور بقى عالى اووى غيرتلها زيت توتال 5000
عاوز اعرف ليه العربية بعد السرعة 130 بتفصل خالص ايه الى اغيره عشان احل المشكلة و اعمل ايه عشان العربية تتظبط معايا لما ادورها :U_thin1[1]:

راجعت على الرشاشات وحساس الشكمان

لا ولكن ايه علاقة الرشاشات و حساس الشكمان ان العربية تفصل خالص

الرشاشات لو حبيت اغيرها اجيب نوع ايه و حساس الشكمان قمنه كام وده ممكن اجيبه استيراد ولا جديد وايه افضل نوع ده ولو حيبت اغيره

اعمل للعربية اسكانر الاول وكبس الموتور وهيكشف العيب
ملحوظة اختبر كبس الموتور فى مكان موثوق فية وبيتم بفك البوجيهات والقياس من مدخل البوجيهات ويعطيك تقرير بنسبة كل سلندر

الرشاشات جيب bmw m40 1600cc

اقتباس:

---

المشاركة الأصلية كتبت بواسطة nehro

الرشاشات لو حبيت اغيرها اجيب نوع ايه و حساس الشكمان قمنه كام وده ممكن اجيبه استيراد ولا جديد وايه افضل نوع ده ولو حيبت اغيره

---

بص يا باشا علشان متدوخش نفسك اكشف على العربيه كومبيوتر وشوف لو فيه عطل يمسحه لو لسه الجهاز قاري حاجه عطل يبقى ده اللي تغيره وبالنسبه للرشاشات اللي بتركب عليها رشاشات الفيرنا ومعلومه ليك حساس الشكمان لو بايظ يستهلك بنزين والعربيه تدخن دخنه سودا من الشكمان وبالنسبه لحساس الشكمان الأفضل هاتو استيراد انضف لأن الجديد كله مضروب وان شاء الله خير

لو العربيه بتكن جامد بعد الــ 100 ,, وأول متدورها بترعش وممكن تغيب فى الدواره
السحب بيضعف يوم بعد يوم
دى اعراض ضعف ضخ طرمبه البنزين
اكشف على طـــــــــــــــرمبه البزيـــــــــــــــن

طيب يا باشا انا رحت كشفت بالكمبيوتر قالى ان حساس الماب والكرنك fault وبعدين قعد يقولى العربية عاوزة شعل وحسيت انه بيشتغلنى دفعت ثمن الكشف وقولتله شكرا
وبعدين انا رحت كشفت على طرمبة البنزين و كهربتها كانت زى الفل بالنسبة لحساس الشكمان مفهوش مشكلة مبيطلعش دخنة سوداء خالص بس استهلاك الينزين عالى شوية
بالنسبة لاختبار الكبس ده وظيفته ايه وهعرف منه ايه

العربية بتستهلك بنزين كثير ولكن مفيش دخنة سوداء
عاوز اسال خضرتك سؤال لو حساس الشكمان فى مشكلة مش كمبيوتر العربية هيظهرلى تشك ولا ايه

انا بسيت اقولكم انى برضه لما بفول العربية مؤشر تانك البنزين مبيجيت على f خالص
وانا نسيت اقولكم على حاجة انى لما بشغل العربية بشم ريحة بنزبن وبعدين تختفى

عايز نصيحتى من الاخر مركز معتمد لينا فى المنتدى روح مركز الصفا هيكشف صح ويظبطلك كل حاجة غالى شوية بس هتطلع من عندة ناسى كل المشاكل اللى فى العربية

يا جماعة انا عاوز اعرف منكم انا لو غبرت طرمبة البنزبن و رشاشات بى ام دبليو و كهرباء بوجيهات وكهرباء عربية بالكامل و
حساسات كلها بما فيها حساس الشمكان و حساس ضغط الهواء وحساس السرعة هتكلفنى كام تقريبا

طيب فين المركز ده يا ادوارد عنوانه ايه و رقم التليفونه فى الخاص عشان اعتقد انه مش ممكن فى العام تقولى عليه

لا عادى اخى دة مركز معتمد للمنتدى ولة صفحة عندنا خد رابط موضوعوا هتلاقى كل حاجة عايز تعرفها
انا بروح لة لما تكون مشكلة كبيرة

http://www.nilemotors.net/Nile/249389-a.html

حساس الماب فعلا بيكتم العربية بعد 140 و مبيظبطش على السلانسية و الكرنك بيخلى العربية تبطل و هيا ماشية و احيانا تبطل و تدور في نفس الوقت
غير الحساسين دول لانهم مش غاليين
الماب في حدود 150 و الكرنك برضة 150 و متجبش استيراد اياك جبهم جداد جى ام من التوكيلو بتوع الاوبترا و النوبيرا و اللانوس يشتغلو عندك عادى