كرولا 2013 يا اعليها يا ابيعها

انا معايا تيوتا كرولا 2013 شاريها من اول السنه دى زيرو اول فئه خليجى علشان ما اطولش عليكم العربيه بسم الله ما شاء الله تحفه جبتها بعد بحث طويل وجمعت اراء ناس كتير وجدتها فعلا حاجه محترمه بس الحلو مايكملش احنا اسرتنا كبيره يعنى العربيه دايما محمله وطبعا بتحك كتير وبتحرق دم الواحد المهم انا امامى حاجه من اتنين يا اعليها علشان ما تحكش وفى ناس كتير نصحتنى مااعملش كده والحاجه التانيه للاسف انى ابيعها واجيب حاجه عاليه ارجو من الاعضاء ابداء النصيحه:U_thin1[1]: على فكره انا نسيت اقولكم العربيه مشيت 2000كيلو بس واخيرا لو بعتها هاتخسر كتير ولا ايه او هاتجيب كام تقريبا واسف انى طولت عليكم

لو بعتها مش هتخسر بس هتجيب ايه بدالها دى الفكره و الكرولا من العرببات اللى مش واطيه بس يمكن عشان انت على طول محملها على الاخر و حضرتك كده ممكن تفكر فى الكارينز لو بتفكر فى عربيه عاليه و عائليه

مادام انت مقتنع بيها و عجباك وربنا يبارك لك فيها يااااارب ... جرب تعليها مش حتخسر حاجة وجرب مشيها وثباتها على الطريق وخصوصا وانت لوحدك من غير ركاب ... انا اعرف ان التعلية بتكون بكوتشات على حد معلوماتى
ولو معحبكش التعلية يبقى تقرر وقتها ... وربنا يديك خيرها ويكفيك شرها يارب .

http://www.nilemotors.net/Nile/405603-a.html
دى مشاركةسابقة لى عن تجربتى الخاصة مع سيارتى
امنياتى لسيادتكم بالتوفيق

جرب وعليها مش هتخسر حاجه حرام لما تبيعا استمتع بيها وبعد كده بيعها ولو هتبيعها متجيبش سيدان تانى علشان معظم الخلوص بتاع السيدان متقارب جدا هات suv احسنلك
وانا معايه تويوتا ايكو بيجيب 160 عادى خالص ومركبلها عاليات 5 سم
وربنا يوفقق

العربية كل ما توطها تعجبني اكتر :0002014a:
بس انا رأيي لو مش عارف تتعايش معاها بيعها وهات واحدة عالية عن الارض كارينز , قاشقاي , سبورتاج حاجة زي كده

استاذ لطفي
العربية عالية عن ألارض بشكل ملحوظ
اعتقد انك ممكن تحتاج تاخد المطب بزاويه عشان تتجنب الحك
وبعدين المطبات اللي انت بتتكلم عليها مطبات عاديه ولا مطبات اهلى
لإنها لو مطبات أهالى مافيش عربية سيدان بحمولة إلا ماهتحك

اقتباس:

---

المشاركة الأصلية كتبت بواسطة nazar muharram

جرب وعليها مش هتخسر حاجه حرام لما تبيعا استمتع بيها وبعد كده بيعها ولو هتبيعها متجيبش سيدان تانى علشان معظم الخلوص بتاع السيدان متقارب جدا هات suv احسنلك
وانا معايه تويوتا ايكو بيجيب 160 عادى خالص ومركبلها عاليات 5 سم
وربنا يوفقق

---

ايكو ايه بس الى معليها و160 دى كانت معايا من الزيرو ومرعبه على السرعات انتحار يا صديقى

بيع وهات داستر .. هى اللى هتنفعك

ممكن تغير السوست بسوست تانيه نفس المقاس بس بمعامل انضغاط اقل زى ما بيتعمل فالألنترا

اقتباس:

---

المشاركة الأصلية كتبت بواسطة lanos2004

ايكو ايه بس الى معليها و160 دى كانت معايا من الزيرو ومرعبه على السرعات انتحار يا صديقى

---

والله يا صديقى طريق شرم الشيخ مفتوح وعايز اقولك حاجه كمان ان انا قفلت العداد اكتر من 15 مره انا معايه المنوال 2005

اقتباس:

---

المشاركة الأصلية كتبت بواسطة nazar muharram

والله يا صديقى طريق شرم الشيخ مفتوح وعايز اقولك حاجه كمان ان انا قفلت العداد اكتر من 15 مره انا معايه المنوال 2005

---

دي مش شطارة حضرتك .... ربنا يحفظك

نصيحة اخوية بلاش موضوع التعلية ده لأن ثبات العربية هيختلف تماما , وثق انك معاك عربية سيدان عالية جدا مش هتلاقي زيها 16 سم بدون حمولة .
الخلوص المقبول في مصر يبدأ من 14 سم عشان مطبات الاهالي .

فانا انصحك حاجة من 3 يأما :

1.تهدي في المطبات الرخمة و تاخدها بزاوية

2.انك تشتري ال suv زي ال ix3 و السبورتاج و القشقاي , بس مش كل الناس بتستريح في سواقتهم ال suv وسعرهم معدي ال 200 الف .

3. حضرتك بتقول معاك اول فئة خليجي و دي بتنزل بجنط عادي مقاس r15 , فانا رأي تغير المقاس الي r16 و هي بتنزل كدة في الهاي لاين فمفيش قلق و هتستفاد حاجتين :
* ثبات اعلي للعربية
* العربية مش هتحك معاك
وده افضل حل من وجهة نظري و انت اللي هتبقي كسبان و متفرطش في العربية دي لأنك مش هتلاقي زيها او بديل ليها .

و فعلا الكورولا 2013 عالية جدا جدا فوق ما تتخيل و العربية دي كانت معايا و مش هتلاقي عربية سيدان اعلي منها او تحملها حمولة جامدة في مطب وحش و متحكش

لو هتبيع الكورولا فكر في عربية جيب
مش ناوي على الجيب يبقى متبعش الكورولا

ومتفكرش إنك هتبدل الكورولا بعربية سيدان برضه فرق إرتفاعها سنتي ولا حاجة وهيفرق معاك
إنسى خالص

يا تأقلم نفسك مع الكورولا تعليها أو تاخد المطبات مايل
يا تغيرها بجيب

ـ

والله يا جما عه انا متشكر جدا لكل اللى فادنى بخبرته انا كنت ناوى اجيب كيا سول ورحت شوفتها ولاقتها جميله وسعرها قريب جدا من الكرولا بس لما قريت الردود للساده الافاضل نويت ان شاء الله اعلى الكرولا واشوف بعدها ايه الاخبار بس كان ليا سؤال عن موضوع تغير الجنط الى مقاس 16 ىاترى يكلف كام تقريبا

روح لعفشجي يركبلك علايات فوق السوست
رخيصة وسهلة
وجرب
مش هتخسر حاجة
لو منفعش
شوف الحلول الأغلى

ـ

اقتباس:

---

المشاركة الأصلية كتبت بواسطة llottfy

والله يا جما عه انا متشكر جدا لكل اللى فادنى بخبرته انا كنت ناوى اجيب كيا سول ورحت شوفتها ولاقتها جميله وسعرها قريب جدا من الكرولا بس لما قريت الردود للساده الافاضل نويت ان شاء الله اعلى الكرولا واشوف بعدها ايه الاخبار بس كان ليا سؤال عن موضوع تغير الجنط الى مقاس 16 ىاترى يكلف كام تقريبا

---

فى كذا نوع من 2500 الى 5000 الانواع الكويسه فى طبعان ارخص وفى اغلى

انا لسا جاى من عند العفشجى قالى افضل حل ليها نركبلها صداده كاوتش فى المساعد تخلى العربيه مهما حملتها مش هاتريح للاخر ومش هاتؤثر على الثبات انا قولت استشير لان خبرتى قليله فى الموضوع ده ايه رئيكو يا جماعه

اقتباس:

---

المشاركة الأصلية كتبت بواسطة llottfy

انا لسا جاى من عند العفشجى قالى افضل حل ليها نركبلها صداده كاوتش فى المساعد تخلى العربيه مهما حملتها مش هاتريح للاخر ومش هاتؤثر على الثبات انا قولت استشير لان خبرتى قليله فى الموضوع ده ايه رئيكو يا جماعه

---

انا شايف انه هيأثر علي الثبات ، حضرتك ممكن تجرب بيها كحل مبدئي مش مكلف و شوف هتستريح و لا لأ خصوصا علي سرعات فوق ال ١٢٠ و مع الملفات. و الله كانت مقبولة بالنسبة لك فتوكل علي الله.
معجبتكش يبقي شوف موضوع الكاوتش المقاس الاعلي.