ياجماعة انا دفعت عربون شيفروليه اوبترا 2008 مانيول ولما روحت ببص في صوره الرخصة لقتها من وره مكتوب (شيفرولية tfr 2008) بس المفروض يكون مكتوب ( شيفرولية اوبترا 2008 ) دا الغريب بقا المفروض اني حخلص العربية بكره الصبح انقذووووووووووني اعمل اية
عرض للطباعة
ياجماعة انا دفعت عربون شيفروليه اوبترا 2008 مانيول ولما روحت ببص في صوره الرخصة لقتها من وره مكتوب (شيفرولية tfr 2008) بس المفروض يكون مكتوب ( شيفرولية اوبترا 2008 ) دا الغريب بقا المفروض اني حخلص العربية بكره الصبح انقذووووووووووني اعمل اية
اية tfr دي ياجماعة
أنا الصراحة مش عارف ايه tfr ديه لكن ممكن تاخد صورة الرخصة و تروح المرو بتاع العربية و تبرزهم 20 و الا حاجة و تعرف الدنيا فيها ايه.
شيفرولية tfr 2008 دي تقريبا شيفروليه الدبابة ده اللي طلع في جوجل
بلاش تخلص في العربية دي الا اما تعرف ايه اصل العربية دي يا اما تسحب فلوسك وتريح دماغك والعربيات مالية البلد
الغريب ان انا كتبت tfr في جوجل طلعلي شفرولية دبابة بس بيانات الرخصة زي العربية بالظبط هي الرخصة دي مضروبة ولا اية
دا اللي حيجنني طيب ابص بكره علي رقم الشاسية اللي في الرخصة وللي في العربية ولا اجيب شهاده بيانات
استاذ حسين بعد السلام والتحية انا احمد الشيخ ، انا قريت كلام حضرتك وعملت بحث على النت لانى زى حضرتك فى الموضوع ، فلقيت ان tfr ده بتاع البيك اب ، وخش على الموضوع ده وهو موقع سيارات بيتكلم عن اسعار عربيات شيفرولية عند منصور ومقسم انواع العربيات وجات الحروف ديه مع البيك اب
[url=http://www.masrmotors.com/vb/showthread.php?t=108790]
بصو ياجماعة مكتوب بالظبط كده
شيفرولية tfr 2008
رقم الشاسية ثم رقم الموتور
ثم 1598 سي سي
4 سليندر بنزين فضي
دي بيانات عربية دبابة
هو اللي مخوفني بس ان ده غلط في اسم العربية
حضرتك لو العربية عاجباك اوي روح المرور التابع ليه العربية وشوف العربية دي ايه الكلام عليها
لو عادي يعني شوف غيرها احسن
استاذ احمد الينك مش شغال معلش علشان خطري وضحلي اكتر يعني ايه بيك اب وانت كان عندك التجربة دي
معلش ياجماعة حتعبكم معايا بس انا قلقان فسعدوني دا شقة عمري كله تقريبا
استاذ احمد الشيخ اية البيك اب ده والعربية دي سليمة ولا اية
نصب
شيفرولية tfr يعني الدبابة النص نقل
لو اوبترا المفروض يتكتب اوبترا
اوعى يتنصب عليك ربنا معاك.
يعني الرخصة مضروبة استاذ احمد الشيخ بس كان بيقول عنده نفس التجربة مش عارف راح فين علشان يوضحلي
ياجماعة طمنوني انا سهران
فكك ياباشا ,, الجواب بيبان من عنوانه .. يعنى انت اكتشفتها وهو مانوهش حتى عن ان فى مشكله فى الرخصه و شرحلك الوضع ولو كان اى كلام حتى ؟
رأيى اول حاجه بتتعمل فى شرا المستعمل تشوف رخصه العربيه و بطاقه البايع ..مابالك بقا ان حاجه فيهم طلع فيها شك ؟؟ انت لسه بتفكر ؟! اخلع طبعا ..الا لو فى تفسير قوى ومقنع وتتاكد بنفسك من مرورها ده لو عجباك اوى كدا
يعني الرخصة دي مضروبة بس استاذ احمد الشيخ قال شوية حاجات كده انو مر بنفس التجربة
الووووووووووووووووووووووو ووو
لو ينفع تسحب المقدم وتريح نفسك من الهرتله دي اسحبها
ولو مش هينفع يبقى لازم تسأل صاحبها ايه tfr دي ولازم تروح المرور بتاعها وتتأكد بنفسك من الرخصه وبيانات العربيه قبل ما تدفع مليم زياده
يعني ابعد عن الموضوع ده احسن اللي يغيظك ان بيانات العربية متطابقة مع الرخصة معادا النقطة دي
روح بالعربيه ( وصاحبها ) ع المرور التابعه ليه وإعرف أيه الحكايه في عربيات أوبترا كتير إتسرقت الفتره اللي فاتت وإنضرب لها رخص وإتباعت ... خلي بالك كويس
لما دورت على النت لقيت tfr يعنى ربع نقل الى بينزلو النوع ده ايسوزو و شيفورليه دبابه
اتصل بيه وخدو واطلعو على المرور وشوف ايه الموضوع مش هيحلها الا المرور جايز احنا غلطانين بس اهم حاجه السرعه
لو قالك مش فاضى ولا اى حاجه زى كده اعرف انها نصبايه
زي ما الرجالة قالوا
tfr يعني دبابة
https://www.google.com.eg/search?q=C...w=1360&bih=643
حاجة من اتنين
يا إما الرخصة فيها خطأ وده احتمال وارد لأن بنزين و1600 مش بتوع دبابة لأن الدبابة 2500 وده حله انك تروح معاه المرور وتقول للموظف الموضوع ده وتشوف هل الخطأ ده بيتصلح عادي ولا لأ
يا إما العربية دي فيها شبهة ممكن تكون مسروقة والرخصة مضروبة واللي هيفصل في الموضوع ده مطابقة رقم الشاسيه والموتور لو مطابقين للي في الرخصة يبقى ده خطأ عند كتابة الرخصة ليس إلا
ونصيحة لو تعرف تجيب العربون وتشوف غيرها يبقى أحسن
مش هتعرف أو العربية عاجباك يبقى تروح مع الراجل المرور وتستعلم عن الحوار ده
والله الواحد حيتجنن ربنا يسترها ادعولي ياجماعه ربنا يسترها معايا ولو في حد عنده معلومات ياريت يفدني برده
تروح المرور بالعربية بالرخصة بصاحبها و تتأكد منها علشان دى اسهل عربية بتتسرق
ولو مش مطمن خالص بلاش منها اصلا
أنا كان معايا لوجان 2011 كنت شاريها جديدة
و بعد ما استلمت الرخصة لأول مرة لقيت البهوات بتوع المرور كاتبين فيها "لاجونا" مش "لوجان"
لاجونا دي موديل تاني و رينو برده
غالباً مكنوش يعرفوا العربية كويس و مش فاهمين حاجة عشان المرور مكنش في القاهرة و اللوجان مكنتش منتشرة ساعتها في الأقاليم
و لما جيت أجدد تنتها لاجونا برده :)
بس أنت موضوعك مختلف شوية لأن الأوبترا معروفة كويس و ال tfr دي عربية نص نقل يعني حاجة مختلفة تماماً
بس بصراحة موضوع السرقة ده مش داخل دماغي قوي. لو واحد عايز يضرب الرخصة مش هيكتب موديل العربية غلط. كده يبقى بيقول أنا سارق العربية يا جماعة تعالوا امسكوني :)
أنا رأي تسأل صاحب العربية و تروح المرور و تشوف.
بس بصراحة كون أنه ماقلش لك عاى حاجة زي كده من نفسه حاجة مش كويسة اطلاقاً. لو مش مستريح نفسياً فكك من الموضوع.
بص انا مريت بتجربة مشابهة ان الرخصة كان مكتوب فيها شيفروليه بس من غير تحديد النوع و اتحلت بشهادة بيانات من المرور و خلص الموضوع
جرب تدخل على بوابة المرور على النت و فيه بتطلع بيانات العربية برقم الشاسية و الموتور،، غالبا غلطة فى الرخصة
للاسف الموقع تحت الصيانة،، عليك و على المرور
لا كده في قلق ..الرخصه دي ريحتها مش تمام ...روح اكشف عليها اول
اسحب فلوسك وسيبك منها
يا ريت تطمنا عملت ايه
ياجماعة انا روحت المرور فعلا والعربية طلعت تمام وده غلط كمبيوتر فعلا واشتريت العربية والعربية بجد تحفه وانا بقيت ابتراوي وفخور جداااا وحفضل معاكم طول العمر ان شاء الله وحروح بكره ان شاء اصلح الرخصة فعلا دي اخطا مرور بتحصل ياجماعه والصرحة العربية كانت تستهل التعب ده كله ربنا يخليكم ليا
مبروك ياباشا
الله يبارك فيك ياحبيبي