عربيه محترمه أوي .. ما شاء الله .. ربنا يبارك لحضرتك فيها ..
شبابي أوي و شيك جدا ..
عرض للطباعة
عربيه محترمه أوي .. ما شاء الله .. ربنا يبارك لحضرتك فيها ..
شبابي أوي و شيك جدا ..
المشكله ان الاستاذ جورج مدير مبيعات ستروين اكدلي علي الزياده ديه فقولتله في اي اضافات قالي ممكن او ممكن مفيش المشكله الاكبر هو اني مش هعرف اشتري دلوقتي خالص لسا والدي لما ينزل من السفر كمان شهرين فانا دلوقتي قاعد وشايفها وهي بتزيد وقاعد بتفرج انا عاجبني ال316 بس للاسف فقيره جدا والفولفو s60 بيقولوا ان ارتفاعها قريب اوي من الارض مش عارف انا دلوقتي عرفت احساس لما تكون عاوز تشتري عربيه قبل ال٢٠٠٠٠٠ اسهل من ٣٠٠٠٠٠ انا مشتري السراتو مبتاعتي هوا من غير تفكير ومقارنات ب١٣٠٠٠٠ مش عارف انا شكلي هستنا اشوف السوق رايح بينا علي فين كمان شهرين بس انا خلاص بقيت بحلم ان انا سايق الds5 وفيها كل حاجه انا عاوزها والله انا اتفرجت علي كل الفديوهات علي اليوتيوب بقت ادمان ربنا يباركهالك ويبعد عنك ولاد الحرام وشكرا للرد والنصيحه
يعنى الخلاصة إنت كده كده هتستنى شهرين
استنى وكل تأخيره وفيها خيره ...وياسيدى متعرفش ممكن الموديل اللى نازل يبقى فيه زيادات أو يبقى فيس ليفت أو على اﻷقل ينزلوه بالفرش البيج ... ساعتها يبقى انتظارك وزيادة السعر جه بفايده
بالنسبة لل بى إم ال 316 شكلها تحفة والفئة أم 342 ألف مش فقيرة ولا حاجة
بالنسبة للفولفو S60 أنا ممكن اساعدك واقولك أيه اللى فيها ومش فى السيتروين والعكس
اولا الفولفو
1 - كاميرات الرؤيا الجانبية ( مهمة أوى )
2 - زينون عالى وواطى ( السيتروين واطى بس )
3 - خاصية ال city safty
4 - 180 حصان
5 - فتحة سقف
6 - تانك البنزين 70 لتر
7 - جنط 17
ثانيا بالنسبة للسيتروين
1 - كاميرا خلفية بزاوية واسعة
2 - شاشة HUD
3 - 163 حصان
4 - تانك البنزين 60 لتر
5 - 3 فتحات سقف بانوراما
6 - خاصية ال sport & snow
7 - جنط 18
بصراحة ده اللى انا فاكره دلوقتى
ألف مبروك
وربنا يديك خيرها ويكفيك شرها
عربية محترمة جدا ما شاء الله
للتوضيح ...... كنت معدي امبارح من قصاد الاحمدي اللي في شارع النصر لقيت الاموره دي واقفه عنده اللون الموكا وجنبها الحلوه السي 5 سألته بكام قاللي 318500 زادت 18000 الف جنيه على موديل 2014 ......
معقولة ؟؟؟؟
الزيادة علىموديل 2014 مش 2015 كمان ؟؟؟؟
الحمد لله إنى لحقتها قبل الزيادة مع الوضع فى الإعتبار إنها فى الأصل كانت بـ 285000
وأنا إشتريتها بـ 295000
يعنى زادت 23000 ... كده أعتقد إنها خرجت أوى بره الفئة بتاعتها ( حتى ولو كان السبب زيادة سعر الدولار )
كده يبقى اللى عايز يفكر ... يفكر فى الـ BMW 316i أو الفولفو S60 أو الأوبل إنسجنيا ( بس ياريت سعرهم ميكونش زاد )
ومعاك الحق التوكيل غبى ... مش عارف ليه مصر إن عربياته متنتشرش فى السوق وتبقى أقل مبيعات .. ومش عارف ليه واخد كمية التوكيلات دى كلها ( السيتروين والفولفو والجيب والدودج والبروتون )
طب مايركز فى توكيل أو اتنين ويرفع من مبيعاتهم وخدماتهم
اللهم صلى على النبى
ربنا يباركلك فيها ويكفيك شرها
عربية جميله جدآ ومن ماركه محترمه جدآ
وتستاهل فلوسها الحقيقه بالنسبه لأمكانياتها