تقسيط السيارة بفائدة 3.2 %

**windowsman** · 30-04-2014 04:36 AM

السلام عليكم ورحمة الله وبركاته ..

أنا شوفت إعلان عن معرض سيارات إسمه الحاوى بيقدم عرض تقسيط السيارة بفاسدة 3.2 % ودورت وشوية لاقيت فى شركة اسمها الشركة المصرية وعرفت إنها أكبر موزع للسيارات فى مصر برضه بيقولوا إنهم بيقدموا تقسيط بفايدة 3.2 % أنا بصراحة ما تصلتش على نمرهم وقولت أسألكم يمكن يكون حد عارف الموضوع أحسن يطلعوا نصابين ولا حاجة ..

بالمرة بقى فى شركة شوفتها برضه بتقدم عرض 4.5 % بشرط تدفع مقدك 50 %

الله يخليكم إللى يعرف معلومة ما يبخلش علينا وأرجو المشاركة فى الموضوع لأهميته .. لان لو كلامهم طلع صح يبقى إتفتحلنا باب حلو يشيل هموم الواحد إللى عاوز يشترى ومتردد ..

جزاكم الله كل خير أرجو مشاركتكم ..

**mishmishy** · 30-04-2014 07:38 AM

الكلام دة دعاية مش اكتر . . وانا روحت المصرية اللى فى المروة - الميرغنى وبصراحة اسعارهم غالية ومفيش اى حاجة من اللى بيقولوها فى الاعلانات دى

**reda elgohary** · 30-04-2014 08:01 AM

وأنا كان ليا تجربة بردو مع معرض وقرأت الاعلانه ف
أخبار السيارات ف الآهرام وبصراحة طلع مجرد دعاية .

**Omar.Shawki** · 30-04-2014 09:12 AM

كان صاحبى بيشترى عربية وسألت على النظام ده للمعرفة وهو انك بتدفع 50% من ثمن العربية مقدم وتستلمه تانى بعد 5-7 سنين وفى نفس الوقت تقسط ثمن العربية بالكامل (ايوه بالكامل)بالفايدة المذكورة

**amr011111** · 30-04-2014 09:29 AM

اصلا كل المعارض بتتعامل مع البنوك ومفيش بنك بيدى فايده ثابته اقل من 7 % لـ 9% ( تراكميه 12% وبتوصل لـ 14% )
فلما تلاقى عرض كده فيبقى دعايه ليس الا والا كانت كل المعارض عملته لانهم بيتعاملوا مع نفس البنوك

وأنصحك أنك تشترى من معرض يملك السياره ويبيعها لك