ناوي على سبورتاج الفئة الأولى بس إستفسار

**محمد بدر** · 02-05-2014 12:49 AM

المشاركة الأصلية كتبت بواسطة طارق _عبد السلام

ممكن اعرف اسعار الفئات المختلفه للاسبورتاج
والفروقات بينهم فى التجهيزات
العربيه دى واكله دماغى شويه وبفكر فيها بجديه

العربية دي تاكل دماغ أي حد خاصتا إللي يركبها يبقي مش عايز ينزل منها.
وأسعرها أنا مش متأكد منها دلوقتي علشان موديل 2015 نزل
وكانت أول فئه علي ما أتذكر 208 ألف والثانيه 222 والأخيره 244 ألف وكان في 2014 فئه ثالثه مش فاكر مائتين حاجة وثلاثين ألف.
وعلشان ميكنش في لغط في الأسعار بسبب الموديل الجديد لازم تعمل زياره للتوكيل وتعرف الأسعار وفترة الحجز علشان الأسعار بتختلف بالنسبة للإستلام الفوري و الأنتظار.
وأنا أفضل التعامل مع التوكيل وفرع روكسي كويس مش وحش وأنا سبق وتعاملت معاه وصدقوا معي في ميعاد التسليم.
بس أنت أعتمد علي الله وأنا تحت أمرك في أي أستفسار

**طارق _عبد السلام** · 02-05-2014 01:49 AM

المشاركة الأصلية كتبت بواسطة محمد بدر

العربية دي تاكل دماغ أي حد خاصتا إللي يركبها يبقي مش عايز ينزل منها.
وأسعرها أنا مش متأكد منها دلوقتي علشان موديل 2015 نزل
وكانت أول فئه علي ما أتذكر 208 ألف والثانيه 222 والأخيره 244 ألف وكان في 2014 فئه ثالثه مش فاكر مائتين حاجة وثلاثين ألف.
وعلشان ميكنش في لغط في الأسعار بسبب الموديل الجديد لازم تعمل زياره للتوكيل وتعرف الأسعار وفترة الحجز علشان الأسعار بتختلف بالنسبة للإستلام الفوري و الأنتظار.
وأنا أفضل التعامل مع التوكيل وفرع روكسي كويس مش وحش وأنا سبق وتعاملت معاه وصدقوا معي في ميعاد التسليم.
بس أنت أعتمد علي الله وأنا تحت أمرك في أي أستفسار

اشكرك جزاك الله كل خير
والعربيه فعلا ماشاء الله وكنت دايما من غير ما اركبها اقول هى دى اول عربيه كورى احترمها مع التقدير الكامل لملاك الكورى
وفعلا كنت بقارن بينها وبين القشقاى وابتعدت عن الاسبورتاج بسبب سعرها المرتفع وقلت انتظر قشقاى الجديده لان شكلها فعلا هياكل الجو من الاسبورتاج بس لما ضاعت منى امبارح بس فرصه شراء سبورتاج مستعمله واتباعت ندمت جدا ومش عايز اقولك منمتش من الزعل والعربيه خلاص مركز عليها بس هحاول ادور على فئه اوله مستعمله منها مناسبه للمبلغ المتاح
اشكرك وتقديرى لحضرتك

**محمد بدر** · 02-05-2014 10:14 AM

المشاركة الأصلية كتبت بواسطة طارق _عبد السلام

اشكرك جزاك الله كل خير
والعربيه فعلا ماشاء الله وكنت دايما من غير ما اركبها اقول هى دى اول عربيه كورى احترمها مع التقدير الكامل لملاك الكورى
وفعلا كنت بقارن بينها وبين القشقاى وابتعدت عن الاسبورتاج بسبب سعرها المرتفع وقلت انتظر قشقاى الجديده لان شكلها فعلا هياكل الجو من الاسبورتاج بس لما ضاعت منى امبارح بس فرصه شراء سبورتاج مستعمله واتباعت ندمت جدا ومش عايز اقولك منمتش من الزعل والعربيه خلاص مركز عليها بس هحاول ادور على فئه اوله مستعمله منها مناسبه للمبلغ المتاح
اشكرك وتقديرى لحضرتك

يا صديقي العزيز عسي أن تكرهوا شئ وهو خير لكم.
والله في سوق السيارات بالذات لو ليك نصيب في سياره هتجيلك لغاية عندك. العربية دي مكنتش ليك من البدايه أياك والزعل.
ربنا يكرمك إن شاء الله بسيارة أفضل منها.
والمناسبه أنا من حوالي شهر تقريبا اشتريت لصديق لي سيارة سبورتاج موديل 2012 أول فئه. و أول مالك عداد 7000كم .
خلصنا بفضل الله علي 195 ألف. بس ما شاء الله العربية فعلا زيرو بمعني الكلمة

**طارق _عبد السلام** · 02-05-2014 08:25 PM

المشاركة الأصلية كتبت بواسطة محمد بدر

يا صديقي العزيز عسي أن تكرهوا شئ وهو خير لكم.
والله في سوق السيارات بالذات لو ليك نصيب في سياره هتجيلك لغاية عندك. العربية دي مكنتش ليك من البدايه أياك والزعل.
ربنا يكرمك إن شاء الله بسيارة أفضل منها.
والمناسبه أنا من حوالي شهر تقريبا اشتريت لصديق لي سيارة سبورتاج موديل 2012 أول فئه. و أول مالك عداد 7000كم .
خلصنا بفضل الله علي 195 ألف. بس ما شاء الله العربية فعلا زيرو بمعني الكلمة

فعلا النصيب وربنا ييسر الامور
واللى حضرتك كتبته بالظبط هو اللى كان مخلينى زعلت ... ليه

لانى عارف ان متوسط سعرها فى الرينج ده
لكن صديقى الله يباركله كان كلمنى على العربيه اللى بتتباع دى وكان بيقول صاحبها عايز 180 الف
كانت فئه اولى ماشيه اكتر من 30 الف قلتله اتصل بيه وحدد معاد قالى لا تعلالى بكره ووقت الفلوس نقدر نخلص بسعر احسن قلتله براحتك
قابلته تانى يوم ورحنا لصاحبها وضحك قال مفيش نصيب العربيه اتباعت طبعا عادى انا زعلت شويه وقلتله مشيتها بكام قال لى 175 طبعا اتقفلت اكتر وبعد مامشينا روقت صاحبى وظبطته

هههههههههه النصيب فعلا وما فى حد يعرف الخير فين
مشكور للمتابعه وربنا يهىء الخير ان شاء الله

**طارق _عبد السلام** · 02-05-2014 08:35 PM

المشاركة الأصلية كتبت بواسطة ahmedfathi

لو قارنت السبورتاج بالقشقاى تحس ان القشقاى فقيره فى الكماليات . لكن السبورتاج فعلا عربيه جامده

وبيقولوا ان القشقاى2015 هتنزل بشكل مختلف تماما وكماليات مختلفه تماما عن اللى موجوده دلوقتى وطبعا

اكيد سعرها هيختلف تماما

كنت ميال اكتر للقشقاى بسبب السمعه المحترمه لنيسان والتجميع الاوروبى وكنت مقلق من الفتيس
وهل هتعود عليه ولا هيدايقنى بسبب انى من النوع الحساس شويه فى السواقه يعنى لو فيه نتشه كانت هتعمل لى وسواس ان الفتيس بيضيع ده لانى متعود على الاوكتافيا
واقتناعى ان العربيه سعرها فعلا مناسب (القشقاى ) وشايف فيه مبالغه جدا فى سعر الاسبورتاج ..وكيا كلها اسعارها مبالغه جدا
لكن الاسبورتاج حاسسها عربيه متناسقه جدا فى الشكل بعتبر شكلها احسن كتير من القشقاى الشكل الحالى والابشنز حلو مش قليل وكفايه السقف البانوراما انه نازل حتى فى المانيوال وبالنسبه للاسبورتاج السقف البانوراما مطير سعر العربيه جدا لكن كمقارنه قرأتها هنا فى المنتدى الاسبورتاج مكتسحه وهى فعلا عربيه ماشاء الله عليها

**محمد بدر** · 02-05-2014 08:57 PM

المشاركة الأصلية كتبت بواسطة طارق _عبد السلام

فعلا النصيب وربنا ييسر الامور
واللى حضرتك كتبته بالظبط هو اللى كان مخلينى زعلت ... ليه

لانى عارف ان متوسط سعرها فى الرينج ده
لكن صديقى الله يباركله كان كلمنى على العربيه اللى بتتباع دى وكان بيقول صاحبها عايز 180 الف
كانت فئه اولى ماشيه اكتر من 30 الف قلتله اتصل بيه وحدد معاد قالى لا تعلالى بكره ووقت الفلوس نقدر نخلص بسعر احسن قلتله براحتك
قابلته تانى يوم ورحنا لصاحبها وضحك قال مفيش نصيب العربيه اتباعت طبعا عادى انا زعلت شويه وقلتله مشيتها بكام قال لى 175 طبعا اتقفلت اكتر وبعد مامشينا روقت صاحبى وظبطته

هههههههههه النصيب فعلا وما فى حد يعرف الخير فين
مشكور للمتابعه وربنا يهىء الخير ان شاء الله

لا شكر علي واجب
ولكني عايز أقولك حاجه لو حتي 170 ألف ممكن لو كنت شوفتها مكنتش عجبتك ومكنتش خلصت فيها بردو
معلش نسيت العربيه أحنا خلصناها بـ 192 بالعافيه وصاحبة العربية كانت ماسكه في 195 ألف علشان كانت محتاجه الفلوس جدا.
وصديقي كان محتاج العربية جدا
وبصراحة مكنتش تساب
إن شاء الله ربنا يكرمك بأحسن منها. المهم الصبر ثم الصبر