ياااااااه و الله يا باشا لو تعرف انا محتاج الدعوه دى اد ايه
انت اللى ريحت قلبى بجد جزاك الله خير
الحمد لله ان ربنا جعلنى سبب فأراحت قلبك
و بعدين تشكرنى على ايه بس كفايه الدعوه دى ربنا يتقبلها
عرض للطباعة
بصراحه ما افتكرش ان فيه حد بيروح للمستعمل الا المضطر او اللى لسه بيتعلم او فيه عربية لقطه قدامه انما ان حد يقول المستعمل احسن من الجديد يبقى يمكن يقصد طريقة تصنيع العربية و الخامات
ساعات المستعمل لو نظيف بيبقي احسن
يعني 120 الف تقريبا اشتري لوجان او صني
فحين اني بالمبلغ ده قربت اوي من سيفيك الجيل الثامن
هنا هو ده الفارق فرأي
والله انا ضد موضوع اني اقارن الجديد باي حاجه مستعمله ... لسبب واحد وهو ان اسعار المستعمل عندنا ف مصر مش منطقيه نهائي ... ناخد مثال وانا بشتري عربيتي الاسبرانزا خت برضه نصيبي من كلام الناس وهتجيب صيني ... صيني مين ياعم دي اي عربيه مستعمله برقبتها ... وواحد جابلي لانسر لقطه .. موديل 97 .. فابريكه بره وجوه وماشيه 120 الف كيلو عشان صاحبها كان مسافر من يوم ماشتراها وكان بيركبها اجازات بس ... طب بكام ياعم بالعافيه خلصها ب 47000 ... ولسه عايزه حوالي 5000 مصاريف مابين نقل ملكيه وفحص وتجديد الرخصه المنتهيه من 5 سنين ومصاريف صيانه بقى زيت وفلتر وسيور وبوجيهات ...الخ .. حسبتها قولت بقى اركب عربيه موديل 97 وانا ف سنة 2012 وب 55 الف تقريبا والاسبرانزا كانت ساعتها ب 67 الف زيرو يعني فرق حوالي 14 الف في 15 سنه فرق موديل .. لا طبعا .. جبت الاسبرانزا والحمد لله .. بالذات اني عايش ف السعوديه وبشوف اسعار المستعمل هنا .. الفرق كبير ومغري .. الانسر دي لو هنا ف السعوديه بالكتير قوي تجيب 7 الاف جنيه.
مش فكل الحالات الجديد احسن و مش فكل الحالات المستعمل احسن
المواصفات المطلوبه للعربيه هى اللى بتحدد
طبعا حضرتك اختيارك سليم 100% بس نفترض واحد تانى قارن بين عربيه مستعمله فالوقت ده سعرها 67 الف و الأسبرانزا اعتقد كان ممكن يكون الأختيار مختلف لان مش كل الناس ظروفهم واحد و لا طلباتهم واحده و التنوع ده هو اللى بيحدد ايه افضل اختيار لكل حاله