سمعت والله اعلم ان حتى لو عربيتك مقفلتش خمستلاف لازم تروح تعملها صيانة طالما عدى على اخر صيانة ليها 3 شهور والا تطلع مالضمان
لو الكلام ده مظبوط يبقى خازوق السنين وبناقص ام العربية دى من وش غبور
اللى معاه فيرنا لسه فالضمان ياريت يشارك
عرض للطباعة
سمعت والله اعلم ان حتى لو عربيتك مقفلتش خمستلاف لازم تروح تعملها صيانة طالما عدى على اخر صيانة ليها 3 شهور والا تطلع مالضمان
لو الكلام ده مظبوط يبقى خازوق السنين وبناقص ام العربية دى من وش غبور
اللى معاه فيرنا لسه فالضمان ياريت يشارك
لا الكلام ده مش صح
ممكن اللي قال لحضرتك كدة يقصد زيت الموتور (شل ال 10000 ) ما يقعدش 6 شهور في الموتور مش 3 شهور
و في زيوت بتقعد سنة او المسافة ايهما اقرب
طيب انا غيرت مثلا لزيت موبيل ون اللى هو كل 10000 - وعدى عالزيت سنة بس مكنتش عملت غير 5000 كيلو عشان استخدامى للعربية قليل - يبقى بردو لازم اغير الزيت عشان مطلعش مالضمان؟
لاة الكلام خطأ تماما حضرتك الضمان لا يحق لة المدة .. لانة الضمان يستمر حتى 3 سنوات او 60 الف كيلو ايهم اقرب .. حتى لو عملت الف كيلو فى 3 سنوات .. هو ملوش دعوة ... وبالنسبة للزيت هو برضة ملوش علاقة ميطلعكش من الضمان بس كل الموضوع حفاظا على العربية لان بعد 6 شهور الزيت بيفقد خواصة وبيبقى مش لزج كفاية للماتور .. بس كدا
طمنتنى - فيرى جود :tumb:
معقول الكلام دا يكون صحيح ؟
لان انا معملتش صيانة ال 1000 ولا ال 5000 ولا حتى ال 10000 كيلو ومش ناوى اروح التوكيل الا لو لا قدر الله فى حاجة كبيرة فى العربية.
لان بالنسبالى عشان اروح التوكيل مشكلة لان المسافة كبيرة جدا بينى وبين التوكيل
فمعنى كدة لو معملتش الصيانة الدورية ممكن افقد الضمان فعلا .
بص حضرتك هما ممكن يطلعوك او يخلوك تدفع تمن الصيانات اللى فاتت دى كلها وساعتها يددخلوهما فى الضمان تانى .. ولكن ممكن برضة يتلككوا ويقولك انت اللى اهملت الصيانات وملناش فية .. حصل موقف مع صديق ليا .. كان عندة مشكلة فى مكنة الباور .. وهو كان جديد فى السيارات وميعرفش انى كدا الباور تقيل وبايظ .. العربية عاملة زى اللادا فى دريكسيونها ... بس كان هو عمل حوالى 50 الف كيلو باعربية لانة بيسافر كتييير جدا .. لما شوفت العربية قلتلة الباور دا بايظ انت مبتروحش الصيانة والضمان قالى لاة
رحنا للتوكيل قالك هنغيرة بس تدفع تمن الصيانات .. كام يا عم قالك هتدفع صيانات العشرة الاف بس .. يعنى حوالى ..800 جنية ... دفعناهم زى الباشا وكمان 200 جنية مصنعية .. واتغيرت وبقت العربية اخر حلاوة ومكنش مصدق نفسة انى فى باور خفيف كدا .. :tumb:
والله بجد احنا فى مصر بنعانى من مشكلة المعاملة السيئة من قبل التوكيلات سواء عربيات او غيرة مع ان الواحد بيكون دافع مبلغ وقدرة عشان الضمان ولكن للاسف عالفاضى المعاملة بتكون سيئة وزى مانت ذكرت مشكلة صديقك فى الاخر برضو اتلككو ليه وخلوه يدفع مبلغ حاجة معملهاش دفعوة الصيانة من غير ما يعملها تلاكيك