A113 و 516 متقاربين فى سعر المستعمل ولا انا بتهيألى ؟

السلام عليكم ورحمة الله وبركاته ،

جبت سوزوكى ماروتى اسبوعين وبعتها ، حسيت انى راكب عربية من التسعينات ، وضيقه وبطيئة وكل شوية خايف تعطل وتقف

المهم نويت اجيب a113 او 516 بس وانا بقرا الاعلانات حاسس انهم قريبين فى السعر من 40 ل 50 الف

فعايز اعرف الفرق بينهم غير ان دى سيدان ودى هاتش باك و 516 اوسع

انهى فيهم اقل اعطالا وتقدر تكون معمرة الفترة الجايه وتوافر قطع غيارها واهم حاجه اقلهم اعطالا

بالنسبة للسرعه اقصى حاجه بجيبها 140 فعايز ،، والمهم مين فيهم تستحمل سفرى اسبوعيا حوالى 100 كيلو وزيهم تانى يوم لأن ده الغرض الاساسى من العربيه والماروتى لم تسعفنى فى الموضوع ده

وعليكم السلام ورحمة الله وبركاته
انا ركبت الــ 516 مع صديق ليا اكتر من مره و العربيه واسعه جدا ما شاء الله و هو بيشكر فيها و العربيه مستحمله المعامله الغير ادميه اللى بيعاملها بيها
سوقت مره واحد 113 و حسيتها ضيقه و مكنتش مرتاح فيها و من فتره قريبه كنا بندور على عربيه هاتش بالك و كان فيه 113 معروضه للبيع سألت الميكانيكى عليها و انا اعرفه من سنين طويله و لاقيته قال كلام كتير وحش على 113 عموما

516طبعا
عربيه رائعه وبتاعت شقي

516طبعا
مفيش مقارنة

طبعا هناك فرق كبير لصالح 516
بس اهم حاجه برضو حالة العربيه

واضح ان فيه اجماع .. سعر من 45 لحد 48
يجيبوا موديل كام ؟؟ وحالة ازاى وعداد كام كيلو ؟؟ واللي يعرف حاجه في اسكندرية؟؟

113 تنفع عربية تانية لو سعرها معقول ... او حد كل سواقته جوا البلد علشان صغيرة واوفر في البنزين

بالنسبة للسعر .. 48 ج تجيب موديل 2010 او 2009

52 الف ج تجيب موديل 2011 ماشي اقل من 40 الف كم ...

كل ما يكون العربية ماشية اقل هيكون مشاكلها اقل بالتاكيد

موديل 2012 تعمل 56 الف الى 57 الف ... ودي آخر موديل اساسا

خد بالك ان موديل 2010 و2011 كان فيه هاي لاين وبيز لاين ... علشان كدا ممكن تلاقي موديل 2010 و2011 في تفاوت غريب في اسعارهم واحدة كانت زيرو ب 68 الف والتانية كانت ب 64 الف

2010 و2011 في تفاوت غريب في اسعارهم واحدة كانت زيرو ب 68 الف والتانية كانت ب 64 الف[/quote]

يا باشا انا اشتريت a113 شهر 9 / 2012 - وكانت بــ 58 ....
طب ازاي موديل 2010 و 2011 كانت زيرو 68 ألف او 64 الف

رفعت مع العربيات لما رفعت ....

ال 113 كانت ب 59 و بقت ب ستينات و ال 516 كانت ب 68 و طلعت بعد السبعين

اكيد 516

احلى ردود من اصدقاء الحاضر والمستقبل.

ايه الفرق بين بيز ﻻين وهاي لاين في موديلات 2010 و 2011 ؟