منظر غريب ,جوز المساعدين خرموا الرفرف وطلعوا منه في 316i coupé

**2CODE** · 01-05-2014 02:43 AM

يا جماعة الموضوع ده مش موضوع مطب ولا كل الكلام ده

بصراحة الرد اللي في الاقتباس ده فيه كلام حلو اوي

المشاركة الأصلية كتبت بواسطة monamize4

بغض النظر عن السبب
سواء كان عيب صناعة او سوء استخدام

لفت نظرى جدااااا ان اللى اتأثر هو الرفرف
لكن الكبوت و الاكصدام و الفانوس سلام 100%
و دا طبعا بسبب التصميم العبقرى للعربية ,,
يا جماعة الفلوس اللى اتدفعت ف عربية زى دى ما اترمتش ف الارض

استفسار يا جماعة ,,
المساعدين و السوست طلعوا بره العربية و مع ذلك العربية من قدام لسه مرفوعة ,, ازاى ؟!!!

صحيح ازاي ياخد مطب كده والاكصدام الامامي لسه موجود ؟ والعربية دي من العربيات الواطية !!!!!!

تاني حاجة صحيح ازاي المساعدين طالعين والعربية واقفة من قدام ؟؟؟؟ المفروض تكون جايبه الارض من قدام وعالية ورا

ومن غير ارقام !!!!! حاسس ان الموضوع فيه خدعة مش اكتر ولا موضوع مطب ولا بتاع مطب ايه يا جماعة بس !!!!!!!!

**eng.m7md.ali** · 01-05-2014 03:10 AM

الموضوع بسيط

البي ام دابليو مشهورة بشروخ الركبة عند البطاحات .. الموضوع ده موجود كتير في موديلات قبل 2003 عشان كدة هتلاقي عربيات كتير منها راشة كرتيرة بسبب الشروخ دي مش حادثة

والموضوع ده هيزيد لو العفشة الامامية بايظة او كدة

ومع مطب جامد شوية + الشروخ دي = كل سنة وانتم طيبين

**د.ياسر** · 01-05-2014 03:31 AM

سبحانك يارب

**S O P H O S** · 01-05-2014 02:13 PM

معقولة البي ام !!

**cheetos_892005** · 01-05-2014 05:59 PM

حاسسها اشتغاله .... العربيه واقفه زي ما هيا

كمان في اتنين مساعدين يخرجوا كاملين نضاف كده و بنفس الشكل ؟

**lanos2004** · 01-05-2014 06:16 PM

لا عادي شوفت بي ام اربع حتت علي الكورنيش -كل الالماني كده بيتكسر--دي حقيقه مش تريقه-

**abou-yahia** · 01-05-2014 06:17 PM

عيب صيانه من صاحب العربيه
مساعدين ماتوا من زمان وسواقه غير طبيعيه
انا شايف ان ده مش مطب
ده واحد كان بيدرفت فده اللي حصل

**ahmad--ezzat** · 01-05-2014 06:27 PM

من غير معرف السبب ولا اعيب ف العربيه ولا السواق...هي كلمه واحدة

العين فلقت الحجر

اللهم نعوذ بك من الحسد والغل والحقد

**amrelsaqqa** · 01-05-2014 06:33 PM

ممكن مسقط مكنة شديدة على نفس العفشة الاستوك ؟

والعربية لسة مرفوعة عادى لانها مسنودة على الكاوتش لسة وبعدين اصلا لو ركزتوا في اول صورة باين الفرق بين ارتفاع العربية من ورا وارتفاعها قدام عند العتب تقريبا بينها وبين الارض اقل من سنتى ونص ، هتروح فين تانى يعنى ؟

بالنسبة للاكصدام والكبوت سلام فده عادى
انا خبطت في الرصيف على سرعة 80 وماحصلش حاجة في العربية غير خدوش في طرف الاكصدام من تحت ، حتى الرفرف نفسه ما حصللوش حاجة بس طبعا فردة الكاوتش اتبهدلت بالجنط وغيرت المقص

اما موضوع شروخ الركب ده صراحة اول مرة اسمع عنه وغريب جدا فمقدرش افتى فيه

العجلتين سلام بس المساعدين خرموا الرفرف وطلعوا ده معناه ان اللى حصل ده حصل على سرعة عالية نسبيا او بعزم عالى والعجل مكسور للاخر في اتجاه معين (غالبا درفت) وممكن خد مطب وهو بيدرفت بس ما اعتقدش خبط في رصيف او حاجة جامدة لان العجل نفسه سليم

عامة في انتظار الرواية الموثقة من صاحب العربية او حد يعرفه