الموضوع: حد نفسن عليك من ال Hr وانت رايح مقابلة عمل ؟

انا اكتر حاجة بتضحكني اما ببقي رايح إنترفيو إنجليزي و اللي هيعملي الإنترفيو يستقبلني و أهلا و إزيك و نقعد نتكلم عربي عادي بعد كدة فجأة يقولي بص .. من أول دلوقت هنتكلم إنجلش .. و يبتدي يسألني بالإنجليزي .. بحس إن احنا هبل بصراحة :d و بحس إن أحسن يحطوا حد في ال Hr لغته الأولي إنجليزي بدل اللعب ده .

حقيقى مشاركات حضراتكم مفيدة ومش بعيدة عن التساؤل اللى طرحته , ومن تجارب حضراتكم نقدر نقول ان ادارة الموارد البشرية فى الشركات المصرية محتاجة اعادة نظر بعض الشئ وتقييم الأفراد يجب ان يكون موضوعى وكمان رأيى انه لا يجب ان يترك الأمر برمته فى يد الموارد البشرية بل يجب على المنظم او المسئول فى الادارة العليا انه يقيم آداء افراد ادارة الموارد البشرية يعنى على سبيل المثال يقابل المتقدمين ولو 5 دقايق بعد انتهاء المقابلة مع ال Hr ولو على سبيل التعارف عشان لو فيه استبعاد لعنصر استشعر انه جيد يبقى على الأقل يسأل الأساتذة بتوع ال Hr ليه استبعدتوه مش تبقى الكورة فى ملعبهم والمنظم بعيد خالص عن اللعبة .
مش عارف نفس الموضوع بيحصل فى الشركات الأجنبية ولا لأ

المشاركة الأصلية كتبت بواسطة MMamdouh

i hate HR people... they know nothing about the business and they think they know it all

MMamdouh

same here
but not all of them

ياريت لو فيه تجارب للسادة الأعضاء مع موضوعنا ميبخلوش علينا بذكرها علشان نثرى موضوعنا ونستفيد ان شاء الله , حتى لو حصل مع حد تعرفه احكيلنا . شكرا

المشاركة الأصلية كتبت بواسطة abouelmaggd

حصل ليا فى اوراسكوم بعد ما امتحنت مع المهندس اللى هناك و كان لبنانى و الله كان زى العسل معايا واتكلم معايا فى كل حاجة على طبيعة الشغل و مميزاته و عيوبه قاللى كده خلاص ورقك نزل Hr فى الدور 15 و استنى منهم تليفون عشان هيتكلموا معاك ف المرتب و خط الاتوبيس فى خلال 10 ايام ،و لا الدموع يا رجاله ، اتكلمت تانى مع واحد معرفة هناك و قاللى هسألك هشوف ايه اللى عطل الورق لقيت المهندس اللبنانى طالبنى تانى و قاللى Cv بتاعك ضاع !!!!! اخدت نسخة تانية و رحتله عرفت بعديها ان الورق اساسا موجود تحت فى Hr و لا ضاع و لا حاجة بس كان ليهم رأى تانى عشان اسمى محمد :)

لاتعليــق

لأ ليـا تعليق هو ده اللى انا اقصده بالظبط , تحامل بسبب الدين او العرق او اللون او الوضع الاجتماعى او نوع الجامعة المتخرج منها حكومية ام خاصة واى شئ آخر بعيد عن الموضوعية وامكانياتك الوظيفية .

عارف ان الموضوع اهميته النسبية قليلة شوية نظرا لان غالبية الاعضاء بتعمل بقالها سنين , بس كل اللى عوزين نقولو لبعض هو تجاربنا القديمة قبل ما نستقر فى وظايفنا الحالية , او تجاربنا الحديثة لو فيه حد مننا بيغير الكارير بتاعه .