حد نفسن عليك من ال Hr وانت رايح مقابلة عمل ؟
حصلك قبل كدة وانت رايح مقابلة للحصول على عمل ان حد من ال Hr اللى بيعمل معاك المقابلة انه نفسن عليك ؟ بمعنى ابتدى يتعامل معاك بشكل غير حيادى , تحامل عليك شوية , كان مبالغ فى نقد مهاراتك وامكانياتك بالسلب بشكل زيادة , اخد منك موقف بسبب جامعتك او لونك او دينك او وضعك الاجتماعى الخ وانت حسيت ده ؟ حسيت ان امكانياتك وشهاداتك وخبرتك القوية هم السبب فى ان اللى بيعمل معاك المقابلة كان غيران من امكانياتك شوية وبالتالى بيسقط نفسيا عليك ؟
الموضوع يا جماعة بيحصل كتير من ادارة الموارد البشرية وبيستبعدو ناس مؤهلة للعمل لا لشئ غير انه مش هاضمك او مستريحلك او غيران منك , طبعا اكيد فيه ناس فاهمة شغلها كويس ومتزنة وبيرفضوا ناس عشان فعلا هم مش مؤهلين للوظيفة او لاسباب موضوعية أخرى بس اللى انا قصدى عليه فى الموضوع بتاعنا هو ان فعلا فيه شوية ناس فى الموارد البشرية مش فاهمة حاجة وبتكون سبب فى استبعادك من الوظيفة , انا بقول سبب لان كل حاجة بأمر ربنا , اتمنى اعرف رأيكم فى الموضوع ده وياريت اللى مر بتجربة مشابهة يقولنا . أشكركم