سانديرو ولوجان الجديده 2014 بدون فتيس اوتوماتيك ! Why the new Sandero and Logan 2014
صباح الخير يارجاله وسيدات مالكى رينو وخاصه لوجان وسانديرو .... حدخل فى الموضوع على طول علشان مش اطول عليكم
من كام يوم شوفت سانديرو ستيب واى الجديده شكلها عجبنى جدا بسم الله ماشاء الله وغيرو فيها حاجات كتير اوى يعنى تحكم الزجاج موجود فى الباب والكاست شكله تحفه بشاشه كبيره وشكل التابلو فعلا ممتاز جدا (ديه وجهه نظرى) وكان معايا واحد صحبى شيفها مش قد كده مع العلم انى الحمد الله امتلك سانديرو 2014 اوتوماتيك فكان من الاولى لى ان أغير على عربيتى واقول الجديده وحشه بس انا فضلت ان اكون صريح جدا مع نفسى فعلا العربيه الجديده جميله وانا بردو مستغرب هما ليه عملو كده ونزلو شكل جديد على الشكل القديم فى نفس السنه وديه اكتر حاجه بكرهها فى عالم السيارات .. المهم لما عرفت ان مفيش خلاص ولا لوجان ولا سانديرو بانوعها بجير بوكس اوتوماتيك استغربت جدا وابتديت اشك لان غالبا الشركات بتوقف انتاج حاجه معينه لما يظهر فيها عيوب وعيوب كبيره كمان :help1:.. المهم ابتديت قصه البحث و التنقيب وتوصلت للأتى والحمد الله ..
الاسباب كالاتى والى عندو زياده او تعديل لوسمحتم يتفضل بها
- العربيه اصلها رومانى وفى رومانيه الناس بتحب تستخدم العربيات المانيول (لدرجه ان فى واحد كان بيسأل عن عربيه سانديرو اوتوماتيك فى معرض فى اوروبا الناس ضحكت)
- الوضع الاقتصادى ولتحقيق اكبر مبيعات فبالتالى مش حيزود التكلفه
- وتم فعلا اختراق اسواق كثيره فى العالم وحققكم منافسه قويه لكن العربيه الجديده مرتفعه التكاليف فلذلك فضلم البقاء على الميزه التنافسيه الى فى ايدهم وهو السعر والاعتماديه
- البنزين غالى جدا فى اوروبا كلها والى راكب عربيه 1600 سى سى داه برنس جدا فبالتالى يفضل المانيول علشان استهلاك البنزين.
- العربيات الاوتوماتيك نزلت فى اكثر من مكان فى العالم وحققت نجاح بس تقريبا المانيول حقق اكثر مبيعات وطبيعى ان موديل الى حد ما جديد يركز على الى بيكسب اكثر
- مع العلم ان الشركه قالت انها ممكن تفكر تستخدم الجير بوكس الاوتوماتيك تانى خلال سنتين من الان (بردو علشان يصبروا زبون الاوتوماتيك)
فعلا فى عربيات نزلت بجير اوتوماتيك وداه بيصنع فى اوروبا فقط وبعد كده يشحن للمغرب او البرازبل علشان يركب على العربيه على طول مع العلم ان نفس تكنولوجيا الجير داه بتستخدم من قبل نيسان واثبت كفائه ومفيش اطلاقا اى عيب تم اكتشافه فى الجير الاوتوماتيك فى اى مكان اتوزعت فيه العربيه اللوجان او السانديرو فى العالم غير اخطاء تصنيع (وارد تحصل مع اى مصنع) او سؤ استخدام والله اعلم ... فلذلك ربنا يبارك لنا فيها يكفينا شرها .. المهم نحافظ :praying:
حاجه غريبه بس كويسه مش وحشه
تاكيدا لكلامى عن نوع الجير بوكس الاوتوماتيك اعملو سيرش على Nissan Aprio
سبحان الخالق .. هى حاجه غريبه جدا بس مش وحشه خالص العربيه السانديرو واللوجان طلعوا هجين مبين نيسان و رينو
السانديرو واللوجان عربيه ممتازه واعتماديه سواء مانيوال او اوتوماتيك
العكس تماما لما رينو ونيسان يطلعو عربيه فيها عصاره تجاربهم والتكنولوجيا ديه بعد سنين من التجارب حاجه كويسه .. وعن تجربه العربيه ديه ممتازه فى فئتها والله شاهد على كلامى .. كل كلامى عن العربيه مديح وفعلا عيوبها لا تذكر .. ولاوتوماتيك بتعها فعلا ممتاز جدا بسم الله ماشاء الله