-
الميه بتنقص في الاوبترا
السلام عليكم أعضاء المنتدي الكرام
عندي اوبترا ٢٠٠٦ اوتوماتك ومن فتره لاحظت
ان الميه في القربه بتنقص وكل عشره أيام تحتاج
لتر تقريبا، رحت لبتاع رادياتير، فك الرادياتير ونضفه
وعمل دوره غسيل ونضافه وحط ميه خضرا وقالي مفيش اي تسريب
ولكن المشكله ما زالت مستمره، أرجو النصيحة ايه العمل؟
-
الغطاء او سنون القربة احتمال كبير حاجة منهم و يستحسن تغيرهم الاتنين
-
ايه سنون القربه يا باشا، وهل الغطا ممكن يتباع لوحده؟
-
غطاء القربة و السنون او القلاوظ بتاعة القربة الى الغطا بيتربط عليهم ممكن يكونو سبب التسريب
الغطا ب30 او 35 جنيه و القربة ب85 او 90
-
غالبا الغطا وبيتباع لوحدة وتجيب غطا اصلى
-
شكرًا ليكم جميعا بكره هاروح للميكانيكي وأشوف
-
ممكن خرطوم بيسرب
ممكن طربمة المية
ممكن طبب المية او مشترك المياه
ممكن غطا القربة
ممكن وصله التكييف السخن
ممكن جوان وش السلندر
-
رحت الميكانيكي، وبص علي الخراطيم والقربه وقالي مفيش حاجه، ومعرفش ايه السبب، بالمناسبة النقص حوالي لتر كل ١٠ ايام، والصبح لما افتح القربه اسمع صوت زي صوت فتح الحاجه الساقعه وده اللي خلي الميكانيكي يقولي القربه تمام، موضوع طرمبه الميه قالي كانت هتنزل ميه وهي واقفه، وش السلندر قالي هتعمل طحينه، الطبه قالي هتجيب صدا.
ايه رأيكم ايه العمل؟ اسيبها كده وازودها كل فتره؟ انا خايف تحصل مشكله ع الطريق
-
وش السلندر مش شرط يعمل طحينة
ممكن التهريب يكون على العادم فمش هتعمل طحينة خالص
-
طيب يا باشا فيه حاجه معينه نختبر بيها وش السلندر؟
Content Relevant URLs by
vBSEO 3.6.0 PL2