صلح سماعتك التالفة بكل بساطة وبمواد بسيطة " شرح+فديو "

السلام عليكم ورحمة الله وبركاته

ناس كتير لما السماعة بتتلف بيرميها ويجيب غيرها طيب ليه ما تصلحها والطريقة سهلة جدا ومافيهاش تعب كلها ساعة ولا اتنين تكون خلصت ويمكنك تعويض اي شئ مفقود

ويكون في الغالب التالف :
1- الملف

2- الجلد

3- طبلة السماعة

أ ) نبدا مع بعض اولاهنحدد العطل ممكن يكون طرف السلك الي طالع من الملف فاصل او الملف فاصل بنقيس طرفي السماعة بتست الصفارة في الافو ميتر لو صفرت او ادت رقم سليم لو ما صفرتش يبقي الملف فاصل ( ودا في حالة السماعات الي قاطعة صوت خالص )لو الملف محروق هنفكه زي الفديو ونقيس طول السلك ونلف غيره من جديد

ب ) لو الي قاطع ف السماعة بيز بمعني الجلد بايظ او الطبلة بنجددهم زي ما انا شارح ف الديو وبتكون الخامة جلد بلون تخين و الطبلة ورق مقوي

ج ) لو السماعة بتخروش دا لانها نتيجه تراب بين المف والمغناطيس او جت عليها مياة فخلت الملف بيحك في المغناطيس . اولا حاول تشغل الكاست علي اعلي حاجة واقلبها لتنزيل التراب لو ما نفعتش جرب تسخن بسيط من ناحية المغناطيس بالسشوار لتجفيف الملف او النفخ بالبلاور في الحتة الي مابين المغناطيس والطبلة ...

أسبكم مع الفديوهات ... تحياتي " حسن أشرف "
اسالكم الدعاء لي بالتوفيق عندي امتحانات :)


الجزء الاول ......
https://www.youtube.com/watch?v=KInb...ature=youtu.be

الجزء الثاني ......
https://www.youtube.com/watch?v=-FZ9...ature=youtu.be

الجزء الثالث ......
https://www.youtube.com/watch?v=xNwK...ature=youtu.be

انا لسة بتفرج على الفيديوهات
بس سؤال كدة على السريع
عندى سماعتين ورقهم مقطوع معنى كدة انى ممكن اغير الورق دة بجلد وتشتغل تانى

اقتباس:

---

المشاركة الأصلية كتبت بواسطة zarif

انا لسة بتفرج على الفيديوهات
بس سؤال كدة على السريع
عندى سماعتين ورقهم مقطوع معنى كدة انى ممكن اغير الورق دة بجلد وتشتغل تانى

---

# اه طبعا لو الورق نفسه الي ف النص الي هو الطبلة مقطوع ينفع والطريقة بتاعته في اخر فديو دا للورق بس

# انما لو تقصد الورق الي في الداير الي راكب ف السماعات الصيني بدل الجلد هتلاقيه في اول وتاني فديو الطريقة بالتفصيل الممل والموضوع تم بنجاح تام

# بس هي لو قاطعة صوت يبقي الورق مالهوش دعوة بس هيتيعمل بالمرة في السكة وانت شغال وهتصلح الملف الاول وتشوف ممكن يكون السلك بتاعه طالع بس مفصول من الكلبسات تلحمه انت وتعمل الورق وتركبه

طيب تمام
انا كدة هروح اجيب السماعات البايظة اللى عندى واجرب فيهم
بس سؤال:
1 - اى ورق ينفع ولا لية ورق مخصوص وبيتجاب منين
2 - ينفع ابدل الورق بجلد وبيتجاب منين ونوعة اية

أ مصطفي
انصحك تستخدم في الجزء الاوسط ورق زي تصميمها الاصلي كرتون يعني تمام وهتقصه زي ما انا شرحت ف الفدبو كدا
وبعدها هاتعمله داير جلد علشان يسمحله بالحركه والاهتزاز وبكدا يطلع بيز محترم وتحت امرك في اي استفسار :tumb:

طب انا عندى سماعات الباب الصفيره صوتها ضعيف ويكاد يكون معدوم يعنى .. هيا سماعات بلدها مش مغيرها ولا حاجه .. بس لما بظبط الكاسيت على السماعات اللى قدام بس عشان اميز بيبقى ليها صوت بس ضعيف قوى .. دىً ليها حل !؟

طيب هي كدا ولا كانت عالية ووطيت
بص ما هو يا العيب ف الكاسيت يا العيب ان التوصيل مش كويس يعني عاوز تاكد علي وصيل السلك بالسماعة تمام
وممكن تسخن بالكاوية علي اللحام الي موجود علي سلك السماعة علي خفيف
وممكن تكون مكتومة فكها وشغلها برا علي كست عادي او علي جي ام عربية وشوف النتيجه وعلي اساسها حدد العيب سماعة ولا الكاست بتاعك ولو السماعة نضفها بالبلاور كويس جدا وسخن ع السلك بتاع الملف الي متوصل ف الالصاجتين بتوع التوصيل وبازن الله ههترجع تمام

جاري المشاهدة
عندي سماعات مقطوعة كتير

عندى سماعه بيونير بيضاوى بتخروش ,, و الجلد سايب من ورق فى بعض المناطق " بس الورق عندى عباره عن بلاستيك مش ورق " هو دة اللى عمل الخروشة ولا بردة فيها تراب ومياه ؟؟ والزقها باية ؟؟؟

اية يا جماعه فين الرد ؟؟؟

تسلم على المجهود , موضوع ان شاء الله هيفيج ناس كتير .
جزاك الله عنا كل خير

رائع

مدهش بجد ولسه هنششششششششششششششوف المصرى ..........

ياريت تعيد الشرح بجودة فيديو اعلى على الاقل 360 وكمان يكون فيه الرد على اسالة الاعضاء

يا باشا انا عندى سماعاتت فجاة صوتها ضعيف جدا لدرجة انا مش سمعوه خااالص ولا حتى ع الكمبيوتر هل كدة باظت ولا لية

اقتباس:

---

المشاركة الأصلية كتبت بواسطة hamisa08

عندى سماعه بيونير بيضاوى بتخروش ,, و الجلد سايب من ورق فى بعض المناطق " بس الورق عندى عباره عن بلاستيك مش ورق " هو دة اللى عمل الخروشة ولا بردة فيها تراب ومياه ؟؟ والزقها باية ؟؟؟

---

مشكلتك هتتحل اولا الجلد او الورق المفصول دا بيخلي حركة الملف مش ترددية فبيحتك بالجسم بتاع المغناطيس فبنخروش اي خدمة واسف علي التاخير وياريت قبل اعادة تلحيم الجلد دا تثبت الملف بشرائح بلاستك زي ما شرحت في الفديو الثاني وبعدين التلحيم ثم فكها لضمان ان الملف في المنتصف وعدم الاحتكاك وياريت لو تشفط التراب الي في القلب بالمكنسة
" اسف علي التاخير لاني كنت مشغول ومش قادر افتح النت ويارب يكون الرد افادك "


- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى عدم التكرار

كما يرجى مراجعة قواعد المنتدى

مشرف 5 ب

اقتباس:

---

المشاركة الأصلية كتبت بواسطة myself112

تسلم على المجهود , موضوع ان شاء الله هيفيج ناس كتير .
جزاك الله عنا كل خير

---

بارك الله فيك وشكرا علي هذا الاطراء :shine[1]::shine[1]::shine[1]::shine[1]:

اقتباس:

---

المشاركة الأصلية كتبت بواسطة محمود السيد

مدهش بجد ولسه هنششششششششششششششوف المصرى ..........

---

ياباشا المصري معروف بذكائه مش انا ولا بختص نفسي بالكلام
كلنها والله شعب عنده القدرة علي فعل المستحيل انظر للاهرامات
كيف بنيت في زمن كان الناس يعيشون فيه كالحيوانات و يعمهم الجهل
شكرا علي مشاركتك ومرورك الكري :worried::worried::worried::giveflowers::giveflowe rs::giveflowers:

اقتباس:

---

المشاركة الأصلية كتبت بواسطة moahmed hmaza

ياريت تعيد الشرح بجودة فيديو اعلى على الاقل 360 وكمان يكون فيه الرد على اسالة الاعضاء

---

والله انا مش شغال في هذا المجال انا حبيت اوضح تجربة ناجحة لاخوتي في المنتدي
ومش عارف لو كنت هقدر اعيد الشرح بجودة اعلي ام لا ولاكن انا تحت امر اي حد في اي سؤال واي شئ يريده و انا اقوله يعمل ايه ووعد هيكون في ردود سريعة علي الاسئلة والله بس هي بتبقي ظروف وياريت تعزروني وتسامحوني لو اطلت او اخرت عليكم الرد
" اسف علي التاخير لاني كنت مشغول ومش قادر افتح النت ويارب يكون الرد افادك "




- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى عدم التكرار

كما يرجى مراجعة قواعد المنتدى

مشرف 5 ب

اقتباس:

---

المشاركة الأصلية كتبت بواسطة joesph2010

يا باشا انا عندى سماعاتت فجاة صوتها ضعيف جدا لدرجة انا مش سمعوه خااالص ولا حتى ع الكمبيوتر هل كدة باظت ولا لية

---

* حضرتك لو بتتكلم علي سماعات فرداني زي ما انا شارح مش هتعمل غير انك تشفط الاتربة و بعدها تيجي بالكاوية وتسخن علي مكان تثبيت السلك في الفردتين وباذن الله تشتغل تمام قوي
* ولو الجلد مقطع هتعمله بديل وباذن الله هتشتغل تمام قوي
* اما بقي لو بتتكلم علي صب ووفر بتاع كومبيوتر فحضرتك الكلام دا مش هينفع
وانا لي خبرة في تصليح الالكترونيات ولو كانت بسيطه يمكن اساعدك راسلني علي
https://www.facebook.com/7asoooon
وباذن الله افيدك بالي اقدر عليه
" اسف علي التاخير في الرد لاني كنت مشغول جدا وماكنتش قادر افتح النت "



- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى عدم التكرار

كما يرجى مراجعة قواعد المنتدى

مشرف 5 ب

طب الزق الجلد ب امير ,,, ولا فى مادة تانية الزق بيها

اقتباس:

---

المشاركة الأصلية كتبت بواسطة hamisa08

طب الزق الجلد ب امير ,,, ولا فى مادة تانية الزق بيها

---

الامير عاديس ممكن تلحم بيه
او تلحم بسيليكون
او تلحم ب شمع لحام لو مش هتحطهم في شمس