حد جرب زيت التعاون sj قبل كدة

حد جرب زيت التعاون sj الازرق اصل انا العربية 1998 وماشية حوالي 400000 ففي ناس قالتلي ان الزيت دة ممتاز وللعربيات كمان من 1997 الي 2001

اقتباس:

---

ال sj يستخدم فى موديلات من سنة 97 لغايه 2001 ويتم تغيره كل 5000 كم وهو يقابل مستوى الاداء
API SJ وبدرجة لزوجه SAE 20w-50
ويقابل بنقس المواصفات ودرجة اللزوجة
موبيل سوبر mobil super 20w-50 او esso extra
شيل هيلكس helix hx3
توتال quartz 2500
مصر للبترول bob cat oil
اويل ليبيا accel plus 40
امارات power taxi
وسعره حوالى 78 للجالون 4 لتر
Eng.mah coop

---

وفي كمان التعاون الاصفر xpl sm بيتغير كل 7000 وبيقولو حسن من shell helix ultra كمان
ملحوظة انا حاطط زيت فيسكو بس بصراحة معلي صوت المكنة شوية وخاصة الكستبنات

التعاون الازرق ال SJ دة 3000 كم
التعاون الاصفر ال xpl sj دة 5000 كم
اوالاتنين كنت باستخدمهم في الدوجان 1996 موتور التمبرا وكانو تمام التمام
التعاون الاصفر ال SM نقص معايا في نفس العربية
بصراحة وعن تجربة زيوت ممتازة للسيارات القديمة وانا برشحلك الاصفر xpl sj وتغيرة على 4000 كم بس تجيبة من البنزينة

Sj دي مواصفة قليلة جدا جدا
الشل الاصفر sl
موبيل 1 وشيل هيلكس الترا اللي بيقعد 10000 مواصفته sm
نزلت حاليا مواصفات sn

ايو يا باشا بس لازم نحط في الاعتبار موديل العربية والكيلوهات اللي ماشياها يعني منعاملش عربية ماشية 60000 زي عربية ماشية 400000 اكيد الزيت هنا هيختلف عشان كدة لازم اللي بيوصف او بيشكر في نوع الزيت اللي استخدمة لازم يذكر كيلوهات العربية لان دة مهم جدا يعني عندك مثلا انا حطيت زيت فيسكو عشان ناس كثير بتشكر في هنا لاكن مع عربيتي صوتها علي والكستبنات كمان مش عارف لية

نصيحه بلاش التعاون

الزيوت دى للناس اللى ميفرقش معاها اى حاجه وعاوزه زيت يزيت الموتور وخلاص


يعنى ولا صوت موتور كويس ولا سحب ولا اداء ولو بتحرق وتجرى مش حيستحمل ولا يكمل مدته

ينفع لناس كبيره بتنقل على ٢٠٠٠ rpm

طيب اية اللي عندك لاني فعلا بحرق علي الغيار والكلام دة مع الاعتبار العربية ماشية 400000

اقتباس:

---

المشاركة الأصلية كتبت بواسطة mwanted

طيب اية اللي عندك لاني فعلا بحرق علي الغيار والكلام دة مع الاعتبار العربية ماشية 400000

---

باشا هى ماشيه ٤٠٠ الف بالمكنه دى ولا غيرت او عملت عمره للمكنه
اصل الناس بتحسب العربيه ماشيه اد ايه وهو المفروض المكنه ماشيه اد ايه وعمرت قبل كده ولالا الزيت للموتور مش للعربيه

بص عموما خليك فى الحاجات النضيفه وبلاش المصرى عشان انا اتلدعت من الزيوت كتيييييير اوى
افضل زيت جربته كان ليكومولى بس دلوقتى اتضرب وبشهاده الناس هنا فى المنتدى
دلوقتى التوب ولفر وفالفولين برضه بشهاده الناس هنا
بس ولفر مفيش منه معدنى تخليقى او نص تخليفى

انا عربيتى اكسنت وبستخدم Sj وما شاء الله عليه والعربية 100 100 ولله الحمد
وعربية والدى اوكتافيا وبغير زيت xpl sm وبيشكر فيه جامد
من الآخر انصحكم بيه

التعاون زيت زيه زى اى زيت
كلها علامات تجاريه وبيشتغلوا الناس

اقتباس:

---

باشا هى ماشيه ٤٠٠ الف بالمكنه دى ولا غيرت او عملت عمره للمكنه
اصل الناس بتحسب العربيه ماشيه اد ايه وهو المفروض المكنه ماشيه اد ايه وعمرت قبل كده ولالا الزيت للموتور مش للعربيه

---

بص انا شاري العربية لسة من 4 شهور والعداد طبعا هو اللي قاري الرقم دة لاكن المكنة باسم الله ماشاء الله في السحب والميكانيكي لما كان بيفوك الكارتيرة من تحت قالي المكنة دي اتفكت قبل كدة فاكيد اتعملها عمرة

اقتباس:

---

دلوقتى التوب ولفر

---

طيب الزيت دة بيتباع فين

اقتباس:

---

انا عربيتى اكسنت وبستخدم sj وما شاء الله عليه والعربية 100 100 ولله الحمد

---

والله في ناس كثير قالتلي كدة بس انا خايف ان الموضوع يكون دعاية لزيوت التعاون عشان يحسنو من سمعتها والمنتجات المحلية زي غيرها .... الواحد احتار

زيت‏ ‏ولفر‏‏ ‏ليه‏ ‏اعلان‏ ‏هنا‏ ‏فى‏ ‏المنتدى‏ ‏اتصل‏ ‏بيهم‏ ‏والزيت‏ ‏حيوصلك‏ ‏لحد‏ ‏البيت

حط sl أو sm
sl أمشي عليه 7000 كم
sm أمشي عليه 10000 كم
أسمع اللي بقولك عليه معظم الزيوت اللي في السوق اللي من انتاج مصر للبترول و التعاون و أي كلام تاني غير ده متصدقوش
حوار الزيت ده مش بتاع حرق و الكلام ده كله كلام 100% غلط
لو في فرق في البنزين يبقى في فرق في الزيت
و اللي معترض أستأذنه يجاوب على السؤال الأتي: زيوت التعاون أفضل ولا توتال ؟

مش توتال بتخلط زيوتها عند التعاون ؟
معلومه كنت قريتها لمهندس بترول قبل كدا

مع احترامى لجميع اﻻراء
زيوت التعاون زيوت كويسة
وعن تجربة انا بحط زيت التعاون sm فى عربيتى النوبيرا وممتاز جدا وبنزلة على 5000 كم
واعتقد المقاييس المحددة على الزيوت دى مقاييس عالمية يعنى sj sl. Sm فى جميع شركات الزيوت بتكون المواصفات متشابهة

كلامك منطقي بس اكيد في خلطات سرية لكل شركة وهنا بتكمن المنافسة بين الشركات مأعتقدش ان الموضوع دعاية وتغليف بس لكن هل الموضوع يستحق خصوصا ان الاختلافات دي من المستحيل لينا كمستخدمين اننا نلاحظها لازم تاخد عينة من كل نوعية زيت وتروح لمعامل مختصة في شركات البترول او الجامعات عشان تطلع الفروقات الجوهرية دي وكمان لازم الكلام دة يكون مطبق علي عربية واحدة يعني حالة الموتور والعوامل المناخية كمان واحدة لاكن احنا هنا كل واحد معاة عربية وحالة مختلفة في عربية ماشية 60000 وفي ماشية 300000 فصعب جدا اننا نقدر نحكم في الموضوع دة
انا راي ان كل واحد فينا يجرب ف كل ميعاد تغيير نوع زيت مختلف عن اللي قبلة بس بشرط تثبيت ميعاد التغيير في كل مرة وليكن 5000 لحد ميلاقي اختلاف ملحوظ في نوع معين وهو دة افضل نوع زيت في (العالم) بالنسبة (لعربيتة) حتي لو كان زيت تموين بتاع القلية
انا عن نفسي هعمل كلام دة ان شاء الله

اقتباس:

---

المشاركة الأصلية كتبت بواسطة blazer

مش توتال بتخلط زيوتها عند التعاون ؟
معلومه كنت قريتها لمهندس بترول قبل كدا

---

:tumb:
مش بس كده التعاون وكيل توتال في الزيوت في مصر
يعني الزيت واحد بمعنى الكلمه التعاون تصنع و تسلم في براميل و توتال تعبي في الجراكن
و الزبون فاكرها تفرق
و كذلك شركات تانيه كتير موزعه بين التعاون و مصر للبترول

اقتباس:

---

المشاركة الأصلية كتبت بواسطة mwanted

كلامك منطقي بس اكيد في خلطات سرية لكل شركة وهنا بتكمن المنافسة بين الشركات مأعتقدش ان الموضوع دعاية وتغليف بس لكن هل الموضوع يستحق خصوصا ان الاختلافات دي من المستحيل لينا كمستخدمين اننا نلاحظها لازم تاخد عينة من كل نوعية زيت وتروح لمعامل مختصة في شركات البترول او الجامعات عشان تطلع الفروقات الجوهرية دي وكمان لازم الكلام دة يكون مطبق علي عربية واحدة يعني حالة الموتور والعوامل المناخية كمان واحدة لاكن احنا هنا كل واحد معاة عربية وحالة مختلفة في عربية ماشية 60000 وفي ماشية 300000 فصعب جدا اننا نقدر نحكم في الموضوع دة
انا راي ان كل واحد فينا يجرب ف كل ميعاد تغيير نوع زيت مختلف عن اللي قبلة بس بشرط تثبيت ميعاد التغيير في كل مرة وليكن 5000 لحد ميلاقي اختلاف ملحوظ في نوع معين وهو دة افضل نوع زيت في (العالم) بالنسبة (لعربيتة) حتي لو كان زيت تموين بتاع القلية
انا عن نفسي هعمل كلام دة ان شاء الله

---

الخلطه الوحيد اللي ملهاش تاني بيحطها معهد البترول الأمريكي api و التخين ميقدرش يخالفها و ميقدرش ميكتبش على العلبه api
و لو رأيك ان لازم الحكم يكون معامل شركات بترول فانا بقولك الكلام ده بناء على تحاليل شركات بترول

تمام يبقي ماختلفناش .... بان المعايير اللي بتقاس بيها جودة الزيوت بتبقي معايير عالمية لازم تكون موجودة في كل الزيوت لكي يصرح ليها في السوق .. زي اللي مكتوب علي علب السجاير او اي سلعة يبقي كل واحد فينا يحط المعايير الخاصة بية طبقا لحالة العربية بتاعته .. وقتها يبقي هو دة افضل زيت بالنسبالة زي ماقولت والباقي (دعاية)

اقتباس:

---

المشاركة الأصلية كتبت بواسطة mwanted

تمام يبقي ماختلفناش .... بان المعايير اللي بتقاس بيها جودة الزيوت بتبقي معايير عالمية لازم تكون موجودة في كل الزيوت لكي يصرح ليها في السوق .. زي اللي مكتوب علي علب السجاير او اي سلعة يبقي كل واحد فينا يحط المعايير الخاصة بية طبقا لحالة العربية بتاعته .. وقتها يبقي هو دة افضل زيت بالنسبالة زي ماقولت والباقي (دعاية)

---

ده أكيد يعني مثلا تختار اللزوجه المناسبه للجو بتاعك و مستوى الأداء المناسب للمحرك
و لنفرض مثلا طلع API SJ 20w\50
الزيت ده بقى تحطه موبيل تحطه شل تحطه تحطه تعاون كله واااااااااااااااااااااااا حد

اللى بيقول الزيوت كلها زى بعض يبقى تقريبا حظه وحش وبيحط زيوت مضروبه اما العيب فى عربيته

احنا بنتكلم فى تجارب عمليه ومليش دعوه باللى مكتوب على الزيوت والاتفاقات العالميه والكلام ده

الازرق التمنة 65 جنية بيستخدم غالبا للتليين بعد العمرة فقط وانصحك بشل ههليكس الاصفر