اسعار قطع غيار كيا بيكانتو الجديدة 2013 من التوكيل

كنت فالتوكيل النهاردة : و دى اسعار قطع غيار البيكانتو 2013 (الشكل الجديد) من التوكيل بابو رواش و الأسعار شاملة ضريبة المبيعات :
1- الفلاتر:
فلتر زيت -------- 34 ج
فلتر بنزين ------- 270 ج
فلتر هواء -------- 72 ج
فلتر تكيف -------- 115 ج

2- اجزاء بالعفشة :
مساعد امامى -------- الواحد ب 671 ج
مساعد خلفى -------- الواحد ب 440 ج
طنابير العجل --------- الواحد ب 570 ج
تيل فرامل ----------- 525 ج

3- اجزاء بالموتور : مجبتش حاجات كتير
بوجيهات ------------ 220 ج
سير ادارة ---------- 140 ج (مش عارف هو ده الكاتينة و لا ايه )

4- اجزاء خارجية :
زجاج امامى ---------- 3400 ج
زجاج خلفى ---------- 1400 ج
فانوس امامى ------- الواحد ب 1600 ج
فانوس خلفى -------- الواحد ب 880 ج

يا رب اكون ساعدتكم ...

يا ريت لو حد يعرف اسعار من بره التوكيل و تكون للقطع الأصلية الكورى أو الغير كورى ..

جزاك الله كل خير لأن العربية ديه ما فيش عنها معلومات كتير.

ايه الاسعار دي !!!!!!
فانوس امامي ب 1600 جنيه !!!!!
فلتر بنزين ب 270 جنيه !!!!!
والمصحف مانا رادد ...

انت متأكد من الاسعار دي؟؟؟؟
زجاج امامي ب 3400 جنية؟؟؟؟؟

الزجاج سعره مبالغ فيه جدا

اقتباس:

---

المشاركة الأصلية كتبت بواسطة svneleven

جزاك الله كل خير لأن العربية ديه ما فيش عنها معلومات كتير.

---

العفو : ده حق اعضاء نايل موتورز علينا جميعا ....

اقتباس:

---

المشاركة الأصلية كتبت بواسطة bassemali

ايه الاسعار دي !!!!!!
فانوس امامي ب 1600 جنيه !!!!!
فلتر بنزين ب 270 جنيه !!!!!
والمصحف مانا رادد ...

---

ده اللى كنت عمال اتكلم فيه السنتين اللى فاتو : اسعار الكورى و قطع غياره مبقتش تفرق عن اسعار أى عربية تانية يابانى كانت او المانى .. يعنى الميزة اللى كانت فالكورى انه منتشر و قطع غياره ارخص ...

اقتباس:

---

المشاركة الأصلية كتبت بواسطة bayoumisoft

انت متأكد من الاسعار دي؟؟؟؟
زجاج امامي ب 3400 جنية؟؟؟؟؟

---

اقتباس:

---

المشاركة الأصلية كتبت بواسطة ahmed.elashy

الزجاج سعره مبالغ فيه جدا

---

متأكد طبعا : الراجل اللى بالتوكيل هو اللى جايبلى الأسعار من على موقعهم همه و كاتبها بايده فالورقة اللى كنت مديهاله .
عموما قطع الغيار الخارجية فى اى عربية غالية علشان بتيجى من بلد المنشأ .. بس لما الزجاج الأمامى بتاع البيكانتو يساوى سعر الزجاج الأمامى للسوبارو امبريزا بتوكيلها برضه : يبقى فيه حاجة مش مظبوطة .. امال السيراتو و باقى المجموعة اسعارهم ايه !!!!!!!!!!!

بس فالمجمل قطع الغيار الأخرى اسعارها منافسة خصوصا انها من التوكيل (يعنى اصلية)..

لو يابانى او المانى اعتفد حتكون ارخص

اولا شكرا جزيلا علي مجهودك ثانيا الاسعار معقوله بإستثناء الزجاج والفانوس

التيل غالي جدا....صح ؟

ينهار ابيض ايه الاسعار الغريبة دي؟

دي عربية صغيرة بتاعت مدينة واصلا رخيصة بس غالية هنا في مصر

اقتباس:

---

المشاركة الأصلية كتبت بواسطة eslamsubaru

كنت فالتوكيل النهاردة : و دى اسعار قطع غيار البيكانتو 2013 (الشكل الجديد) من التوكيل بابو رواش و الأسعار شاملة ضريبة المبيعات :
1- الفلاتر:
فلتر زيت -------- 34 ج
فلتر بنزين ------- 270 ج
فلتر هواء -------- 72 ج
فلتر تكيف -------- 115 ج

2- اجزاء بالعفشة :
مساعد امامى -------- الواحد ب 671 ج
مساعد خلفى -------- الواحد ب 440 ج
طنابير العجل --------- الواحد ب 570 ج
تيل فرامل ----------- 525 ج

3- اجزاء بالموتور : مجبتش حاجات كتير
بوجيهات ------------ 220 ج
سير ادارة ---------- 140 ج (مش عارف هو ده الكاتينة و لا ايه )

4- اجزاء خارجية :
زجاج امامى ---------- 3400 ج
زجاج خلفى ---------- 1400 ج
فانوس امامى ------- الواحد ب 1600 ج
فانوس خلفى -------- الواحد ب 880 ج

يا رب اكون ساعدتكم ...

يا ريت لو حد يعرف اسعار من بره التوكيل و تكون للقطع الأصلية الكورى أو الغير كورى ..

---

اسعار ملهاش اى علاقة بالعربية !!!!!!!!!

اقتباس:

---

المشاركة الأصلية كتبت بواسطة eng\ahmed

اسعار ملهاش اى علاقة بالعربية !!!!!!!!!

---

مش فاهم اقصدك ايه !!!!
تقصد ان الأسعار غالية ؟ و لا تقصد ان الأسعار غلط !!!
لو تقصد ان الأسعار مش صح : التوكيل هو اللى كاتب الأسعار دى بايده ليه فالورقة و انا واقف بجانب الراجل بتاع قطع الغيار بتوكيل ابو رواش و دخل على الكمبيوتر امامى و كاتبهم من عليه .. و السعر بالضريبة ..

انما لو تقصد انها غالية : فيه حاجات فعلا غالية زى الأجزاء الخارجية , بعض الأجزاء الميكانيكية . بس هى دى اسعار التوكيل و القطع الأصلية ... (حكاية ان الكورى اسعار قطع غياره رخيصة بقت حاجة قديمة و كله بقى محصل بعضه)

العربيه تستحق لان قطع الغيار معمره هيه صحيح العربيه فئه العربيات الصغيره ولكنها مصروف عليها في الخامات فتصل انها عربيه قيمه في فئاتها واخيرا كل الجديد قطع غياره عاليه

اقتباس:

---

المشاركة الأصلية كتبت بواسطة eslamsubaru

مش فاهم اقصدك ايه !!!!
تقصد ان الأسعار غالية ؟ و لا تقصد ان الأسعار غلط !!!
لو تقصد ان الأسعار مش صح : التوكيل هو اللى كاتب الأسعار دى بايده ليه فالورقة و انا واقف بجانب الراجل بتاع قطع الغيار بتوكيل ابو رواش و دخل على الكمبيوتر امامى و كاتبهم من عليه .. و السعر بالضريبة ..

انما لو تقصد انها غالية : فيه حاجات فعلا غالية زى الأجزاء الخارجية , بعض الأجزاء الميكانيكية . بس هى دى اسعار التوكيل و القطع الأصلية ... (حكاية ان الكورى اسعار قطع غياره رخيصة بقت حاجة قديمة و كله بقى محصل بعضه)

---

اقصد طبعا ان الاسعار غالية .. وغالية بالنسبة لفئة العربية
موضوع اسعار الكورى رخيصة كان زمان .. الناس هى اللى لسه ماشية على قديمة

اقتباس:

---

العربيه تستحق لان قطع الغيار معمره هيه صحيح العربيه فئه العربيات الصغيره ولكنها مصروف عليها في الخامات فتصل انها عربيه قيمه في فئاتها واخيرا كل الجديد قطع غياره عاليه

---

يكفى انى اقولك ان اسعار قطع غيار الفوكاس 2006 "واللى هى نفس الشكل لحد 2011" فى التوكيل "مع الفارق بين العربيتين طبعا" ارخص من البيكانتو

اقتباس:

---

المشاركة الأصلية كتبت بواسطة eng\ahmed

يكفى انى اقولك ان اسعار قطع غيار الفوكاس 2006 "واللى هى نفس الشكل لحد 2011" فى التوكيل "مع الفارق بين العربيتين طبعا" ارخص من البيكانتو

---

جميل جدا واوافقك تماما لكن سعر قطع غيار الفوكس الجديده كام هتلاقيها معديه دلوقتي ووقتها هتعرف ان الاسعار ده رخيصه الخلاصه وكما قولت كل الجديد سعره بقي عالي وفي النهايه كلنا بنتنهب وبعد قانون الضرائب علي العربيات هتبقي الفئات الصغيره نعمه ولسه

يعنى كلكم علقتكم على اسعار قطع الغيار بس .....طيب وسعر العربيه نفسها ؟؟!!!!!!!! مهو كتير اوى

نفس سعر تيل الميجان2 و اظن كمان الفلوينس
فانوس ميجان2 الامامي اظن ارخص
و الخلفي هو هو
و الزجاج الامامي ارخص
المساعدين اغلى

Sent from my GT-N7000 using Forum Runner

اقتباس:

---

المشاركة الأصلية كتبت بواسطة طارق _عبد السلام

يعنى كلكم علقتكم على اسعار قطع الغيار بس .....طيب وسعر العربيه نفسها ؟؟!!!!!!!! مهو كتير اوى

---

هو بغض النظر عن اسعار قطع الغيار
انهى عربية دلوقتى اللى مش غالية على سعرها ؟!!! سواء اللى فى نفس سعر البيكانتو او اللى سعرها اضعاف سعر البيكانتو !!!!

اقتباس:

---

المشاركة الأصلية كتبت بواسطة sonybony

جميل جدا واوافقك تماما لكن سعر قطع غيار الفوكس الجديده كام هتلاقيها معديه دلوقتي ووقتها هتعرف ان الاسعار ده رخيصه الخلاصه وكما قولت كل الجديد سعره بقي عالي وفي النهايه كلنا بنتنهب وبعد قانون الضرائب علي العربيات هتبقي الفئات الصغيره نعمه ولسه

---

بالراحة بس
- الفوكاس الشكل القديم اخره 2011 اللى هو بداية البيكانتو الشكل الجديد ... العربيتين مفيش بينهم اى وجه مقارنة من اى نوع وبالرغم من كده فى حاجات ارخص وبفرق كبير
كشاف الفوكاس كان فى التوكيل 650 جنية من فترة دلوقتى لو غلى اكيد مش هيوصل لأكتر من الضعف
الفانوس الخلفى 300 جنية نفس الموضوع بردة مهما غلى مش هيوصل للضعف
الزجاج الامامى كان بالمصنعية ب 1700
التيل كان زمان مش محصل 400 اعتقد دلوقتى نفس سعر البيكانتو
دى الحاجات اللى فاكرها دلوقتى ,

- لو الجديدة اسعترها حتى اغلى من البيكانتو فالجديدة سعرها +200000 وفئة مختلفة تماما واداء وكل حاجة فى صالح الفوكاس يعنى هتبقى الاسعار مبلوعة شوية فى الفوكاس
http://www.nilemotors.net/Nile/411351-2014.html

اقتباس:

---

المشاركة الأصلية كتبت بواسطة eng\ahmed

بالراحة بس
- الفوكاس الشكل القديم اخره 2011 اللى هو بداية البيكانتو الشكل الجديد ... العربيتين مفيش بينهم اى وجه مقارنة من اى نوع وبالرغم من كده فى حاجات ارخص وبفرق كبير
كشاف الفوكاس كان فى التوكيل 650 جنية من فترة دلوقتى لو غلى اكيد مش هيوصل لأكتر من الضعف
الفانوس الخلفى 300 جنية نفس الموضوع بردة مهما غلى مش هيوصل للضعف
الزجاج الامامى كان بالمصنعية ب 1700
التيل كان زمان مش محصل 400 اعتقد دلوقتى نفس سعر البيكانتو
دى الحاجات اللى فاكرها دلوقتى ,

- لو الجديدة اسعترها حتى اغلى من البيكانتو فالجديدة سعرها +200000 وفئة مختلفة تماما واداء وكل حاجة فى صالح الفوكاس يعنى هتبقى الاسعار مبلوعة شوية فى الفوكاس
http://www.nilemotors.net/nile/411351-2014.html

---

شوف يا سيدي مع اني مش مع المقارنه بين الاتنين بس هروح معاك اولا الفوكاس اوروبي وده الجمارك عليها اقل كثيرا من الاسيوي بصفه عامه وده معلومه اكيد انت عارفها وده ممكن يفسرلك ثمن قطع الغيار والدليل علي كلامي جدولك اللي نشرته وفيه اسعار الياباني الحاجه الثانيه الهاي لاين للفوكس مع فرق الامكانيات لصالحها ب ٢٤٥٠٠٠ اي ربع مليون والبيكانتو ب ١٠٠٠٠٠ بمعني ان اللي حيشتري بيكانتو نش هيكون قادر يجيب الفوكاس اساسا ومع كل ذلك اكرر اننا بنتنهب لصالح كل اللي فات بيكانتو بقي فوكاس تويوتا التوكيلات بتستغلنا وربنا يلطف

تصحيح
فانوس ميجان2 الخلفي ب760 جنيه
ارخص من فانوس البيكانتو( 880جنيه)

Sent from my GT-N7000 using Forum Runner

اقتباس:

---

المشاركة الأصلية كتبت بواسطة sonybony

شوف يا سيدي مع اني مش مع المقارنه بين الاتنين بس هروح معاك اولا الفوكاس اوروبي وده الجمارك عليها اقل كثيرا من الاسيوي بصفه عامه وده معلومه اكيد انت عارفها وده ممكن يفسرلك ثمن قطع الغيار والدليل علي كلامي جدولك اللي نشرته وفيه اسعار الياباني الحاجه الثانيه الهاي لاين للفوكس مع فرق الامكانيات لصالحها ب ٢٤٥٠٠٠ اي ربع مليون والبيكانتو ب ١٠٠٠٠٠ بمعني ان اللي حيشتري بيكانتو نش هيكون قادر يجيب الفوكاس اساسا ومع كل ذلك اكرر اننا بنتنهب لصالح كل اللي فات بيكانتو بقي فوكاس تويوتا التوكيلات بتستغلنا وربنا يلطف

---

ياباشا انا معاك اننا بنتنهب فى كل حاجة وحاليا مفيش عربية فى مصر تستاهل فلوسها من ارخص عربية لأغلى عربية
بس لما تبقى عربية بنص تمن عربية تانية وقطع غيارها قريبة منها مش هقولك زيها يبقى عبط

موضوضع الجمارك معرفش بتنطبق على العربيات بس ولا كل حاجة
الحقيقة والواقع اللى عيشينة دلوقتى ان اسعار اليابانى والكورى زادت وبقت زى الاوروبى وقطع الغيار بالتالى اسعارها زادت وبقت زى الاوروبى ان مكنش اعلى .. الناس هى اللى لسه ماشية على قديمة وللأسف السوق المصرى ماشى على هوا التجار

ايه الاسعار دي
ده صحبي ناوي علي البيكانتو !!