عرض للطباعة
الاخوة الاعزاء فى المنتدى تحية طيبة وبعد
ياريت لو حد يعرف اواتعامل مع محل صيانة محمول بيشتغل فى الجلاكسى يدينى عنوانة اوتليفونة فى القاهرة المشكلة هى شاشة الموت التى اصيب بها تليفونى ال s3 والتليفون واقف على الشاشة الافتتاحية وكاتب سامسونج جلاكسى s3 ومش راضى يشتغل واكتشفت انى العيب دة منتشر فى النوت2 وs3 وممكن يكون عيب سوفت اوممكن يحتاج تغيير بوردة كاملة ولو حد عندة فكرة تمن البوردة بتاعت الs3 كام ياريت يفيدنى وشكرا لكم
يا ريت حضرتك تدخل الجهاز داونلود مود وتقولنا ان كان البرودكت نيم سليم ولا لا
حتطفي الجهاز وتدوس زرار توطيه الصوت مع زرار الهوم مع زرار الباور
وبعدها حيطلب منك تدوس سهم تعليه الصوت علشان يدخل داونلود مود
المشكلة دى حصلت مع تاب بنتى
وديته التوكيل الرسمى لسامسونج فى السراج مول وكانو هايشتغلونى فى شاشة كاملة وسعرها كان 2000 جنيه عندهم
طبعا ماقتنعتش بالكلام ده وخدته ودخلت السراج مول ادور على حد بيفهم
ناس كتير هناك رشحولى محل فى الدور الارضى اسمه زووم
اكتشفت هناك ان المشكلة سفت وير فقط لاغير وبدلا من الفين جنيه دفعت 100 جنيه
اهم حاجة فى المكان ده ان عندهم امانة ومابيشتغلوش الزبون ومن كم الناس المتعاملين معاهم فى الشوية اللى انا وقفتهم هناك باين طبعا ان سمعتهم كويسة وانهم شاطرين فى مجالهم
تحياتى
حتى الــ 100 جنيه كتير لان السوفت وير تنزيله من اسهل ما يمكن بس طبعا الحمد لله 100 جنيه اهون من 2000اقتباس:
المشاركة الأصلية كتبت بواسطة dolly13
كل المطلوب ان الـــ download mode يكون شغال و الباقى سهل جدااقتباس:
المشاركة الأصلية كتبت بواسطة HanyAziz
حضرتك ممكن تجرب تنزل سوفت وير جديد (بنفسك) و المشكله هتحلل ان شاء الله
و انا تحت امرك و معاك خطوه بخطوه ان شاء الله
العرض او الشكل واحد في الحالتيناقتباس:
المشاركة الأصلية كتبت بواسطة dolly13
بس الغيب دا بيحصل اكتر في الاس ثري والنوت 2
لو وضع الداون لود بالمنظر ده
http://s15.postimg.org/67naibbjf/20130418_210243.jpg
حيقولوله تغيير بورده
او سوفت وير ب700 جنيه واحتمال 20 % انه يتصلح
او تغيير اي سي emmc ودا حاليا يعتبر مش موجود لتغيير وسعره بيكون مقارب لل1000 جنيه بس معرفش كام بالتحديد
--------------------------------
لو وضع الداونلود بالمنظر ده
http://www.suceavagsm.ro/poze_stiri/...9424758048.jpg
دا سوفت وير عادي ممكن تعمله في البيت لو عندك امكانيات واستعداد للمخاطره
او توديه لحد يعمله والسعر بيفرق من مكان لمكان
اقتباس:
المشاركة الأصلية كتبت بواسطة shnory
انا عندى ماكنش المنظر كدة
كان التاب يفتح على الصفحة الرئيسية لكن مفيش تاتش خالص
وانا مليش فى حكاية السوفت وير دى خالص واهو 100 ارحم بكتير من الفين
انا رشحت لصاحب الموضوع المكان ده لانى حسيت انهم مش بيشتغلونى زى التوكيل
حضرتك انا والله مقصدتش حاجه لما قلت ان الــ 100 جنيه كتير و مقصدتش ان زووم غالى انا قصدى ان معظم المحلات دى بتستغل عدم معرفة صاحب الموبايل و ان الموبايل غالى فبيطلبوا فلوس كتيراقتباس:
المشاركة الأصلية كتبت بواسطة dolly13
انا اول ما جبت الموبايل بتاعى حصل مشكله فالباور (هارد وير) و رحت الصيانه قالى من 800 لــ 1000 و الموبايل هيفضل عنده حوالى اسبوع او 2 و مكان تانى قالى 500 جنيه و هيخلص فيومين
واحد صاحبى عمله فـ 3 او 4 دقائق بالكتير
و من ساعتها قررت ان مش هروح لمكان اصلح فيه حاجه غير بعد ما احاول معاه و اشوف الحلول فالنت و لو معرفتش اروح و الحمد لله دلوقتى معظم صحابى لما بيحصل حاجه معاهم فالموبايل (سوفت وير) بيجوا و بعمله
السوفت وير المحترم معروف فى اى مكان ب 40 او 50 بالكتير
اخر مره كنت عامله كان عند الشناوى فى الرمل
الاخوة الاحباء فى المنتدى
تحية طيبة وشكرا جزيل للسادة الافاضل الاستاذ SHNORT والاستاذ dolly13 والاستاذ shiko85 والاستاذ JAGUAR شاكر تعب محبتكم فى مساعدتى لحل مشكلة التليفون انا حاولت انزلة دون لود او اعملة ريكفرى بس للاسف الجهاز مستجبش ووديتة مركز صيانة سامسونج فى محافظتى سوهاج وحاول ينزلة سوفت وير وابلغنى بان التكلفة سوفت فقط 200 جنية لان الجهاز خارج الضمان ومع ذلك وافقت مضطرا وبرضوا للاسف الجهاز لم يستجب للسوفت وابلغنى مسئول المركز انى الجهاز هيسافر القاهرة وانة احتمال كبير يحتاج تغيير بوردة ولما سئلتة عن التكلفة سعقت لما قالى 1900 جنية طاب ازى دة تمن جهاز بس واحد صاحبى قالى انى عندكم فى القاهرة فى محلات بعيد عن التوكيل ممكن تعملة باقل من كدة بكتيير وممكن الموضوع يصرف حوالى 500 جنية ومع انى المبلغ كبير جدا بس قلت بدل ميترمى كانى اشتريت تليفون وادفعلة لو رسيت على المبلغ دة واتصلح لان مفيش حل تانى والجهاز خارج الضمان لانى واخدة من واحد كان جايبة من برة
الجهاز حاليا يا استاذ شنورى واقف على الصورة رقم واحد
http://s15.postimg.org/67naibbjf/20130418_210243.jpg
ياريت تدلونى على الحل وربنا يعوض تعبكم وشاكر جدا محبتكم
الجهاز سعره جديد 2900 جنيهاقتباس:
المشاركة الأصلية كتبت بواسطة HanyAziz
قول من غير ضمان حيقل من 300 ل500 جنيه
بجانب ان الجهاز مستعمل حتي لو شغال حيكون في رينج 1400 -1800
يعن حضرتك كده بترمي فلوسك في الارض
اركن الجهاز عندك اهو ينفع قطع غيار تبيعها وقت ما حد تبعك يحتاجها او تلاقي جهاز شاشته بايظه وبوردته سليمه بسعر كويس
واشتري جهاز جديد وابعد عن سامسونج الفتره دي
اشتري htc او sony
وانسي الداتا الي عندك لانها في كل الاحوال مش حترجع
انما 2000 جنيه تصليح في جهاز يبقي كتير اوي
بجانب ان موضوع التصليح زي ما قولتلك نسبته 20% لان العيب بيكون من اي سي في الجهاز اكتر منه سوفت وير
ومش متوافر دلوقتي بشكل كبير
الاحسن تدور علي بورده ولو جت بورده قدامي او قدام حد معرفه حبلغك باذن الله
الف شكرا يا استاذ شنورى ياريت لو فى بوردة قدام حد يدلنى عليها واكون شاكر جدا لحضراتكم
وفعلا سامسونج اليومين دول بقت تقلق لانى فى مشاكل كتيير فى بعض موديلات ليها والعيب دة منتشر فى s3 و not2 ودة عيب فى الصناعة وليس استخدام دا غير حوارات الكوبى والفريست كوبى والهاى كوبى اللى ملين السوق وناس كتيير بتقع فيهم
مشوفتش العيب ده غير في الموديلين دول فعلااقتباس:
المشاركة الأصلية كتبت بواسطة HanyAziz
بنسبه كيره وبدون اي اسباب
بجانب ان بيجيلي اجهزه معمولها ابديت رسمي عن طريق الواي فاي مش اكتر ولا اقل
وتلاقيها ضربت سيريال ):
بس موضوع السيريال ليه حلول انما البرودكت ملهوش
وفيه جهاز برضه اسمه s7262 احيانا بيعمل عيوب تصنيع
اللي يشتري يجيب الحاجه بضمان احسن علشان اي عيب يرميه في وش التوكيل
فعلا استاذ SHIKO85 الفيديو دة غالبا يخص العيب اللى فى التليفون بتاعى لانى كنت هعملة كابل JIP بالمقاومتين 300 K بس لقيتة مش هينفع لانى احتمال تغيير IC (emmc هو الاحتمال الاكبر
الــ 3 لنكات فيهم حل المشكله بدون التغير (سوفت وير بس)اقتباس:
المشاركة الأصلية كتبت بواسطة hanyaziz
جرب و مش هتخسر حاجه و ربنا يكرم
الاخ الكريم shiko85 انا شاكر جدا تعبك بس انا تهت فى الترجمة عن طريق بنج اوجوجل ومقدرتش اوصل لخطوات محددة ممكن اتبعها الجهاز مازال على الشاشة الافتتاحية سامسونج جلاكسى اس 3 وعند الضغط على زر الهوم مع البور مع ناقص الصوت يفتح على الصورة الاولى اللى موضحها الاخ شنورى ولايقوم بعمل الدونلود اوالاستجابة لاى امرفلو حضرتك مشكورا تبسط الخطوات وانا ممكن اتبعها يبقى الف شكر
هو فيه حل واحد اتكرر اكتر من مرهاقتباس:
المشاركة الأصلية كتبت بواسطة HanyAziz
بس اوقات بيكون لمنع المشكله من البدايه و اوقات بيكون لحل المشكله
نزل v4.3
كل اللى هتحتاجه
ملف التحديث - برنامج odin - تكون على الداون لود مود - تعريف الموبايل على الاب
ملف التحديث حوالى 870 ميجا
http://dl.sammobile.com/PVFaQ1krLD0i...BCGND1_MBC.zip
برنامج odin حوالى 1 ميجا
https://mega.co.nz/#!UdRRyCAT!H4FyVx...uykgP2pT4rh8Ek
اخى الفاضل استاذ shiko85 انا عارف انى تعبتكم معايا بس للاسف الجهاز لم يشعر بة الكمبيوتر عند توصيلة ب usb داكمان الموضوع اتطور بانة عند توصيلة بالشاحن تظهر البطارية وداخلها دائرة صغيرة فى وضع التحميل بس مفيش شحن ولاشرط البطارية المضيئة اثناء الشحن بتشتغل هل ياترى دة برضوا بسبب البوردة وشكرا
ولا تعب ولا حاجه انا نفسى اقدر اساعدكاقتباس:
المشاركة الأصلية كتبت بواسطة hanyaziz
موضوع البطاريه موجود فيديوهات على اليوتيوب لنفس المشكله
كده مش هينفع السوفت وير و الحل تغير الجزء زى الفيديو
للاسف الحل هو تغيير الاي سي وفي حاله تواجده سعره حيكون حوالي 500 جنيهاقتباس:
المشاركة الأصلية كتبت بواسطة shiko85
غير مصنعيه تركيبه
انا كنت سمعت انه ب35 دولار فاضي وب70 دولار متبرمج
ومعرفش ان كانت اشاعه ولا حقيقه لانه فعليا لسه مش متوافر جدد
الموجود منه محدود وفي اماكن معينه ونفع او منفعش بيحاسبك عليه برضه
الاخوة الافاضل الاستاذ SHNORY والاستاذ shiko85 مش عارف اشكركم ازاى على محبتكم ورغبتم الصادقة فى حل مشكلتى انا متهيئلى انى تغيير بوردة كاملة حل اضمن من تغيير (IC ) ياريت لو فى قدامكم بورة كويسة وسعرها معقول اكون شاكر ليكم وماباليد حيلة
تاخد برأيي ؟؟؟اقتباس:
المشاركة الأصلية كتبت بواسطة HanyAziz
فكك من البورده
ماهي حتيجي اس 3 برضه وممكن تعمل عيب ال emmc في اي وقت
اخلع من الموديل ده نهائي وهاتلك ماركه تانيه
انا مبيجيلي سوني ولا اتش تي سي كتير صيانه
ودا دليل علي انهم ثابتين ومش بيبوظوا زي سامسونج
اخى الفاضل استاذ شنورى انا لو عرضتة للبيع لمحلات الصيانة ممكن اسمع كام وكان كل غرضى انى اعمل محاولة اصلاح الاول بالمبلغ اللى ممكن يكون فى حدود 500 او600 جنية دنا صدقنى لسة مفرحتش بية ومكملشى الشهر معايا واية رنج سعرة بهذة الحالة الجهاز نضيف بس بدون كرتونة ولا اكسسوارات سوى شاحن مش اصلى
أخى الفاضل فيه مركز صيانة اتعاملت معاه فى شارع عبد العزيز فى العمارة اللى جنب توكيل سامسونج مباشرة
اسمه حمدى سامسونج عنده شاشات وبوردات وقطع غيار كتيرة ومش بيشتغل غير فى السامسونج بس
لو عاوز تليفون واحد هناك تسأله على حاجة تحت أمرك
وبالتوفيق
اخى الفاضل استاذ alrabeh بعد التحية والاحترام
اكون شاكر جدا لو اديتنى تليفونهم اسئلهم سعر البوردة بكام لوسعرها مناسب انا ممكن اخلى اى حدنازل القاهرة يجبهالى ومتهيالى اى حد كويس بتاع صيانة ممكن يركبها وياخد تعبة ولك جزيل الشكر
رقم التليفون 01007075805
وبالتوفيق
شكرا جزيلا اخى الكريم alrabeh تعبتك معايا هتتصل بيهم وان شاء الله خير
لا شكر على واجب وابقى طمنا وان شاء الله خير
الاخ الكريم alrabeh شكرا جدا على تعبك معايا الرقم بيرن بس للاسف محدش بيرد وانا حاولت اكتر من مرة عموما فى عرض من واحد من اللى بيشتغلوا فى الصيانة انة ياخدوة وانا وافقت شكرا لحضرتك ولكل الاخوة بالمنتدى على تعبكم معايا ومحبتكم الغالية
ممكن تكون اتصلت الفترة الصباحية
حاول تتصل من بعد الساعة 6
عملت ايه في الموبايل ؟ , انا عندي نفس المشكله بالظبطت وجربت انزل سوفتوير منفعش