حادث على الدائرى اليوم ....واهمية حزام الامان

**almohaor** · 01-05-2014 09:53 PM

ركبت من موقف المنيب اليوم متجها للسويس
وفوجئنا بحادث على الدائرى عند مبنى غبور

سيارة فان امريكى مصفحة وكمان فيها ديفندر معدنى
خبط سيارة ملاكى من الخلف

سائق الملاكى سايح فى دمه ونزلوه خارج السيارة فاقد الوعى

وسائق الفان نازل سليم ولا خدش واحد وزى القرد عمال يزعق زى البلطجى ويبرطم
ويرمى المسؤلية على سائق الملاكى الغلبان انه قفل عليه
من باب خدوهم بالصوت ليغلوبوكم

طب ماتسوق على مهلك يابنى ادم والا انت راكب صاروخ

واضح من الاصابة ان سائق الملاكى( لم يكن يربط حزام الامان)

لازم يااخوانا الا نستهين ولا نربط حزام الامان وبخاصة على الطرق السريعه

والا نتعدى السرعة المحددة وكمان يكون هناك فاصل كاف بين السيارة واللى قدامها احتسابا للمفاجأت واعتقد هناك نسبة وتناسب بين سرعة السيارة والفاصل بينها والسيارة التى امامها

بصراحة معظم سواقين النقل والاجرة كلهم ذبالة وحشاشين
واخدين المسألة فتونة واستعراض عضلات
وسلمى لى على المرور اللى كل همه نصب كمائن للرادار وبس
دون فحص الرخص والحمولات الزائدة او تغطيتها اوتعاطى الحشيش والمسكرات او الالتزام بالسير على الجانب اليمين من الطريق لسيارات النقل الثقيل

حفظنا الله ووقانا واياكم من كل شر

**drcobra** · 02-05-2014 04:02 PM

ربنا يسترها
والله البلد دى ماشية بالبركة

**S O P H O S** · 02-05-2014 05:06 PM

كلامك سليم
بس للاسف كتير مبيعملش الي عليه
وبيمشي عادي نفسنا نحاول نعود نفسنا علي حزام الامان
وعلي ادبيات الطريق علشنا وعلشان غيرنا

**hilal** · 02-05-2014 06:49 PM

اسمح لي بتعليق بسيط
ما هي أهمية حزام الامان في هذا الحادث؟
سيادتك بتقول ان الخبطة كانت من الخلف ، والمفروض رد فعل الصدمة أن يرجع الجسم للخلف وليس للأمام

**Trondo** · 03-05-2014 07:57 AM

للاسف سواقين النقل معظمهم سواقتهم وحشه جدا جدا و بطلوا يلتزموا بالحاره اليمين
و بيدلعوا يمين و شمال و ناقص كمان ياخد غرز

المفروض المرور يطلع بوليس خاص للطرق السريعه بس
ميعملش حاجه غير رايح جاى يمسك اللى عامل مخالفه

لو الكلام دا اتطبق تانى يوم هتلاقى الطرق السريعه زى الفل

وهيوفرلهم سيوله مروريه و هيقلل الحواداث جدااااا