واخـــيرا جبت نوبيرا 2008 من المصرية

**Sameh** · 16-10-2008 10:53 AM

المشاركة الأصلية كتبت بواسطة ahmed21015

المهم العربية زى الفل بس فى حاجة غريبة جدا ان صوت الشكمان مش تمام قالولى كل النوبيرا كدة عشان علبة الشكمان مصرى وقلولى هتلاقى الانوس كدة والفيرنا كدة فحد يطمنى ياريت

بص يا باشا ، أنا جبتها قريب برضه ، 2008 وكحلى ! وعندى نفس الصوت اللى عندك

المهم أول مرة فى ال 1000 قلتلهم عليه قاللى عشان الموتور 2 كامة وصوته عالى ، المهم غيرت زيت الفابريقة ومشيت شوية ماراحش الصوت
فى صيانة ال 10 قلتلهم الصوت جاى من تحت وشوفوا الشكمان ، رفعوا وبصوا وقالوا فى صوت غريب جاى من علبة الكاتاليزر (علبة البيئة) ، المهم مهندس الصيانة بتاع المعادى (م / محمد) بعت فاكس للمصنع طلب منهم علبة جديدة

المصنع رد عليه وقالوا هيبعتوا واحد يكشف الأول ! ولو طلع الكتاليزر هيغيروه على طول

أنا رايحلهم الأحد القادم ده عشان ميعاد الفحص ، وإن شاء الله أقولك إيه الأخبار

**Sameh** · 16-10-2008 11:08 AM

المشاركة الأصلية كتبت بواسطة شاهين - بنز

مانصحكش بموضوع الفرش ده نهائيا لإنه حيبوظ منظر العربية من جوه خالص وحيخلي الداخلية مبهدلة جدا وحتحس إنك راكب عربية بقالها 10 سنين
والفرش الأصلي لو إتحافظ عليه صدقني من مجرب حيقعد على الأقل 10 سنين بحالته الأصلية تماما
وألف مبروك على العربية

حسب الفرش يا أستاذ شاهين ، أنا معاك إن فيه فرش كتير أى كلام ، أنا جبتلها فرش جلد على قماش شكله أفضل من الفابريقة ، وبعدين لما تزهق منه إرميه ! يعنى يشتغل معاك سنة ونص مثلاً يعمل بتمنه بعدين اقلبه وارجع للفابريقة أو هات شكل تانى