حسبى الله ونعم الوكيل فيك يا غبور

**Mico_Mico** · 04-05-2014 09:57 AM

المشاركة الأصلية كتبت بواسطة ahmedcar

باشا ممكن تقولى بس مين اللى قالك كده فى غبور لانه لازم بتعاقب لان مافيش الكلام ده نهاءى

ألمهندس اسامة هلال فى معرض التوكيل فى اسيوط بجوار جاد - اعمل نفسك زبون واسألو عن الصيانة الدورية هيقولك كل 5000 - قولو لو مش بعمل كيلومترات كتير لازم اجى كل فترة معينة وايه اللى بيحصل فالصيانة لو العربية عاملة 100 200 كيلو - ايه اللى المفروض يتغير فيها عالكيلومترات دى ؟! وشوف هيقولك ايه

**mummy_47** · 04-05-2014 10:07 AM

قصدي بدل اي سيارة لاي حد بسيارة جديدة نتيجة عيب صناعة

**atala** · 04-05-2014 10:19 AM

علي فكرة نظام 60000 كم او 3 سنين ايهما اقرب الشركات الدولية هي الي حطاه مش الوكيل بس كل شركةبتنزل عربية بتحط لها ضمان عدد كليومترات محدد وما يقابله بالسنين مثلا تويوتا 100000 كم او 5 سنين ايهما اقرب معظم الكوري 60000 كم او 3 سنين ايهما اقرب الفرق في التعامل بين التوكيلات بره مصر وجوه مصر ان جوه مصر بياخد منك فلوس علي الصيانة ( اجور يد ) بره مصر مفيش الكلام ده وبرده جو مصر بيحب يوفر للشركة ويلبس العميل في قطع الغيار بره مصر لو قطع الغيار علي الضمان بيبدلهالك فورا وطبعا فرق التعامل مع العميل واكثر من كده حاجات كتير بلاش نقولها علشان الواحد مرارته اتفقعت

**Mico_Mico** · 04-05-2014 01:34 PM

دلوقتى كلام الاعضاء اللى اتفضلو بالمشاركة فالموضوع وكلام منسق قسم هيونداى بيقولو ان ده خطأ فردى من موظف التوكيل اللى بيألف معلومات من عنده - انا مستنى يوصلنى ميل من هيونداى او يتصلو بيا عشان ابقى متأكد مية فالمية
لو ده حصل واتأكدت --- فى طريقة اشيل بيها الموضوع ده عشان مبقاش نقلت معلومة غلط لاى حد عاوز يشترى هيونداى؟

**drcobra** · 04-05-2014 06:28 PM

يا باشا كل توكيل وله فلاسفتة
يعنى كل توكيل بيفكر ويتصرف مع نفسة مفيش حاجة ثابتة
يعنى انا مثلا ولا مرة اخدت دفتر الصيانة معايا
العربية عاملة 87000 الفكيلو
يعنى من صيانة الالف حتى 85000 ولا اى اندهاش
وفى مرة معملتش صيانة منهم محدش اتكلم
روح وادفع تمن اى صيانة ولو اتكلموا سيبهم وروح فرع تانى
كل فرع لية تارجت فلوس لازم يوصله والا .....

**Mico_Mico** · 04-05-2014 07:52 PM

مفيش غير توكيل واحد فى اسيوط ومعنديش استعداد اسافر بالعربية محافظة تانية عشان اعمل صيانة - لو الشركة مهتمتش انها ترد عالميل اللى بعتهولها يبقى ابو دى عربية واللوجان بتنادينى - لان ده معناه اى عيب فنى بعد الاستلام ولا حد هيعبرنى

**Omar Mahmoud** · 04-05-2014 08:16 PM

المشاركة الأصلية كتبت بواسطة mico_mico

مفيش غير توكيل واحد فى اسيوط ومعنديش استعداد اسافر بالعربية محافظة تانية عشان اعمل صيانة - لو الشركة مهتمتش انها ترد عالميل اللى بعتهولها يبقى ابو دى عربية واللوجان بتنادينى - لان ده معناه اى عيب فنى بعد الاستلام ولا حد هيعبرنى

انا مش بحب اللوجان اوي بصراحة بس لو هتجيب اللوجان الشكل الجديد تبقي احسن 1000 مرة خاصة لو هتجيب اعلي فئة و كفاية عوامل الامان

**Mico_Mico** · 04-05-2014 08:24 PM

المشاركة الأصلية كتبت بواسطة omar elgezeiry

انا مش بحب اللوجان اوي بصراحة بس لو هتجيب اللوجان الشكل الجديد تبقي احسن 1000 مرة خاصة لو هتجيب اعلي فئة و كفاية عوامل الامان

اقل فئة فاللوجان برقبة اعلى فيرنا - المشكلة بس ان ملهاش قطع غيار ولا صنايعية يفهمو فيها عندى - ف هيبقى عقد جواز شرعى مدى الحياة مع التوكيل بتاعها - عمرى ماهقدر استغنى عنه
مميزات اللوجان : اوسع مرة ونص فالصالون والشنطة
صاج اقوى
ثبات اعلى
اوبشنز بالعبيط وفخامة وشكل احسن
قعدة مريحة مش زى كرسى العفى اللى بقعد عليه فالفيرنا
تانك بنزين اكبر مبقاش مرعوب وانا مسافر بيها ان البنزين ميقديش

**Omar Mahmoud** · 04-05-2014 08:27 PM

المشاركة الأصلية كتبت بواسطة mico_mico

اقل فئة فاللوجان برقبة اعلى فيرنا - المشكلة بس ان ملهاش قطع غيار ولا صنايعية يفهمو فيها عندى - ف هيبقى عقد جواز شرعى مدى الحياة مع التوكيل بتاعها - عمرى ماهقدر استغنى عنه
مميزات اللوجان : اوسع مرة ونص فالصالون والشنطة
صاج اقوى
ثبات اعلى
اوبشنز بالعبيط وفخامة وشكل احسن
قعدة مريحة مش زى كرسى العفى اللى بقعد عليه فالفيرنا
تانك بنزين اكبر مبقاش مرعوب وانا مسافر بيها ان البنزين ميقديش

علي الاقل توكيل رينو مشهور بسمعته الكويسة

**Mico_Mico** · 04-05-2014 08:35 PM

المشاركة الأصلية كتبت بواسطة omar elgezeiry

علي الاقل توكيل رينو مشهور بسمعته الكويسة

اكيد -هو المشكلة ان حتى الحاجات العبيطة زى الفوانيس مش هعرف اجيبها مضروب - لازم اصلى مالتوكيل بالضريبة - عموما انا لسه فى مرحلة التفكير عشان كده كده البيت مش هيجيب قبل الانتخابات وربنا يهيا اللى فيه الخير