حسبى الله ونعم الوكيل فيك يا غبور

**Mico_Mico** · 01-05-2014 10:24 PM

يا جماعة النهاردة عملت موضوع سالت فيه عن الفترة الزمنية اللى بعد اخر صيانة اللى لو عديتها العربية تطلع من الضمان - وانتو رديتو عليا معرفش على اى اساس ان الضمان متوقف على الصيانة بالكيلومترات بس ( كل 5000 كيلو ) ملوش دعوة بالفترة الزمنية بين كل صيانة والتانية
لسه جى حالا مالتوكيل قاللى بمنتهى الوضوح انه ملوش دعوة بالكيلومترات اللى عملتها العربية ولازم اروح كل 6 شهور حتى لو العربية عاملة بس 100 كيلو اغير كل انواع الزيوت فالعربية ( موتور + باور + فرامل ) و كمان مية الراديتير !!!!!!!!!!!!!!!!!!!!!
انا استخدامى للعربية خفيف يعنى فال 6 شهور دول هكون عملت الف - الف ونص بالكتير يعنى مقداميش غير انى ادفع دم قلبى فالصيانة من غير لزمة او استنى اول 6 شهور لو مفيش فالعربية عيوب فنية انفض للصيانة وابقى طلعت عربيتى مالضمان
او الحل التالت اشوف رينو بتعمل نفس قلة الادب دى فى اللوجان ولا غبور بس اللى بيستهبل
بجد عاوز اشتم بس مش عاوز اتوقف من ادارة المنتدى - ربنا ياخدك يا غبور حد يقول آمين معايا

**MohammedAladel** · 01-05-2014 10:44 PM

ربنا ينتقم من الظالم

**atala** · 01-05-2014 10:47 PM

امال لو شفت التوكيلات التانية لازم تروح كل 5000 كم او كل 3 شهور ايهما اقرب والضمان معاك بيبقي 3 سنين او 60000كم ايهما اقرب او يكون 5 سنين او 100000كم ايهما اقرب

**eng wael** · 01-05-2014 10:49 PM

ياباشا مع الاسف هيا دى سبوبه ما بعد البيع
ومضطر تستحمل لحد ما تخلص فترة الضمان
وانا من راى على حسب العربيه لو عربيتك تقدر تتابعها وتعرف ميكانيكى كويس سيبك منهم

**Mico_Mico** · 01-05-2014 10:50 PM

المشاركة الأصلية كتبت بواسطة atala

امال لو شفت التوكيلات التانية لازم تروح كل 5000 كم او كل 3 شهور ايهما اقرب والضمان معاك بيبقي 3 سنين او 60000كم ايهما اقرب او يكون 5 سنين او 100000كم ايهما اقرب

انهى توكيل تحديد اللى بيفرض عليك كل 3 شهور عشان مروحوش؟؟؟
والضمان اصلا كل 3 سنين او 100 الف فى معظم العربيات - ايه المشكلة لما يبقى 5 سنين او 100 الف مش فاهمك فالنقطة دى ؟!؟!؟!؟!؟

**Omar Mahmoud** · 01-05-2014 11:41 PM

المشاركة الأصلية كتبت بواسطة mico_mico

انهى توكيل تحديد اللى بيفرض عليك كل 3 شهور عشان مروحوش؟؟؟
والضمان اصلا كل 3 سنين او 100 الف فى معظم العربيات - ايه المشكلة لما يبقى 5 سنين او 100 الف مش فاهمك فالنقطة دى ؟!؟!؟!؟!؟

علي حسب ما فهمت من حكاية 5 سنين او 100 الف ان كدة انت مضطر تروح للتوكيل لمدة الخمس سنين عشان الضمان

**Mico_Mico** · 01-05-2014 11:45 PM

المشاركة الأصلية كتبت بواسطة omar elgezeiry

علي حسب ما فهمت من حكاية 5 سنين او 100 الف ان كدة انت مضطر تروح للتوكيل لمدة الخمس سنين عشان الضمان

لا يا باشا ضمان الفيرنا بس 3 سنين - باقى الهيونداى 5 وغالبا والله اعلم لو هجيب العربية دى هنفض للضمان - هستنى بس ال 6 شهور وربنا يستر وميطلعليش خوازيق فيها بعد مطلعها مالضمان