الموضوع: قصه لقائى باحد اليابانيين,,, احنا فعلا معندناش اخلاق

المشاركة الأصلية كتبت بواسطة samaty

قال رسول الله صلى الله عليه وسلم :
"أنا زعيم ببيت في ربض الجنة لمن ترك المراء ولو كان محقا"
المراء أي الجدال
قال الله تعالى :
" وإذا سمعوا اللغو اعرضوا عنه وقالوا لنا أعمالنا ولكم أعمالكم سلام عليكم"
"وعباد الرحمن الذين يمشون على الأرض هونا وإذا خاطبهم الجاهلون قالوا سلاما"
----------------------------------------------------
أجمع العلماء على أن حد الردة لا يطبق بمجرد خروج الشخص من الاسلام
وإنما يجب أولا النظر في أسباب إرتداده
وإن كان لديه شبهة أزيلت ثم يستتاب بعد إقامة الحجة عليه ثم يقتل إن استمر معاندا مكابرا
أما إذا لم يستطع احد الرد على الشبهة فلا يمس المرتد
كما حدث في عهد المأمون في فتنة السمنيين حيث مكثوا ثلاثة أشهر لما لم يستطع العلماء الرد على شبههم
وتركوا بمقالتهم التي تنكر قدرة الله تعالى إلى أن قيض الله أحد علماء المعتزلة الذي فند شبهتهم واقام عليهم الحجة

احييى حضرتك على المشاركة ديه

يا جماعة يعنى الراجل كان كلامه واضح ازاى الزوج المصرى بهدل الست معاه و احنا منعرفش ايه الظروف اللى حصلت و اجبرت الست ديه على التخلى عن الاسلام .. طبعا انا عايز بس تفكروا كده و تشوفوا احنا بنعانى قد ايه فى المجتمع المصرى و فى الشارع من حاجات كتير اوى و احنا اهو مصريين يعنى احنا معندناش مشكلة فى اللغة و لا التعامل و لا عشنا قبل كده فى مجتمع تانى عشان نقارن .. اهى ديه بقى كانت عايشة فى مجتمع من اعلى المجتمعات فكريا و اخلاقيا فى العالم و جت مصر طبعا اللغة ضعيفة و طبعا مش محتاج اتكلم عن حال الشارع المصرى دلوقتى و كمان زوجها اللى مفروض الملجأ الوحيد ليها فى مصر بيعاملها وحش .. طيب قولى ازاى انسان هيستحمل كل ده و فى الاخر نطالب بحد الردة عليها .. نشوف الاول اخلاق بعض المسلمين ( اللى للاسف بيصدروا صورة سيئة جدا عن الاسلام ) اللى وصلوا الست للمرحلة ديه

المشاركة الأصلية كتبت بواسطة محمد مجدى

انا عندى مشكلة قريبة من مشكلة الاستاذ صاحب البوست ؛ اتعرفت على واحدة امريكية فى مصر فى شرم الشيخ عن طريق الفيس بوك ؛ الست عايشة فى شرم الشيخ بقالها 5 سنين وكارهه شرم الشيخ لدرجة انها بتقول عليها sharm el shit ؛ هى مهندسة ولفت العالم كله بما فيهم افغانستان وباكستان وقالتلى اللى بيحصل هنا محصليش قبل كده ابدا ؛ حكتلى انها كانت متجوزة مصرى وطلع عينها ده غير اصحابها الانجليز والمجرين اللى اتجوزوا مصرين وطلع عينهم ؛ حكتلى انها مش مسلمة بس بتضطر انها تلبس الحجاب لانها فى يوم وهى رايحة تشترى اكلها قابلت واحد قالها تعالى نعمل سكس ! ولما قالتله انها مش مسلمة اعتذر لها وقالها i am sorry sister ! هى بتسألنى هو المفروض اكون مسلمة علشان محدش يتحرش بيا ؟ حاولت طبعا افهمها انه متخلف ؛ ده غير انها بتقول انها اشترت شقتها هناك باكتر من سعرها لانه اتضحك عليها وكل حد بتقابله بيحاول يستغلها ؛ طبعا انا بحاول اقولها ان مش كل المصريين كده و اننا كمسلمين كويسين ودعتها انها تيجى اسكندرية وتشوف اهلى واحاول ازيل الفكرة الوحشة دى من دماغها ؛ احنا فعلا محتاجين نتغير كتير اوى

ياااه للاسف البوست ده زعلنى جدا على الحال بتاعنا .. يعنى الناس وصلت بيها عدم الاخلاق للدرجة ديه .. و هل هو مش خايف من عقاب ربنا و من كبيرة الزنا و كل اللى همه هى مسلمة ولا لا .. يعنى لو مش مسلمة عادى !!! .. انا مش فاهم بصراحة يعنى هو بيضحك على مين بالضبط !! و والله كويس اوى انه اعتذرلها لما قالتله انها مسلمة .. اقولك بقى حاجة بصراحة هى اللى غلطانة فيه حد يسيب امريكا و يجى يعيش فى مصر

للاسف الناس ديه بتدمر سمعة الاسلام و المصريين فى الخارج ده طبعا بجانب الحملات الشرسة من جهات كتير برة على الاسلام .. يعنى شوف الست ديه هتقول لأهلها و اصحابها فى امريكا عن المواقف اللى حصلت ليها و طبعا الناس ديه هتكره الاسلام من غير حتى ما تعرف عنه حاجة