سخونية وصوت عالى من جيتز اوتو 2008

**tofy0123** · 02-05-2014 05:02 AM

السلام عليكم
انا كان معايا جيتز منوال بعتها وجبت جيز اتوماتيك 2008
بس فى حاجه لاحظتها وعاوز افاده من حضراتكم
1 - السياره بتسخن اكتر من المنوال يعنى مثلا السياره بتوصل لدرجة حراره 90 فى 5 دقائق وهيا واقفه وبارده اما السياره المنوال كانت عشان توصل لدرجة حراره 90 درجه بتحتاج 10 دقائق وهيا بارده برضوا علما بان السيارتين فيهم ترموستات
2 - الفتيس الاتوماتيك ه على ال d او r بيكون صوته عالى (وش وش وش ) علما بان السياره مغيرتش زيت فتيس من 2008 وهيا عامله 30 الف الان
ارجوا الرد سريعا من فضلكم وشكرااااااااا

تم تعديل عنوان الموضوع ليناسب محتواة .

**MEMODINA1** · 02-05-2014 05:50 AM

من 2008 مغيرتش زيت فتيس ..يعنى 6 سنوات .. حضرتك كدا غلط جدا عارف انى الزيت بيتغير كل 40 الف بس حضرتك متخيل الفلتر بتاع الزيت والزيت نفسة بعد 6 سنوات عامل ازاى .. كل حاجة وليها وقت او كيلو معين يعنى مثلا زيت الماتور مثلا زيت 5000 .. يااما تمشى 5000 وتغييرة او يعدى على الزيت 6 شهور بمعنى لو انت حطيت الزيت ومعملتش ولا كيلو بية .. بعد 6 شهور لازم تغيرة .. نصيحتى غير الزيت فورا والفلتر كمان وقولنا اية الاخبار .
بالنسبة لسخونة الماتور اعتقد انى المالك الاول طالما مغيرش الزيت يبقى مش هيغير مية الرداتير ودى لازم تتغير كل سنة او 40 الف .. وبرضة اعمل للعربية طقم سرفيس وغير السيور لانها اكيد شققت وتوكل على الله عشان العربية متخسرهاش .. كفاك الله شر الطريق وشر المفاجاة .. تحياتى

**moe gawad** · 05-05-2014 02:10 AM

يافندم حضرتك محتاج تغسر زيت و فلتر فتيس مع غسيل الكارتيره و الفالف بودى باسرع وقت ممكن.
وكمان لازم تغير كاتينه وسيور خارحيه مع عمل صيانه كامله وتغيير دورة المياه.
الحد الاقصى للسيور هو 60 الف كم او ثلاث سنوات
الحد الاقصى لزيت الفتيس هى 80 الف كم او اربع سنوات
الحد الاقصى لدورة التبريد الاولى بالسياره هو 40 الف كم او سنتين. وبعد تغيرها يتم تغيير دورة المياه ببداية كل صيف