لا تعليق وذهوووووووول !!

**OlaOsman** · 09-10-2008 07:34 AM

انا مش شايفة ان ده دليل على الحضارة.. مين اللي قال ان الحضارة شوية أبراج و ناطحات سحاب؟ ماهي كلها تكنولوجيا مستوردة.. فين اللي عمله أهل الإمارات بإيديهم؟ فين صناعتهم و إختراعاتهم؟ فين وسائل التعليم اللي بتزرع في الأطفال الشغل بإيدهم و انهم يتعبوا عشان يحصلوا على الحاجة؟ هي دي الحاجات اللي بتصنع الحضارة، مش شوية بناءات أقامتها دولارات.

**MohabSaeed** · 09-10-2008 12:37 PM

المشاركة الأصلية كتبت بواسطة badblood

معلش بجد الواحد مش عارف ماله النهاردة اسمع الموقع
http://www.burjdubaiskyscraper.com/
وشوفوا الناس بتصرف فلوسها في ايه؟
واحنا لسه بنفتح منزل كوبري 6 اكتوبر
واحتفلات السيد المحافظ بوصول الحفارة نفرتيتي عشان خط المترو
صعبانة عليه حالك يا مصر

لو سمحت سيب الحفاره نفرتيتى فى حالها زمانها دلوقتى حت العباسيه بتكح تراب .

**MohabSaeed** · 09-10-2008 01:04 PM

المشاركة الأصلية كتبت بواسطة OlaOsman

انا مش شايفة ان ده دليل على الحضارة.. مين اللي قال ان الحضارة شوية أبراج و ناطحات سحاب؟ ماهي كلها تكنولوجيا مستوردة.. فين اللي عمله أهل الإمارات بإيديهم؟ فين صناعتهم و إختراعاتهم؟ فين وسائل التعليم اللي بتزرع في الأطفال الشغل بإيدهم و انهم يتعبوا عشان يحصلوا على الحاجة؟ هي دي الحاجات اللي بتصنع الحضارة، مش شوية بناءات أقامتها دولارات.

الابراج و ناطحات السحاب و المنشئات السياحيه اكيد طبعا مش دليل على الحضاره , بس دليل على التحضر

يعنى احنا بلد الحضاره .. عندنا عشش بيقع عليها جبل و محدش بيعرف ينقذهم بسرعه علاشان مافيش طريق للمعدات انها تدخل .

احنا بلد الحضاره لما حضرتك تمشى فى اى مكان فى القاهرة ماتلاقيش اى نوع من التناسق المعمارى او الف

نشوف الفن المعمارى فين فى وسط البلد و مصر الجديده " الى صممها مهندسين اجانب "

دلوقتى لو مشيت فى اى مكان حتى المدن الجديده بلاقى عشوئيات مش مبانى و عمارات .

ياريت احنا بس نخطط و نجيب حد من بره ينفذ و القاهره تبقى فعلا مدينه حضاريه سياحيه .... مش عشوائيه

و حتى لما بنيجى نخطط و ننفذ مدن و مبانى فيها فن معمارى و نظام , بنهاجمها و نقول مين المجنون الى يشترى شقه ب 600 الف جنيه فى الصحراء . !

و لو اتكلمنا على التعليم و الصحه و الصناعه و الاختراعات " فحدث ولا حرج " .

انا عندى اعيش فى مكان زى دبى اهله كانو لغايه 30 سنه فاتت بيرعو الغنم , على انى اعيش فى مصرالى ليها اقدم حضاره فى العالم ,بوضعها الحالى .

كفايه ان شركه زى " موانى دبى " فازت بعقد تشغيل ميناء فى الولايات المتحده .... ده دليل على ايه ؟

محدش يقول ان " الفلوس بس " هى الى حولت الامارات لكده . لا الكلام ده غلط

لان السعوديه مثلا اكبر منتج للبترول فى العالم مش زى الامارات لا فى التحضر ولا فى السياحه ولا الاقتصاد و الصناعه . كلنا شايفين شركات البناء فى الامارات عامله ازاى ... اعمار و تعمير و غيرها و غيرها .

الموضوع موضوع قائد بيقود بلد و بيفكر و بيخطط و الاهم انه بينفذ .

**Karim_Monir** · 09-10-2008 01:15 PM

المشاركة الأصلية كتبت بواسطة OlaOsman

انا مش شايفة ان ده دليل على الحضارة.. مين اللي قال ان الحضارة شوية أبراج و ناطحات سحاب؟ ماهي كلها تكنولوجيا مستوردة.. فين اللي عمله أهل الإمارات بإيديهم؟ فين صناعتهم و إختراعاتهم؟ فين وسائل التعليم اللي بتزرع في الأطفال الشغل بإيدهم و انهم يتعبوا عشان يحصلوا على الحاجة؟ هي دي الحاجات اللي بتصنع الحضارة، مش شوية بناءات أقامتها دولارات.

فعلا
الفرق بين الرجل الحضاري والرجل المتحضر
ان الرجل الخضاري هو من صنع الحضارة (صمم السيارة وصنعها - صمم البناء واقامه) واستطاع بما صنعه ان يصدرة لاصحاب المال ليستهلكوة ويستفيد هو بالمال لتصميم غيرة وصنعه
الرجل المتحضر الذي جاءة مال من حيث لم يتعب واشترى به ادوات الحضارة الذي صنعها الرجل الحضار باصبح ياخذ باسباب الحضارة فاطلق عليه لقب (متحضر)

واحنا كمصريين ورثنا منشأت قوم صنعو حضارة لكن لم نصنعها

**Dream286** · 09-10-2008 02:18 PM

هههههههههههه

علي كدة برج القاهرة يعتبر صاري علم ممتاز بالنسبة ليه :d

**wawoo** · 09-10-2008 03:49 PM

المشاركة الأصلية كتبت بواسطة د-احمد عبد اللطيف

تقول بسم الله الرحمن الرحيم * أَلَمْ تَرَ كَيْفَ فَعَلَ رَبُّكَ بِعَادٍ *إِرَمَ ذَاتِ الْعِمَادِ* الَّتِي لَمْ يُخْلَقْ مِثْلُهَا فِي الْبِلادِ* * صدق الله العظيم

صدق الله العظيم ,
هو اية الفكرة اساسا من بناء ناطحات سحاب فى الصحراء , يعنى هل من قلة الاراضى الصحراوية
دة الدول الاوروبية بطلت تبنى ناطحات سحاب من سنين , بالرغم ان اسعار الارضى اغلى بكثير فى اوروبا .

و المانيا نفسها اللى هى يتبنى هذة الاناطحات فى دبى, بتسخر فى دخلها من اصحاب هذة الابراج ,و دة فى برنامج كنت شوفتة فى قناة المانية .
و بيتسائلو عن سبب البناء بهذة الطريقة المكلفة جدا فى الصحراء ,
و قد كان من الممكن بناء مدينة كاملة بنصف ثمن هذة الابراج .
والعجيب بقة ان ممكن جدا فعلا ميقدروش يكملو هذة الابراج من موجة الكساد العقارى القادمة

لكن هوة اكيد انها من علامات الساعة , التطاول فى البنيان من علمات الساعة الصغرى .

**Nour_Peugeot** · 09-10-2008 04:18 PM

No Comment.................................

**islamnabil** · 09-10-2008 04:29 PM

المشاركة الأصلية كتبت بواسطة wawoo

صدق الله العظيم ,
هو اية الفكرة اساسا من بناء ناطحات سحاب فى الصحراء , يعنى هل من قلة الاراضى الصحراوية
دة الدول الاوروبية بطلت تبنى ناطحات سحاب من سنين , بالرغم ان اسعار الارضى اغلى بكثير فى اوروبا .

و المانيا نفسها اللى هى يتبنى هذة الاناطحات فى دبى, بتسخر فى دخلها من اصحاب هذة الابراج ,و دة فى برنامج كنت شوفتة فى قناة المانية .
و بيتسائلو عن سبب البناء بهذة الطريقة المكلفة جدا فى الصحراء ,
و قد كان من الممكن بناء مدينة كاملة بنصف ثمن هذة الابراج .
والعجيب بقة ان ممكن جدا فعلا ميقدروش يكملو هذة الابراج من موجة الكساد العقارى القادمة

لكن هوة اكيد انها من علامات الساعة , التطاول فى البنيان من علمات الساعة الصغرى .

فعلا انا بستغرب جدا
افتحو جوجل ايرث و شوفوا
حتلاقي الكلام ده كله على نسبة 1% من مساحات الصحراء
فتلاقي التوسع الارأسي كبير جدا و مافيش توسع افقي خالص

وفعلا ربنا يستر على دبي الايام اللي جاية

**blazer** · 09-10-2008 04:50 PM

احنا علطول مش عاجبنا حال الدول العربيه
لازم نحس اننا احسن منهم
احنا يا جماعه منجيش 1 على الف مليار مليار من اللى وصلتله دبى و الامارات او حتى الكويت
مش فلوسهم بس هى اللى عملت كدا ما فى دول كتير معاها فلوس بس هما عاوزين يعملوا بلدهم و بيحبوها
مش زينا شاطرين نقول الاهرامات لغايه اما إن شاء الله يتهدوا و نقعد ساكتين